തിരുവല്ല : ഏഷ്യയിലെ ഏറ്റവും വലിയ ക്രിസ്തീയ കൂട്ടായ്മകളിൽ ഒന്നായ മാരാമൺ കൺവെൻഷനിൽ സ്ത്രീകൾക്ക് പങ്കെടുക്കാൻ വിലക്കുണ്ടായിരുന്ന രാത്രിയോഗങ്ങൾ ഇനി നടത്തേണ്ടെന്ന് മാർത്തോമ്മ സഭ. സ്ത്രീകൾക്ക് കൂടി പങ്കെടുക്കാവുന്ന വിധത്തിൽ രാത്രിയോഗങ്ങളുടെ സമയം പുനഃക്രമീകരിക്കാനാണ് തീരുമാനം. സായാഹ്​ന​ യോഗങ്ങൾ വൈകീട്ട്​ അഞ്ചിന്​ തുടങ്ങുമെന്ന്​ മാർത്തോമ സഭ വ്യക്തമാക്കി. ആറര വരെയുള്ള യോഗങ്ങളിൽ സ്​ത്രീകൾക്കും​ പ​​ങ്കെടുക്കാം.

നേരത്തേ 6.30ന് തുടങ്ങുന്ന സായാഹ്ന യോഗങ്ങളിൽ പങ്കെടുക്കാൻ സ്ത്രീകൾക്ക് അനുവാദമുണ്ടായിരുന്നില്ല. രാവിലെയും ഉച്ചക്കുമുള്ള യോഗങ്ങളുടെ സമയക്രമത്തിൽ മാറ്റമില്ല. യുവ വേദി യോഗങ്ങൾ കോഴഞ്ചേരി പള്ളിയിലേക്ക്​ മാറ്റുവാനും തീരുമാനിച്ചിട്ടുണ്ട്​. ഏഷ്യയിലെ തന്നെ ഏറ്റവും വലിയ ക്രിസ്​ത്യൻ കൺവെൻഷനുകളിൽ ഒന്നാണ്​ മാരാമണ്ണിലേത്​.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ