Latest News
കോവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്‍കാനാകില്ല; കേന്ദ്രം സുപ്രീം കോടതിയില്‍
തമിഴ്നാട്ടില്‍ ഒരാഴ്ചകൂടി ലോക്ക്ഡൗണ്‍ നീട്ടി
ഡല്‍ഹിയില്‍ കൂടുതല്‍ ഇളവുകള്‍ പ്രഖ്യാപിച്ചു; ബാറുകള്‍ക്ക് പ്രവര്‍ത്തനാനുമതി
ഷഫാലി വര്‍മ ഇന്ത്യന്‍ ടീമിലെ സുപ്രധാന ഘടകമാകും: മിതാലി രാജ്
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

പമ്പയില്‍ നിന്ന് മടങ്ങിയ മനിതി സംഘത്തിന് നേരെ അക്രമണം; യുവതികള്‍ക്ക് തമിഴ്നാട് പൊലീസിന്റെ സുരക്ഷ

ഇവര്‍ സഞ്ചരിച്ച വാഹനത്തിന് നേരെ കല്ലേറുണ്ടായി. കല്ലേറില്‍ വാഹനത്തിന്റെ ചില്ല് തകര്‍ന്നു

manithi group, sabarimala, iemalayalam

പമ്പ: ശബരിമല സന്ദര്‍ശിക്കാനെത്തി പമ്പയില്‍ നിന്ന് മടങ്ങിയ മനിതി സംഘത്തിന് നേരെ ആക്രമണം. തേനി-മധുര ദേശീയ പാതയില്‍ വെച്ചാണ് അക്രമണം ഉണ്ടായത്. ഇവര്‍ സഞ്ചരിച്ച വാഹനത്തിന് നേരെ കല്ലേറുണ്ടായി. കല്ലേറില്‍ വാഹനത്തിന്റെ ചില്ല് തകര്‍ന്നു. തമിഴ്നാട് പൊലീസിന്റെ സംരക്ഷണയിലാണ് സംഘം മടങ്ങിയത്.

ശബരിമല ദർശനത്തിന് ശ്രമിച്ചത്​ പ്രതിഷേധക്കാർ തടഞ്ഞതോടെ മലകയറാനാകാതെ മനിതി സംഘം മടങ്ങുകയായിരുന്നു. മലകയറാൻ ശ്രമിക്കുന്നതിനിടെ ഇവർക്ക്​ നേരെ നൂറുകണക്കിന്​ പ്രതിഷേധക്കാർ ഇരച്ചെത്തിയതിനെ തുടർന്ന്​ സംഘം​ തിരിച്ചോടുകയായിരുന്നു. പമ്പയിൽ പ്രതിഷേധക്കാരെ പൊലീസ്​ അറസ്​റ്റ്​ ചെയ്​ത്​ നീക്കുന്നതിനിടെയാണ്​ നാടകീയ സംഭവങ്ങൾ അരങ്ങേറിയത്​.

പമ്പയിൽ ആറുമണിക്കൂർ കാത്തിരുന്ന ശേഷമാണ്​ സംഘം മടങ്ങിയത്​കാനനപാതയിലൂടെ മുന്നോട്ടുപോയ സംഘത്തിന്​ നേരെ നൂറുകണക്കിന്​ പ്രതിഷേധക്കാർ ഓടിയടുക്കുകയായിരുന്നു. പ്രതിഷേധക്കാർ യുവതികളെ കൈയേറ്റം ചെയ്യാൻ ശ്രമിച്ചതോടെ പൊലീസ്​ ഇവരെയും കൊണ്ട്​ തിരിച്ചോടി. 100 മീറ്ററോളം തിരികെ ഓടിയ പൊലീസ്​ ഇവരെ ഗാർഡ്​ റൂമിലെത്തിച്ചു.

എന്നാൽ പ്രതിഷേധക്കാർ ഇവരെ പിന്തുടർന്ന്​ ഗാർഡ്​ റൂമിനു മുന്നിൽ കൂട്ടം കൂടിനിന്നു. തുടർന്ന്​ പൊലീസും പ്രതിഷേധക്കാരും തമ്മിൽ ഉന്തും തള്ളുമുണ്ടായി. സംഘർഷം രൂക്ഷമായതിനെ തുടർന്ന്​ മനിതി സംഘത്തെ പൊലീസ്​ വാഹനത്തിൽ കയറ്റി പമ്പ സ്​റ്റേഷനിലേക്ക്​​ മാറ്റി. അവിടെ സ്​പെഷ്യൽ പൊലീസ്​ ഓഫീസർ കാർത്തികേയൻ ഗോകുലചന്ദ്രനും മറ്റ്​ മുതിർന്ന ഉദ്യോഗസ്​ഥരും സംഘവുമായി ചർച്ച നടത്തി. തുടർന്ന്​ ഇവർ സ്വമേധയാ തിരിച്ചുപോവുകയാണെന്ന്​ ഉദ്യോഗസ്​ഥൻ പറഞ്ഞു. തിരിച്ചു പോകുമ്പോൾ​ സംരക്ഷണം നൽകുമെന്നും അദ്ദേഹം അറിയിച്ചു.

എന്നാൽ പൊലീസ്​ നിർബന്ധിച്ചതിനെ തുടർന്നാണ്​ തിരിച്ചു പോകുന്നതെന്ന്​ മനിതി സംഘം നേതാവ്​ സെൽവി പറഞ്ഞു. സംരക്ഷണം നൽകാനാവില്ലെന്ന്​ പൊലീസ്​ അറിയിച്ചു. അതുകൊണ്ട്​ തിരിച്ചു ​പോകുന്നു. വീണ്ടും വരുമെന്നും സെൽവി വ്യക്​​തമാക്കി. നേരത്തെ, മനിതി സംഘത്തെ തടഞ്ഞ പ്രതിഷേധക്കാരെ പമ്പയിൽ നിന്ന്​ പൊലീസ്​ അറസ്​റ്റ്​ ചെയ്​തു നീക്കിയിരുന്നു. നിരോധനാജ്​ഞ ലംഘിച്ചതിനായിരുന്നു​ അറസ്​റ്റ്​.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Manithis women devotees attacked while returning to tn

Next Story
വനിതാ മതില്‍ ഗിന്നസ് ബുക്കില്‍ ഇടംപിടിക്കുമെന്ന് കോടിയേരി ബാലകൃഷ്ണന്‍Kodiyeri Balakrishnan, കോടിയേരി ബാലകൃഷ്ണൻ, cpm, സിപിഎം, state secretary, സംസ്ഥാന സെക്രട്ടറി, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com