തിരുവനന്തപുരം: ദേശീയ പണിമുടക്ക് ദിനത്തിൽ തിരുവനന്തപുരം എസ്ബിഐ ട്രഷറി ബ്രാഞ്ചില്‍ അക്രമം നടത്തിയ രണ്ട് എന്‍ജിഒ യൂണിയന്‍ നേതാക്കള്‍ക്കെതിരെ നടപടി. അശോകൻ, ഹരിലാൽ എന്നിവരെ സസ്‍പെൻഡ് ചെയ്തു. പൊലീസ് റിമാൻഡ് റിപ്പോർട്ട് വകുപ്പ് മേധാവികൾക്ക് ലഭിച്ചതിന്റെ അടിസ്ഥാനത്തിലാണ് ഇരുവർക്കുമെതിരെ വകുപ്പുതല നടപടിയെടുത്തിരിക്കുന്നത്. ഇരുവരുടെയും ജാമ്യാപേക്ഷ കോടതി നേരത്തെ തള്ളിയിരുന്നു.

ട്രഷറി ഓഫീസിലെ ക്ലാര്‍ക്കും എന്‍ജിഒ യൂണിയന്‍ ഏരിയാ സെക്രട്ടറിയുമാണ് അശോകൻ. സാങ്കേതിക വിദ്യാഭ്യാസ ഡയറക്ടറേറ്റിലെ അറ്റന്‍ഡറും എന്‍ജിഒ യൂണിയന്‍ ജില്ലാ സെക്രട്ടറിയേറ്റ്‌ അംഗവുമാണ് ഹരിലാൽ. കഴിഞ്ഞ ദിവസം അറസ്റ്റിലായ ഇരുവരും ഇപ്പോൾ റിമാൻഡിലാണ്.

ദേശീയ പണിമുടക്കിന്റെ രണ്ടാം ദിവസംമാണ് തിരുവനന്തപുരത്ത് സെക്രട്ടേറിയറ്റിന് സമീപത്തെ എസ്ബിഐ ബ്രാഞ്ചിന് നേരെ പണിമുടക്ക് അനുകൂലികൾ ആക്രമണം നടത്തിയത്. ബാങ്കിനകത്ത്, മാനേജറുടെ മുറിയിലെ കമ്പ്യൂട്ടറും ഫോണും ഇവർ അടിച്ചുതകർത്തിരുന്നു. സംഭവത്തിൽ ബാങ്ക് മാനേജർ കന്റോൺമെന്റ് പൊലീസിന് പരാതി നൽകി.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ