മാ​​വേ​​ലി​​ക്ക​​ര: വ​​ള്ളി​​ക്കു​​ന്നം പൊ​​ലീ​​സ് സ്റ്റേ​​ഷ​​നി​​ലെ വ​​നി​​താ സി​​വി​​ൽ പൊ​​ലീ​​സ് ഓ​​ഫീ​​സ​​ർ സൗ​​മ്യ(32)​​യെ കൊലപ്പെടുത്തിയത് വി​​വാ​​ഹ അ​​ഭ്യ​​ർ​​ഥ​​ന നി​​ര​​സി​​ച്ച​​തി​​നാ​​ലാ​​ണെന്ന് പ്രതി അജാസിന്റെ മൊഴി. ഇന്നലെ രാത്രി 10 മണിക്ക് ശേഷം മജിസ്ട്രേറ്റ് അജാസിന്റെ മൊഴി രേഖപ്പെടുത്തി. നേരത്തേ അജാസിന്റെ ആരോഗ്യനില ഗുരുതരമായതിനാല്‍ മൊഴി രേഖപ്പെടുത്തിയിരുന്നില്ല. എന്നാല്‍ ഇന്നലെ രാത്രി അല്‍പനേരം മാത്രം പൊലീസ് മജിസ്ട്രേറ്റിന്റെ സാന്നിധ്യത്തില്‍ മൊഴിയെടുത്തു.

എനിക്ക് സൗമ്യയോട് ഇഷ്ടമായിരുന്നു. എന്റെ വിവാഹാഭ്യര്‍ത്ഥന സൗമ്യ നിരസിച്ചു. തുടര്‍ന്നാണ് സൗമ്യയെ കൊലപ്പെടുത്താന്‍ തീരുമാനിച്ചത്. പെട്രോള്‍ ഉപയോഗിച്ച് സൗമ്യയെ തീകൊളുത്തി കൊലപ്പെടുത്തിയശേഷം ആത്മഹത്യ ചെയ്യാനായിരുന്നു തീരുമാനിച്ചതെന്നും ഇത് പാളിപ്പോയെന്നും പ്രതി അജാസ് മൊഴി നല്‍കി. താന്‍ ഒറ്റയ്ക്കാണ് കൃത്യം നിര്‍വഹിച്ചതെന്നും കൊലപാതകത്തില്‍ മറ്റാര്‍ക്കും പങ്കില്ലെന്നും പ്രതി മൊഴി നല്‍കി.

‘കൊല ആസൂത്രണം ചെയ്ത് നടപ്പാക്കിയത് ഒറ്റയ്ക്കാണ്. മറ്റാര്‍ക്കും പങ്കില്ല. സൗമ്യയെ കൊന്ന ശേഷം ആത്മഹത്യ ചെയ്യാനായിരുന്നു കരുതിയത്. എന്നാല്‍ അതിന് സാധിച്ചില്ല. സൗമ്യയെ ഇഷ്ടമായിരുന്നു. പല തവണ വിവാഹാഭ്യര്‍ത്ഥന നടത്തിയിട്ടും സൗമ്യ നിരസിച്ചു. ഇതിനിടയിലാണ് കടം വാങ്ങിയ പണം സൗമ്യ തിരികെ തരാന്‍ നോക്കിയത്. എന്നാല്‍ അത് വേണ്ടെന്ന് പറഞ്ഞ് താൻ തിരികെ നല്‍കിയതായും അജാസ് മൊഴി നല്‍കി.

ഡോക്ടര്‍മാരുടെ നിര്‍ദേശത്തെ തുടര്‍ന്ന് ഗുരുതരനിലയിലുളള അജാസിനെ കൂടുതല്‍ നേരം ചോദ്യം ചെയ്തില്ല. വി​​വാ​​ഹാ​​ഭ്യ​​ർ​​ഥ​​ന​യ്​​ക്കു വ​​ഴ​​ങ്ങാ​​ത്ത​​തി​​നെ​​ത്തു​​ട​​ർ​​ന്ന് അ​​ജാ​​സ് വ​​ധ​​ഭീ​​ഷ​​ണി മു​​ഴ​​ക്കി​​യി​​രു​​ന്നെ​​ന്ന് സൗ​​മ്യ​​യു​​ടെ അ​​മ്മ​​യും മൊ​​ഴി നല്‍കിയിട്ടുണ്ട്. പൊ​​ലീ​​സ് അ​​ക്കാ​​ദ​​മി​​യി​​ലെ പ​​രി​​ശീ​​ല​​ന വേ​​ള​​യി​​ൽ ഒ​​പ്പ​​മു​​ണ്ടാ​​യി​​രു​​ന്ന ഇ​​രു​​വ​​രു​​ടെ​​യും സൗ​​ഹൃ​​ദ​ കാ​​ല​​യ​​ള​​വി​​ൽ സൗ​​മ്യ അ​​ജാ​​സി​​ന്‍റെ പ​​ക്ക​​ൽ​നി​​ന്ന് ഒ​​ന്ന​​ര ല​​ക്ഷം രൂ​​പ ക​​ടം വാ​​ങ്ങി​​യി​​രു​​ന്നു. ഈ ​​പ​​ണം അ​​ടു​​ത്ത കാ​​ല​​ത്ത് അ​​ജാ​​സി​​ന്‍റെ ബാ​​ങ്ക് അ​​ക്കൗ​​ണ്ടി​​ലേ​​ക്ക് അ​​യ​​ച്ചു​​കൊ​​ടു​​ത്തി​​രു​​ന്നെ​​ങ്കി​​ലും അ​​ജാ​​സ് തു​​ക കൈ​​പ്പ​​റ്റാ​​തെ തി​​രി​​ച്ച​​യ​​ച്ചു.

Read More: ‘അന്ന് അജാസിന്റെ കാല് പിടിച്ച് വീട്ടില്‍ നിന്ന് ഇറങ്ങിപ്പോവാന്‍ പറഞ്ഞു’; സൗമ്യയുടെ മാതാവിന്റെ വെളിപ്പെടുത്തല്‍

ക​​ടം കൊ​​ടു​​ത്ത പ​​ണം സൗ​​മ്യ​​യു​​മാ​​യി​​ട്ടു​​ള്ള സ​​മ്പർ​​ക്കം തു​​ട​​രാ​​നു​​ള്ള ഒ​​രു ഉ​​പാ​​ധി​​യാ​​യി ക​​ണ്ടു ബ​​ന്ധം തു​​ട​​രു​​ന്ന​​തി​​നി​​ടെ ര​​ണ്ടാ​​ഴ്ച മു​​ന്പ് സൗ​​മ്യ അ​​മ്മ​​യെ​​യും കൂ​​ട്ടി എ​​റ​​ണാ​​കു​​ള​​ത്തേ​​ക്ക് എ​​ത്തി ക​​ടം വീ​​ട്ടാ​​നു​​ള്ള ശ്ര​​മം ന​​ട​​ത്തി​​യി​​രു​​ന്നു. എ​​ന്നാ​​ൽ, അ​​പ്പോ​​ഴും പ​​ണം വാ​​ങ്ങാ​​തെ മാ​​ന്യ​​മാ​​യ പെ​​രു​​മാ​​റ്റ​​ത്തോ​​ടെ പ്ര​​തി അ​​ജാ​​സ്, സൗ​​മ്യ​​യെ​​യും അ​​മ്മ​യെ​​യും സ്വ​​ന്തം കാ​​റി​​ൽ വ​​ള്ളി​​ക്കു​​ന്ന​​ത്തെ വീ​​ട്ടി​​ൽ കൊ​​ണ്ടാ​​ക്കു​​ക​​യാ​​യി​​രു​​ന്നു. തു​​ട​​ർ​​ന്നാ​​ണു പ്ര​​ശ്ന​​ങ്ങ​​ൾ വ​​ഷ​​ളാ​​യ​​തെ​​ന്നു പൊ​​ലീ​​സ് ക​​രു​​തു​​ന്നു.

Mavelikkara murder, മാവേലിക്കര കൊലപാതകം, police woman, പൊലീസുകാരി, Murder, കൊലപാതകം, Alappuha, ആലപ്പുഴ,Police, പൊലീസ്, fire, തീവെച്ചു

കൊല്ലപ്പെട്ട സൗമ്യ

വീ​​ട്ടി​​ലെ​​ത്തി ഇ​​യാ​​ൾ വി​​വാ​​ഹാ​​ഭ്യ​​ർ​​ഥ​​ന ന​​ട​​ത്തു​​ക​​യും വ​​ഴ​​ങ്ങാ​​തെ വ​​ന്ന​​പ്പോ​​ൾ സൗമ്യയെയും ഭ​​ർ​​ത്താ​​വ് സ​​ജീ​​വ​​നെ​യും കൊ​​ന്നു​​ക​​ള​​യു​​മെ​ന്നു ഭീ​​ഷ​​ണി​​പ്പെ​​ടു​​ത്തി​​യി​​രു​​ന്ന​​താ​​യും സൗ​​മ്യ​​യു​​ടെ അ​​മ്മ പ​​റ​​ഞ്ഞു. വ്യ​​ക്ത​​മാ​​യ ക​​ണ​​ക്കു​​കൂ​​ട്ട​​ലി​​ൽ കൊ​​ല്ലു​​ക എ​​ന്ന ല​​ക്ഷ്യ​​ത്തോ​​ടെ​​യാ​​ണ് ഇ​​യാ​​ൾ എ​​ത്തി​​യ​​തെ​​ന്നാ​​ണ് പൊ​​ലീ​​സി​​ന്‍റെ ക​​ണ്ടെ​​ത്ത​​ൽ. ഇ​​രു​​വ​​രു​​ടേ​​യും ഫോ​​ണ്‍ വി​​ളി​​ക​​ളും വാ​​ട്സ്ആ​​പ് സ​​ന്ദേ​​ശ​​ങ്ങ​​ളും പൊ​​ലീ​​സ് വി​​ശ​​ദ​​മാ​​യി പ​​രി​​ശോ​​ധി​​ച്ചു വ​​രി​​ക​​യാ​​ണ്.

ചെ​​ങ്ങ​​ന്നൂ​​ർ ഡി​​വൈ​​എ​​സ്പി അ​​നീ​​ഷ് വി.​കോ​​ര​​യ്ക്കാ​​ണ് അ​​ന്വേ​​ഷ​​ണ​​ച്ചു​​മ​​ത​​ല. എ​​ല്ലാ​​വി​​ധ ശാ​​സ്ത്രീ​​യ തെ​​ളി​​വു​​ക​​ളും ശേ​​ഖ​​രി​​ക്കു​​മെ​​ന്നും കൊ​​ല​​പാ​​ത​​ക​​ത്തി​​ലേ​​ക്ക് എ​​ത്തി​​പ്പെ​​ടാ​​നു​​ള്ള കാ​​ര​​ണ​​ങ്ങ​​ൾ ഉ​​ട​​ൻ വ്യ​​ക്ത​​മാ​​കു​​മെ​​ന്നും എ​​സ്പി കെ.​​എം.ടോ​​മി പ​​റ​​ഞ്ഞു.

Read More: കണ്ണും മൂക്കുമില്ലാത്ത സ്‌നേഹ’വെറി’; കേരളത്തെ ഞെട്ടിച്ച സംഭവങ്ങള്‍

വെ​​ള്ളി​​യാ​​ഴ്ച വൈ​​കു​​ന്നേ​​രം നാ​​ലോ​​ടെ​​യാ​​ണു വീ​​ടി​​നു സ​​മീ​​പ​​ത്തു വ​​ച്ച് വ​​ള്ളി​​കു​​ന്നം പൊലീ​​സ് സ്റ്റേ​​ഷ​​നി​​ലെ സി​​വി​​ൽ പൊ​​ലീ​​സ് ഓ​​ഫീ​​സ​​ർ സൗ​​മ്യ​​യെ പ്ര​​തി ആ​​ലു​​വ ട്രാ​​ഫി​​ക് പൊലീ​​സ് സ്റ്റേ​​ഷ​​നി​​ലെ സി​​വി​​ൽ പൊ​​ലീ​​സ് ഓ​​ഫീ​​സ​​ർ അ​​ജാ​​സ് വ​​ടി​​വാ​​ൾ ഉ​​പ​​യോ​​ഗി​​ച്ച് വെ​​ട്ടി​​വീ​​ഴ്ത്തി​​യ ശേ​​ഷം പെ​​ട്രോ​​ൾ ഒ​​ഴി​​ച്ച് ക​​ത്തി​​ച്ച് കൊ​​ല​​പ്പെ​​ടു​​ത്തി​​യ​​ത്. ബ​​ഹ​​ളം കേ​​ട്ടെ​​ത്തി​​യ നാ​​ട്ടു​​കാ​​രാ​​ണ് ഇയാളെ പി​​ടി​​കൂ​​ടിയത്.

അ​​​ജാ​​​സിനെ​​​തി​​​രെ വ​​കു​​പ്പു​​ത​​ല ന​​​ട​​​പ​​​ടി​ ഇ​​ന്നു​​ത​​ന്നെ​​യു​​​ണ്ടാ​​​കും. പ്രാ​​​ഥ​​​മി​​കാ​​​ന്വേ​​​ഷ​​​ണ റി​​​പ്പോ​​​ർ​​​ട്ട് ഇ​​​ന്ന് ല​​​ഭി​​​ക്കു​​​മെ​​​ന്നും അ​​​ച്ച​​​ട​​​ക്ക ന​​​ട​​​പ​​​ടി സ്വീ​​​ക​​​രി​​​ക്കു​​​മെ​​​ന്നും റൂ​​​റ​​​ൽ ജി​​​ല്ലാ പൊ​​​ലീ​​​സ് മേ​​​ധാ​​​വി കെ.കാ​​​ർ​​​ത്തി​​​ക് പ​​​റ​​​ഞ്ഞു. വീ​​​ട് നി​​​ർ​​​മാ​​​ണ​​​ത്തി​​​നെ​​​ന്ന പേ​​​രി​​​ൽ അ​​​വ​​​ധി​​​യെ​​​ടു​​​ത്താ​​​ണ് അ​​​ജാ​​​സ് വ​​​ള്ളി​​​ക്കു​​​ന്ന​​​ത്ത് സൗ​​​മ്യ​​​യു​​​ടെ വീ​​​ടി​​​നു സ​​​മീ​​​പം വ​​​ച്ച് അ​​വ​​രെ ശ​​​നി​​​യാ​​​ഴ്ച കൊ​​​ല​​​പ്പെ​​​ടു​​​ത്തി​​​യ​​​ത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.