എടപ്പാൾ: തദ്ദേശ സ്വയംഭരണ വകുപ്പ് മന്ത്രി കെടി ജലീലി​​ന്റെ ഔദ്യോഗിക വാഹനം അപകടത്തിൽ പെട്ടു. മന്ത്രിയുടെ വാഹനം പൈലറ്റ് വാഹനത്തി​​ന്റെ പിറകിലിടിക്കുകയായിരുന്നു. ഞായറാഴ്ച ഉച്ചക്ക്​ എടപ്പാൾ ജങ്​ഷനിലെ കോഴിക്കോട് റോഡിലാണ് അപകടം. വട്ടംകുളത്ത് ഒരു പരിപാടിയിൽ പങ്കെടുക്കുന്നതിന് പോവുകയായിരുന്നു മന്ത്രി.

പൈലറ്റ് വാഹനത്തിന് കുറുകെ ബൈക്ക് കടന്നു വന്നതിനെ തുടർന്ന് വാഹനം ബ്രേക്കിട്ടതോടെ പിറകിലെത്തിയ മന്ത്രിയുടെ വാഹനം പൈലറ്റ് വാഹനത്തിന്റെ പിറകിൽ ഇടിക്കുകയായിരുന്നു. അപകടത്തിൽ ആർക്കും പരിക്കില്ല. മന്ത്രി പിന്നീട് പൊലീസ് വാഹനത്തിൽ വട്ടംകുളത്തെ പരിപാടിയിൽ പങ്കെടുക്കാനായി പോയി.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.