തിരുവനന്തപുരം: കര്‍ഷക മൊറട്ടോറിയം നീട്ടാനുള്ള സര്‍ക്കാര്‍ തീരുമാനത്തിന് തിരഞ്ഞെടുപ്പ് കമ്മീഷന്‍ പച്ചക്കൊടി കാട്ടിയേക്കും. മൊറട്ടോറിയം നീട്ടി പ്രഖ്യാപിക്കാനുള്ള സര്‍ക്കാര്‍ അപേക്ഷ കേന്ദ്ര തിരഞ്ഞെടുപ്പ് കമ്മീഷന് കൈമാറും. സംസ്ഥാന സര്‍ക്കാരിന്റെ ഇക്കാര്യത്തിലുള്ള വിശദീകരണം തൃപ്തികരമാണെന്ന് മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണ അറിയിച്ചു. മൊറട്ടോറിയം നീട്ടി പ്രഖ്യാപിച്ചുകൊണ്ടുള്ള ഉത്തരവ് ഇറക്കാന്‍ അനുമതി വേണമെന്നാണ് സര്‍ക്കാര്‍ ആവശ്യം.

തിരഞ്ഞെടുപ്പ് വിജ്ഞാപനത്തിന് മുന്‍പ് ഉത്തരവിറക്കാത്തതാണ് പ്രതിസന്ധിക്ക് കാരണമായത്. ഉത്തരവ് ഇറക്കാന്‍ അനുമതി വേണമെന്ന് ചീഫ് സെക്രട്ടറി തിരഞ്ഞെടുപ്പ് കമ്മീഷനോട് അഭ്യര്‍ത്ഥിച്ചിരുന്നു. സര്‍ക്കാര്‍ വാദം കേട്ട ശേഷമാണ് മുഖ്യ തിരഞ്ഞെടുപ്പ് ഓഫീസര്‍ ഇക്കാര്യത്തില്‍ നിലപാട് സ്വീകരിച്ചത്. എന്തുകൊണ്ട് ഉത്തരവ് ഇറക്കാന്‍ വൈകിയെന്ന് തിരഞ്ഞെടുപ്പ് ഓഫീസര്‍ ചോദിച്ചിരുന്നു. ഉത്തരവിറക്കാന്‍ വൈകിയതില്‍ ചീഫ് സെക്രട്ടറിയെ മുഖ്യമന്ത്രിയും മറ്റ് മന്ത്രിമാരും ശാസിച്ചിരുന്നു.

Read More: കര്‍ഷകര്‍ക്ക് ആശ്വാസം: വായ്പകളില്‍ ഒരു വര്‍ഷത്തേക്ക് ജപ്തി ഉണ്ടാവില്ലെന്ന് ബാങ്കേഴ്സ് സമിതി

മാ​ർ​ച്ച് അ​ഞ്ചി​ന് ചേ​ർ​ന്ന മ​ന്ത്രി​സ​ഭാ യോ​ഗ​മാ​ണ് ക​ർ​ഷ​ക​രെ​ടു​ത്ത എ​ല്ലാ വാ​യ്പ​ക​ൾ​ക്കും ഡി​സം​ബ​ർ 31 വ​രെ മൊ​റ​ട്ടോ​റി​യം പ്ര​ഖ്യാ​പി​ച്ച​ത്. തി​ര​ഞ്ഞെ​ടു​പ്പ് പ്ര​ഖ്യാ​പി​ച്ച​ത് മാ​ർ​ച്ച് പ​ത്തി​നാ​ണ്. ഇ​തി​നി​ടെ ഇ​ത് സം​ബ​ന്ധി​ച്ച ഉ​ത്ത​ര​വ് ഇ​റ​ങ്ങാ​ത്ത​തി​നാ​ൽ ക​ർ​ഷ​ക​രെ​ടു​ത്ത എ​ല്ലാ വാ​യ്പ​ക​ൾ​ക്കും മൊ​റ​ട്ടോ​റി​യം ബാ​ധ​ക​മാ​കാ​ത്ത സ്ഥി​തി വ​രി​ക​യാ​യി​രു​ന്നു. പ​തി​ച്ചു​ന​ൽ​കി​യ ഭൂ​മി​യി​ൽ ഖ​ന​ന​ത്തി​ന് ക​ലക്ട​ർ​ക്ക് അ​നു​മ​തി ന​ൽ​കാ​മെ​ന്ന ഉ​ത്ത​ര​വ് മൂ​ന്നാം ദി​വ​സം​ ത​ന്നെ ഇ​റ​ക്കി​യ​പ്പോ​ഴാ​ണ് മൊ​റ​ട്ടോ​റി​യം ഉ​ത്ത​ര​വ് വൈ​കി​ച്ച​തും സാ​ങ്കേ​തി​ക​ കു​രു​ക്കി​ലാ​യ​തും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.