വിശ്വാസ പരാമര്‍ശങ്ങളില്‍ ജാഗ്രത പുലര്‍ത്തണം: മുഖ്യമന്ത്രി

തിരുവനന്തപുരം: വിശ്വാസ പരാമര്‍ശങ്ങളില്‍ ജാഗ്രത പാലിക്കമെന്ന് മുഖ്യമന്ത്രി പിണറായി വിജയന്‍. "പറയുന്ന കാര്യങ്ങള്‍ ദുര്‍വാഖ്യാനം ചെയ്യപ്പെടാന്‍ സാധ്യതയുള്ള കാലമാണ്. അതിനാല്‍ ജാഗ്രതയുണ്ടാകണം," എല്‍ഡിഎഫ് പാര്‍ലമെന്ററി പാര്‍ട്ടി യോഗത്തില്‍ മുഖ്യമന്ത്രി പറഞ്ഞു.

"ജാഗ്രതയോടെ മാത്രമെ പരാമര്‍ശങ്ങള്‍ നടത്താവു. വിശ്വാസികള്‍ ധാരാളമുള്ള സമൂഹത്തിലാണ് നമ്മള്‍ ജീവിക്കുന്നത്. എല്ലാ വിശ്വാസങ്ങളെയും ഇടതുപക്ഷം ബഹുമാനിക്കുന്നു. വിശ്വാസികള്‍ നിരവധി പേര്‍ നമുക്കൊപ്പമാണ്," മുഖ്യമന്ത്രി കൂട്ടിച്ചേര്‍ത്തു.

സ്പീക്കര്‍ എ എന്‍ ഷംസീറിന്റെ പരാമര്‍ശത്തില്‍ വലിയ പ്രതിഷേധവും വിമര്‍ശനവും ഉയരുന്ന പശ്ചാത്തലത്തിലാണ് മുഖ്യമന്ത്രിയുടെ പ്രതികരണം.