Latest News
UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്
സംസ്ഥാനത്ത് ലോക്ക്ഡൗണ് ഇളവുകള്‍ നാളെ മുതല്‍
സംസ്ഥാനത്ത് മഴ ശക്തം; ജലനിരപ്പ് ഉയരുന്ന പ്രദേശങ്ങളില്‍ ജാഗ്രതാ നിര്‍ദേശം
കോവിഡ് മരണങ്ങളില്‍ 21 ശതമാനവും തിരുവനന്തപുരത്ത്
രാജ്യത്ത് 62,224 പുതിയ കേസുകള്‍; 2,542 മരണം

അച്ചടക്കലംഘനം അനുവദിക്കില്ല, സോഷ്യൽ മീഡിയയിൽ ജാഗ്രത വേണം: മുല്ലപ്പള്ളി

ആരാധകവൃന്ദത്തെ വളർത്തുന്നതിൽ വിരോധമില്ലെന്നും എന്നാൽ സ്വയം നിയന്ത്രണം ആണ് പ്രവർത്തകർക്ക് വേണ്ടതെന്നും മുല്ലപ്പള്ളി

തിരുവനന്തപുരം: വി ടി ബൽറാമിനെതിരെ വീണ്ടും തുറന്നടിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ബൽറാമിന്‍റെ വിവാദമായ ഫേസ്ബുക്ക് പോസ്റ്റ് അവഗണിക്കുന്നുവെന്ന് വ്യക്തമാക്കിയ അദ്ദേഹം കോൺഗ്രസിൽ അച്ചടക്കലംഘനം അനുവദിക്കില്ലെന്നും കൂട്ടിച്ചേർത്തു. ആരാധകവൃന്ദത്തെ വളർത്തുന്നതിൽ വിരോധമില്ലെന്നും എന്നാൽ സ്വയം നിയന്ത്രണം ആണ് പ്രവർത്തകർക്ക് വേണ്ടതെന്നും ഒർമ്മിപ്പിച്ചു.

Also Read: ‘എനിക്ക് സൗകര്യമുളള സമയത്താണ് ഫെയ്സ്ബുക്ക് പോസ്റ്റിടുന്നത്’; മുല്ലപ്പള്ളിക്കെതിരെ ബല്‍റാമിന്റെ ഒളിയമ്പ്

“ആരാധകവൃന്ദത്തെ വളർത്തുന്നതിൽ വിരോധമില്ല, സോഷ്യൽ മീഡിയ എന്ന പ്ലാറ്റ്ഫോം ഉപയോഗപ്പെടുത്തി ആരെയും ഇകഴ്ത്താനോ വ്യക്തിഹത്യ നടത്താനോ പാടില്ലെന്നെ പറഞ്ഞിട്ടുള്ളു. സ്ത്രീത്വത്തെ അപമാനിക്കുവാൻ ഒരു തരത്തിലും അനുവദിക്കില്ല. ബൽറാമിനെയും പലഘട്ടങ്ങളിലും പ്രോത്സാഹിപ്പിച്ചിട്ടുണ്ട്. കഴിവും കാര്യശേഷിയുമുള്ള ചെറുപ്പക്കാരെ ഇനിയും പ്രോത്സാഹിപ്പിക്കും. ബൽറാമിന്റെ മറുപടി അർഹിക്കുന്ന അവജ്ഞയോടെ തള്ളിക്കളയുന്നു,” മുല്ലപ്പള്ളി പറഞ്ഞു.

Also Read: ബൽറാം നിയന്ത്രണം പാലിക്കണം, കെ ആർ മീരയെ അധിക്ഷേപിച്ച നടപടി ശരിയല്ല: മുല്ലപ്പള്ളി

സാംസ്കാരിക നായകരെയും എഴുത്തുകാരി കെ ആര്‍ മീരയെ വൃക്തിപരമായും അധിക്ഷേപിച്ചുള്ള വിടി ബൽറാമിൻറെ ഫേസ്ബുക്ക് പോസ്റ്റ് വിവാദമായിരുന്നു. പൊ​തു​സ​മൂ​ഹ​ത്തി​ൽ അം​ഗീ​കാ​ര​മു​ള്ള ഒ​രു സാ​ഹി​ത്യ​കാ​രി​ക്കെ​തി​രേ ഉ​പ​യോ​ഗി​ച്ച വാ​ക്കു​ക​ൾ ശ​രി​യാ​യി​ല്ലെ​ന്ന് മു​ല്ല​പ്പ​ള്ളി പ​റ​ഞ്ഞു. ‘അധിക്ഷേപ സ്വരത്തില്‍ ഒരു പൊതുപ്രവര്‍ത്തകന്‍ സംസാരിക്കുന്നത് നല്ല ലക്ഷണമായി കാണുന്നില്ല. അത് ഞാന്‍ അംഗീകരിക്കുന്നില്ല. സോഷ്യല്‍ മീഡിയയിൽ നിയന്ത്രണം പാലിക്കാൻ ബൽറാം തയാറാകണമെന്ന് അദ്ദേഹം പറഞ്ഞു. എ​കെ​ജി​ക്കെ​തി​രേ ന​ട​ത്തി​യ അ​ക്ഷേ​പ​ങ്ങ​ളു​ടെ പേ​രി​ൽ ബ​ൽ​റാ​മി​ന് താ​ക്കീ​ത് ന​ൽ​കി​യി​രു​ന്നെ​ന്നും ബ​ൽ​റാം കേ​ൾ​ക്കാ​ൻ ത​യാ​റാ​കു​ന്നി​ല്ലെ​ന്നും മു​ല്ല​പ്പ​ള്ളി പ​രി​ത​പി​ച്ചു.

Also Read: ‘പോ മോനേ ബാല-രാമാ’, വിടി ബൽറാമിനോട് കെആർ മീര

ഇതിന് മറുപടിയായാണ് വി ടി ബൽറാം വീണ്ടും ഫെയ്സ്ബുക്കിൽ പോസ്റ്റിട്ടത്. തന്റെ സേവനമൊക്കെ കഴിഞ്ഞ് സൗ​ക​ര്യ​മു​ള്ള സ​മ​യ​ത്താ​ണ് ഫെയ്​സ്ബു​ക്കി​ൽ പോ​സ്റ്റും ക​മ​ന്‍റു​മൊ​ക്കെ ഇ​ടു​ന്ന​തെ​ന്നും ഇ​ത് സ്വ​ന്തം ഇ​ഷ്ട​പ്ര​കാ​ര​മാ​ണെ​ന്നുമായിരുന്നു ബൽറാമിന്റെ പോസ്റ്റ്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Mullappally replies to vt balram

Next Story
സിപിഎം പ്രവര്‍ത്തകന്‍ കൊല്ലപ്പെട്ടത് കപ്പയെ ചൊല്ലിയുണ്ടായ തര്‍ക്കം കാരണമെന്ന് സഹോദരി
The moderation of comments is automated and not cleared manually by malayalam.indianexpress.com