തി​രു​വ​ന​ന്ത​പു​രം: ആഴക്കടൽ മത്സ്യബന്ധനത്തിന് പോകുന്ന വള്ളങ്ങളെയും ബോട്ടുകളെയും ജനുവരി മുതൽ നാവിക് നയിക്കും. കടലുമായി ബന്ധപ്പെട്ട് മത്സ്യത്തൊഴിലാളികൾക്ക് വിവരങ്ങൾ അടിക്കടി ലഭ്യമാക്കാൻ ഐഎസ്ആർഒയുമായി ചേർന്ന് കേരള സർക്കാർ രൂപം നൽകുന്നതാണ് ഈ പദ്ധതി.

ബോ​ട്ടു​ക​ളി​ല്‍ സ്ഥാ​പി​ക്കു​ന്ന​തി​ന് ഐ​എ​സ്ആ​ർ​ഒ പ്ര​ത്യേ​ക​മാ​യി വി​ക​സി​പ്പി​ക്കുന്ന 250 നാ​വി​ക് ഉപകരണങ്ങൾ ജ​നു​വ​രി​യി​ല്‍ സ​ര്‍​ക്കാ​രി​ന് ല​ഭി​ക്കും. 250 എ​ണ്ണം രണ്ടാം ഘട്ടമെന്ന നിലയിൽ ഫെ​ബ്രു​വ​രി​യി​ല്‍ ലഭിക്കും. ഇത്തരത്തിൽ ആ​യി​രം എ​ണ്ണം സംസ്ഥാന സർക്കാർ പ​ണം ന​ല്‍​കി വാ​ങ്ങും.

ഇതു കഴിഞ്ഞാൽ നാവികിന്റെ സാങ്കേതിക വിദ്യ പൊതുമേഖല സ്ഥാപനങ്ങൾക്ക് കൈമാറി ആവശ്യമായ അത്രയും നാവിക് ഉപകരണങ്ങൾ കേരളത്തിൽ തന്നെ നിർമ്മിക്കും. നാവിക് പ്രവർത്തനം ഏകോപിപ്പിക്കാൻ തിരുവനന്തപുരത്ത് അവിശ്രമം പ്രവർത്തിക്കുന്ന കൺട്രോൾ റൂം തുറക്കും.

ഓ​ഖി ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് സ​ര്‍​ക്കാ​ര്‍ ന​ട​പ​ടി. ഐഎസ്ആർഒയുടെ കാലാവസ്ഥ ഉപഗ്രങ്ങളിൽ നിന്നും കാലാവസ്ഥ നിരീക്ഷണ വകുപ്പിന്റെ മുന്നറിയിപ്പുകളും ഈ കൺട്രോൾ റൂം വഴി എല്ലാ മത്സ്യത്തൊഴിലാളികളുടെയും ഫോണിലേക്ക് എത്തിക്കാനാണ് ശ്രമം.

ക​ട​ലി​ല്‍ 1500 കി​ലോ​മീ​റ്റ​ര്‍ അ​ക​ലെ​വ​രെ​യു​ള്ള മ​ത്സ്യ​ത്തൊ​ഴി​ലാ​ളി​ക​ള്‍​ക്കും സ​ന്ദേ​ശം ല​ഭി​ക്കു​ന്ന വി​ധ​ത്തി​ലാ​ണ് സം​വി​ധാ​നം ഏ​ര്‍​പ്പെ​ടു​ത്തു​ന്ന​ത്. മ​ത്സ്യ ല​ഭ്യ​താ പ്ര​ദേ​ശ​ങ്ങ​ള്‍ ക​ണ്ടെ​ത്തു​ന്ന​തി​നും, മ​ത്സ്യ​ത്തി​ന്‍റെ അ​ത​തു ദി​വ​സ​ങ്ങ​ളി​ലെ വി​ല അ​റി​യു​ന്ന​തി​നു​മു​ള​ള സം​വി​ധാ​ന​വും ഇ​തോ​ടൊ​പ്പം സ​ജ്ജീ​ക​രി​ക്കും.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ