Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

കൊച്ചി ബിനാലെയിലെ സൃഷ്ടികളുടെ ആഴം കണ്ണു കൊണ്ട് കാണാന്‍ കഴിയുന്നതിനുമപ്പുറം: മമ്മൂട്ടി

”കേവലം ചായവും കടലാസും ക്യാന്‍വാസും മാത്രമല്ല ബിനാലെ. നമ്മുടെ കണ്ണു കൊണ്ട് കാണാന്‍ കഴിയുന്നതിനപ്പുറമാണ് ബിനാലെയിലെ സൃഷ്ടികളുടെ ആഴം”- മമ്മൂട്ടി

കൊച്ചി: ഫോര്‍ട്ടുകൊച്ചി ആസ്പിന്‍വാളിലെ ബിനാലെ വേദിയില്‍ സിനിമാ താരം മമ്മൂട്ടി സന്ദര്‍ശനത്തിന് എത്തി. ബിനാലെ അവസാനിക്കാന്‍ ഒരുദിവസം ശേഷിക്കെയാണ് മമ്മൂട്ടിയുടെ അപ്രതീക്ഷിത സന്ദര്‍ശനം. ഉച്ചയ്‍ക്ക് 12 മണിയോടെ ആസ്‍പിന്‍വാളിലെത്തിയ മമ്മൂട്ടിക്കൊപ്പം നടനും എഴുത്തുകാരനുമായ വി.കെ ശ്രീരാമനും ഉണ്ടായിരുന്നു.

കൊച്ചിയില്‍ സാധാരണക്കാരന്റെ കാഴ്ചയ്ക്കപ്പുറമാണ് ബിനാലെ സൃഷ്ടികളുടെ ഭംഗിയും പ്രമേയത്തിന്റെ ആഴവുമെന്ന് മമ്മൂട്ടി പറഞ്ഞു. മനുഷ്യനിര്‍മ്മിതം മാത്രമാണ് ബിനാലെ സൃഷ്ടികളെന്നു പറയാനാവില്ല. അതിനുമപ്പുറത്ത് ദൈവികവും പ്രകൃതി ദത്തവുമായ എന്തോ ഒന്ന് ഇതിലുണ്ട്. ആ ഘടകമാണ് കൊച്ചി ബിനാലെയ്ക്ക് ലോകഭൂപടത്തില്‍ സ്ഥാനം നല്‍കിയതെന്നും മമ്മൂട്ടി കൂട്ടിച്ചേര്‍ത്തു.

”കേവലം ചായവും കടലാസും ക്യാന്‍വാസും മാത്രമല്ല ബിനാലെ. നമ്മുടെ കണ്ണു കൊണ്ട് കാണാന്‍ കഴിയുന്നതിനപ്പുറമാണ് ഇതിലെ സൃഷ്ടികളുടെ ആഴം. ഉത്തരാധുനികതയില്‍ ബിനാലെ കൂടുതല്‍ പ്രാധാന്യം നല്‍കിയിട്ടുണ്ട്. എന്നാല്‍ കഴിഞ്ഞ കാലത്തെ കലയെയും പരമ്പരാഗത കലാകാരന്മാരെയും ബിനാലെ കൂടുതല്‍ പരിഗണിക്കണമെന്നാണ് തന്റെ ആഗ്രഹമെന്നും” മമ്മൂട്ടി പറഞ്ഞു.

“രണ്ട് വര്‍ഷം കൂടുമ്പോഴാണ് ബിനാലെ നടക്കുന്നത്. അതിനിടയിലുള്ള സമയം മറ്റു കലാരൂപങ്ങളുടെ ബിനാലെ മാതൃകയിലുള്ള പ്രദര്‍ശനങ്ങള്‍ക്ക് സാധ്യതയുണ്ടെന്നും മമ്മൂട്ടി പറഞ്ഞു. സിനിമ, നാടകം, നൃത്തം എന്നിവയ്ക്കും ബിനാലെ ആകാമെന്ന്” അദ്ദേഹം കൂട്ടിച്ചേര്‍ത്തു. 30ന് വ്യാഴായ്ച്ച മമ്മൂട്ടി ചിത്രം “ദി ഗ്രേറ്റ് ഫാദര്‍” റിലീസ് ആകാനിരിക്കെയാണ് അദ്ദേഹം ബിനാലെയിലെത്തിയത്.

എല്ലാവരെയും ഒന്നിപ്പിക്കുന്നതാണ് ബിനാലെയെന്ന് മാധ്യമപ്രവര്‍ത്തക അനിതപ്രതാപ് പറഞ്ഞു. സുരേഷ് കുറുപ്പ് എം എല്‍ എ, തിരക്കഥാകൃത്ത് രഘുനാഥ് പലേരി, ബിജെപി മുന്‍ സംസ്ഥാന അധ്യക്ഷന്‍ വി മുരളീധരന്‍, എന്നിവരും ബിനാലെ പ്രദര്‍ശനങ്ങള്‍ സന്ദര്‍ശിച്ചു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Mammootty visits biennale kochi

Next Story
തൃശൂർ പൂരം: വെടിക്കെട്ടിന് നിയമപരമായി അനുമതി നല്‍കുമെന്ന് നിര്‍മല സീതാരാമന്‍നിർമ്മല സീതാരാമൻ,nirmala sitharaman
The moderation of comments is automated and not cleared manually by malayalam.indianexpress.com