തലസ്ഥാനത്ത് വീണ്ടും ഗുണ്ടാ വിളയാട്ടം; യുവാവ് വെട്ടേറ്റ് മരിച്ചു

തിരുവനന്തപുരം: തലസ്ഥാനത്തെ ഞെട്ടിച്ച് വീണ്ടും കൊലപാതകം. ഗുണ്ടാ പകയുടെ പേരില്‍ യുവാവ് വെട്ടേറ്റ് മരിച്ചു. ബാര്‍ട്ടണ്‍ഹില്ലിലാണ് അനി എന്ന യുവാവ് വെട്ടേറ്റ് മരിച്ചത്. ഇന്നലെ അർധ രാത്രിയോടെയാണ് കൊലപാതകം നടന്നത്.

കഴുത്തിന്റെ പിന്‍ഭാഗത്ത് വെട്ടേറ്റ് ചോര വാര്‍ന്ന നിലയിലായിരുന്നു അനിയെ കണ്ടെത്തിയത്. പൊലീസ് എത്തി ഇയാളെ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല. രണ്ടാഴ്ചയ്ക്കിടെ തലസ്ഥാനത്ത് ഇത് മൂന്നാമത്തെ കൊലപാതകമാണ് നടക്കുന്നത്. ആക്രമണത്തെ കുറിച്ച് പൊലീസ് അന്വേഷണം ആരംഭിച്ചു.