സംസ്ഥാനത്ത് കുരങ്ങുപനി ബാധിച്ച് ഒരു മരണം

വയനാട്: സംസ്ഥാനത്ത് കുരങ്ങുപനി ബാധിച്ച് ഒരു മരണം. വയനാട് തിരുനെല്ലി അപ്പപ്പാറ സ്വദേശിയാണ് മരിച്ചത്. കർണാടകയിൽ ജോലിയ്ക്ക് പോയപ്പോഴാണ് ഇയാൾക്ക് പനി പിടിച്ചതെന്ന് ആരോഗ്യവകുപ്പ് അറിയിച്ചു. കുരങ്ങുപനി റിപ്പോർട്ട് ചെയ്ത മേഖലകളിലൂടെയുള്ള സഞ്ചാരം പൂർണ്ണമായും ഒഴിവാക്കണം.

ശക്തിയായ പനി, തലവേദന, ശരീരവേദന, വയറുവേദന,വയറിളക്കം എന്നിവയാണ് കുരങ്ങുപനിയുടെ ലക്ഷണങ്ങള്‍. രോഗം തലച്ചോറിനെ ബാധിച്ചാല്‍ ഗുരുതരമാകും. അപസ്മാര ലക്ഷണങ്ങളും പ്രകടിപ്പിച്ചേക്കാം. ലക്ഷണങ്ങൾ കണ്ടാൽ ഉടനടി വെെദ്യസഹായം തേടണം.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook