scorecardresearch
Latest News

നാർക്കോട്ടിക് ജിഹാദ് വിവാദം: മുസ്ലിം സംഘടനകളുടെ യോഗം ഇന്ന്

പാണക്കാട് സാദിഖലി തങ്ങളുടെ അധ്യക്ഷതയിൽ വൈകുന്നേരം മൂന്ന് മണിക്കാണ് യോഗം

love jihad, narcotic jihad, drug jihad kerala, narcotic jihad kerala, love jihad kerala, Bishop Mar Joseph Kallarangatt on love jihad, Bishop Mar Joseph Kallarangatt on narcotic jihad, Pala Bishop Mar Joseph Kallarangatt, indian express malayalam, ie malayalam

കോഴിക്കോട്: പാല ബിഷപ്പിന്റെ വിവാദ നാർക്കോട്ടിക് ജിഹാദ് പരാമർശം ചർച്ച ചെയ്യാൻ മുസ്ലിം സംഘടനകൾ ഇന്ന് യോഗം ചേരും. പാണക്കാട് സാദിഖലി തങ്ങളുടെ അധ്യക്ഷതയിൽ വൈകുന്നേരം മൂന്ന് മണിക്കാണ് യോഗം. എ.പി, ഇ.കെ സമസ്ത, കെ.എൻ.എം, ജമാഅത്ത് ഇസ്ലാമി, എം.ഇ.എസ് ഉൾപ്പടെ ഒമ്പത് മുസ്ലിം സംഘനകൾ ഇന്ന് കോഴിക്കോട് നടക്കുന്ന യോഗത്തിൽ പങ്കെടുക്കും.

നേരത്തെ, വിവാദ പരാമർശം നടത്തിയ പാല ബിഷപ്പിനെ മന്ത്രി വി.എൻ വാസവനും ജോസ് കെ മാണിയും അടക്കമുള്ളവർ സന്ദർശിച്ചതിനെതിരെ ചില മുസ്ലിം സംഘടനകൾ രംഗത്ത് എത്തിയിരുന്നു. വിഷയത്തിൽ സാമുദായിക സംഘടനകളുടെ യോഗമോ സർവകക്ഷിയോഗമോ വിളിക്കണമെന്ന പ്രതിപക്ഷ ആവശ്യം സർക്കാർ തള്ളിയിരുന്നു. അതിന്റെ ആവശ്യമില്ലെന്ന നിലപാടിലാണ് സർക്കാർ.

കഴിഞ്ഞ ദിവസം തിരുവനന്തപുരത്ത് വെച്ച് മലങ്കര കത്തോലിക്കാ സഭാധ്യക്ഷൻ കർദിനാൾ മാർ ബസേലിയോസ്‌ ക്ലിമിസ് കതോലിക്കാ ബാവയുടെ നേതൃത്വത്തിൽ വിവാദ മതസാമുദായിക നേതാക്കന്മാരുടെ യോഗം നടന്നിരുന്നു. പാളയം ഇമാം ഡോ. ഹുസ്സൈൻ മടവൂർ ഉൾപ്പടെയുള്ളവർ യോഗത്തിൽ പങ്കെടുത്തിരുന്നു. അതിനു പിന്നാലെയാണ് ഇന്ന് മുസ്ലിം സംഘടനകളുടെ യോഗം നടക്കുന്നത്.

Also read: സാമൂഹ്യ തിന്മകൾക്ക് മതത്തിന്റെ നിറം നൽകരുത്; തീവ്രവാദ പ്രസ്ഥാനങ്ങൾക്ക് നന്മയുടെ മുഖം നൽകുന്നത് അപകടം: മുഖ്യമന്ത്രി

Stay updated with the latest news headlines and all the latest Kerala news download Indian Express Malayalam App.

Web Title: Muslim organizations meeting on narcotic jihad row