തൊ​ടു​പു​ഴ: കസ്റ്റഡി മരണം നടന്ന നെടുങ്കണ്ടം പൊലീസ് സ്റ്റേഷനില്‍ പൊലീസ് കംപ്ലയിൻസ് അതോറിറ്റി ചെയർമാൻ ജസ്റ്റിസ് വി.കെ.മോഹനനും അംഗങ്ങളും സന്ദര്‍ശിച്ചു. ഇരുഭാഗത്തിന്റേയും ഭാഗങ്ങള്‍ കേട്ട് തെളിവുകള്‍ ശേഖരിച്ച് നടപടി സ്വീകരിക്കുമെന്ന് ജസ്റ്റിസ് മോഹനന്‍ വ്യക്തമാക്കി വ്യക്തമാക്കി.

രാ​ജ്കു​മാ​റി​നെ പൊ​ലീ​സ് അ​ന​ധി​കൃ​ത​മാ​യി ക​സ്റ്റ​ഡി​യി​ൽ വ​ച്ചു മ​ർ​ദി​ച്ച​തു മൂ​ന്നു ദി​വ​സമെന്നാണ് റിമാൻഡ് റിപ്പോര്‍ട്ട്. ജൂ​ണ്‍ 12-ന് ​വൈ​കി​ട്ട് അ​ഞ്ചു​മു​ത​ൽ അ​റ​സ്റ്റ് രേ​ഖ​പ്പെ​ടു​ത്തു​ന്ന 15 വ​രെ രാ​ജ്കു​മാ​റി​നെ ക​സ്റ്റ​ഡി​യി​ൽ വ​ച്ച് അ​തി​ക്രൂ​ര​മാ​യി മ​ർ​ദി​ച്ചെ​ന്ന് അ​ന്വേ​ഷ​ണ​ത്തി​ൽ വ്യ​ക്ത​മാ​യെ​ന്നു ക്രൈം​ബ്രാ​ഞ്ച് പ​റ​യു​ന്നു. കേ​സി​ലെ പ്ര​തി​ക​ളാ​യ പൊ​ലീ​സു​കാ​ർ സ്റ്റേ​ഷ​ൻ രേ​ഖ​ക​ളി​ല​ട​ക്കം കൃ​ത്രി​മം കാ​ണി​ച്ചെ​ന്നും റി​മാ​ൻ​ഡ് റി​പ്പോ​ർ​ട്ടി​ൽ പ​റ​ഞ്ഞി​ട്ടു​ണ്ട്. സ്റ്റേ​ഷ​ൻ രേ​ഖ​ക​ൾ അ​ട​ക്കം പി​ടി​ച്ചെ​ടു​ത്താ​ണ് ക്രൈം​ബ്രാ​ഞ്ച് വി​വ​ര​ങ്ങ​ൾ കോ​ട​തി​യി​ൽ ഹാ​ജ​രാ​ക്കി​യ​ത്.

കസ്റ്റഡി മരണവുമായി ബന്ധപ്പെട്ട് അറസ്റ്റിലായ സിപിഒ സജീവ് ആന്റണിയെ 14 ദിവസത്തേക്ക് റിമാൻഡ് ചെയ്തു. അറസ്റ്റിലായ നെടുങ്കണ്ടം എസ്ഐ സാബു ദേഹാസ്വാസ്ഥ്യത്തെ തുടര്‍ന്ന് കോട്ടയം മെഡിക്കൽ കോളേജ് ആശുപത്രിയില്‍ കഴിയുകയാണ്. ആരോഗ്യം മെച്ചപ്പെട്ടാല്‍ ഇദ്ദേഹത്തെ ഇന്ന് തന്നെ റിമാൻഡ് ചെയ്യും. കസ്റ്റഡി മർദനത്തിനാണ് ഇരുവരേയും അറസ്റ്റ് ചെയ്തത്. എസ്ഐയുടെ നേതൃത്വത്തിലായിരുന്നു രാജ്കുമാറിനെ തല്ലിച്ചതച്ചത്.

രാ​ജ്കു​മാ​റി​നെ പൊ​ലീ​സു​കാ​ര്‍ മർദിച്ചത് മ​ദ്യ ല​ഹ​രി​യി​ലാ​യി​രു​ന്നെ​ന്ന് ക്രൈം​ബ്രാ​ഞ്ച് ക​ണ്ടെ​ത്തിയിരുന്നു. ക​സ്റ്റ​ഡി​യി​ല്‍ മ​ർദിച്ച നാ​ല് ദി​വ​സ​വും പൊ​ലീ​സു​കാ​ര്‍ മ​ദ്യ​പി​ച്ചി​രു​ന്നെ​ന്ന് ക്രൈം​ബ്രാ​ഞ്ച് ക​ണ്ടെ​ത്തി. സ്റ്റേ​ഷ​ന്‍ വ​ള​പ്പി​ലെ കാ​ന്താ​രി​ച്ചെ​ടി​യി​ലെ മു​ള​കു​പ​റി​ച്ച് രാ​ജ്കു​മാ​റി​ന്‍റെ സ്വകാര്യ ഭാ​ഗ​ങ്ങ​ളി​ല്‍ തേ​ച്ചതായും ക്രൈംബ്രാഞ്ച് കണ്ടെത്തി. ഒ​രു​ദി​വ​സം പോ​ലും രാ​ജ്കു​മാ​റി​നെ ഉ​റ​ങ്ങാ​ന്‍ അ​നു​വ​ദി​ച്ചി​ല്ല.

Read More: രാജ്‌കുമാറിനെ പൊലീസ് മർദ്ദിച്ചത് മദ്യലഹരിയിൽ; സ്വകാര്യ ഭാഗങ്ങളിൽ കാന്താരിമുളക് തേച്ചു: ക്രൈംബ്രാഞ്ച്

മ​ർദന​ത്തി​ന്‍റെ വി​വ​ര​ങ്ങ​ള്‍ ഇ​ടു​ക്കി എസ്‌പി​യെ അ​റി​യി​ച്ച ജി​ല്ലാ സ്പെ​ഷ​ല്‍ ബ്രാ​ഞ്ച് ഉ​ദ്യോ​ഗ​സ്ഥ​നെ നെ​ടു​ങ്ക​ണ്ടം എ​സ്ഐ കെ.​എ.സാ​ബു ഭീ​ഷ​ണി​പ്പെ​ടു​ത്തി​യെ​ന്നും അ​ന്വേ​ഷ​ണ സം​ഘ​ത്തി​ന് വി​വ​രം ല​ഭി​ച്ചു.

അ​തി​നി​ടെ, ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി​യെ​ടു​ക്കാ​ത്ത​തി​ൽ താ​ഴെ​ത്ത​ട്ടി​ലു​ള്ള ഒ​രു വി​ഭാ​ഗം പൊ​ലീ​സ് ഉ​ദ്യോ​ഗ​സ്ഥ​ർ അമർഷം രേഖപ്പെടുത്തി. കേ​സു​മാ​യി ബ​ന്ധ​മു​ണ്ടെ​ന്ന് ആ​രോ​പി​ക്ക​പ്പെ​ടു​ന്ന ഉ​ന്ന​ത ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി എ​ടു​ക്ക​ണ​മെ​ന്നും അ​ല്ലാ​ത്ത​പ​ക്ഷം സം​സ്ഥാ​ന പൊ​ലീ​സ് മേ​ധാ​വി​ക്കട​ക്കം പ​രാ​തി ന​ൽ​കു​മെ​ന്നും സേ​ന​യി​ലെ ഒ​രു വി​ഭാ​ഗം അ​റി​യി​ച്ച​താ​യാ​ണ് റിപ്പോർട്ടുകൾ.

രാജ്കുമാറിന്റെ കുടുംബം കഴിഞ്ഞദിവസം മുഖ്യമന്ത്രിയെ കണ്ടിരുന്നു. കുറ്റക്കാര്‍ക്കെതിരെ കര്‍ശന നടപടി ഉണ്ടാകുമെന്ന് മുഖ്യമന്ത്രി പിണറായി വിജയന്‍ ഉറപ്പ് നല്‍കിയതായി രാജ്കുമാറിന്റെ കുടുംബം പറഞ്ഞു. സര്‍ക്കാര്‍ കൂടെയുണ്ടെന്നും ഭയപ്പെടേണ്ടെന്നും അറിയിച്ചതായി രാജ്കുമാറിന്റെ ഭാര്യാമാതാവ് സുന്ദരി പറഞ്ഞു.

നെടുങ്കണ്ടം കസ്റ്റഡി മരണത്തില്‍ കുറ്റക്കാരായ എല്ലാ പൊലീസ് ഉദ്യോഗസ്ഥര്‍ക്കെതിരെയും നടപടി സ്വീകരിക്കണമെന്ന് സിപിഎം ആവശ്യപ്പെട്ടു. സിപിഎം ഇടുക്കി ജില്ലാ സെക്രട്ടറി കെ.കെ.ജയചന്ദ്രനാണ് ഈ ആവശ്യം ഉന്നയിച്ച് രംഗത്തെത്തിയത്. സിപിഎം പത്രക്കുറിപ്പ് ഇറക്കിയിട്ടുണ്ട്.

ഇടുക്കി എസ്‌പിക്കെതിരെ ആരോപണം ഉന്നയിച്ചുള്ളതാണ് പത്രക്കുറിപ്പ്. കേസില്‍ ഇടുക്കി എസ്‌പിയുടെ പങ്ക് അന്വേഷിക്കണമെന്ന് സിപിഎം ആവശ്യപ്പെട്ടു. സംഭവവുമായി ബന്ധപ്പെട്ട് ആരെയും സംരക്ഷിക്കാനോ വെള്ളപൂശാനോ സിപിഎം ശ്രമിക്കില്ല. കുറ്റക്കാരായ എല്ലാവര്‍ക്കുമെതിരെ ശക്തമായ നടപടി സ്വീകരിക്കണം-സിപിഎം ആവശ്യപ്പെട്ടു.

ഇടുക്കി എസ്‌പിക്കെതിരെ വിമര്‍ശനവുമായി മന്ത്രി എം.എം.മണി നേരത്തെ രംഗത്തെത്തിയിരുന്നു. കേസില്‍ ഇടുക്കിയിലെ പ്രാദേശിക കോണ്‍ഗ്രസ് നേതാക്കള്‍ക്ക് പങ്കുണ്ടെന്ന വിമര്‍ശനവും എം.എം.മണി ആരോപിച്ചിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.