മലയാളം സര്‍വകലാശാല സ്ഥലമേറ്റെടുപ്പില്‍ ക്രമക്കേട് നടന്നതായി പ്രതിപക്ഷം

വന്‍ ക്രമക്കേടാണ് നടന്നിട്ടുള്ളതെന്നാണ് പ്രതിപക്ഷം പറയുന്നത്

legislative assembly, ie malayalam, നിയമസഭ, നിയമസഭ വാർത്ത, ഐഇ മലയാളം

തിരുവനന്തപുരം: സര്‍ക്കാരിനെതിരെ അഴിമതി ആരോപണം ഉന്നയിച്ച് പ്രതിപക്ഷം. മലയാളം സര്‍വകലാശാല സ്ഥലമേറ്റെടുപ്പില്‍ വന്‍ ക്രമക്കേട് നടന്നതായി പ്രതിപക്ഷം നിയമസഭയില്‍ ആരോപിച്ചു. കോടികളുടെ കമ്മീഷന്‍ ഇടപാടാണ് നടന്നിട്ടുള്ളതെന്നാണ് പ്രതിപക്ഷം ചൂണ്ടിക്കാട്ടുന്നത്. സി.മമ്മൂട്ടി എംഎല്‍എയാണ് അടിയന്തര പ്രമേയത്തിന് അനുമതി തേടിയത്.

സര്‍വകലാശാലക്കായി സ്ഥലം 1,60,000 രൂപയ്ക്ക് ഏറ്റെടുത്തതിലാണ് ക്രമക്കേട് നടന്നതായി പ്രതിപക്ഷം ആരോപിക്കുന്നത്. നിലവില്‍ അവിടെ സ്ഥലത്തിന് മൂല്യം മൂവായിരം രൂപ മാത്രമാണെന്ന് പ്രതിപക്ഷം ആരോപിച്ചു. വന്‍ ക്രമക്കേടാണ് നടന്നിട്ടുള്ളതെന്നാണ് പ്രതിപക്ഷം പറയുന്നത്. തിരൂരില്‍ മുന്‍പ് എല്‍ഡിഎഫ് സ്ഥാനാര്‍ഥിയായി മത്സരിച്ച ഗഫൂര്‍ പി.ലില്ലീസാണ് സ്ഥലം വിൽക്കുന്നതെന്നും അഴിമതി നടന്നിട്ടുണ്ടെന്നും പ്രതിപക്ഷം ആരോപിക്കുന്നു.

Read Also: പാലാരിവട്ടം മേല്‍പ്പാലം: തികഞ്ഞ അഴിമതി, കിറ്റ്‌കോയ്ക്ക് വീഴ്ച പറ്റിയെന്ന് മന്ത്രി

എന്നാല്‍, സര്‍വകലാശാലക്കായി ഭൂരിഭാഗം സ്ഥലം ഏറ്റെടുത്തതും യുഡിഎഫ് സര്‍ക്കാരിന്റെ കാലത്താണെന്ന് സര്‍ക്കാര്‍ പറയുന്നു. യുഡിഎഫ് സര്‍ക്കാരിന്റെ കാലത്ത് 1,70,000 രൂപയായിരുന്നത് 1,60,000 രൂപയായി ഇപ്പോള്‍ കുറഞ്ഞിരിക്കുകയാണെന്നും ഭരണപക്ഷം വാദിക്കുന്നു.

വി​ഷ​യം അ​ടി​യ​ന്ത​ര​ പ്ര​മേ​യ​മാ​യി അ​നു​വ​ദി​ക്കാ​നാ​കി​ല്ലെ​ന്നും ആ​ദ്യ സബ് മിഷനായി പ​രി​ഗ​ണി​ക്കാ​മെ​ന്നും സ്പീ​ക്ക​ർ നി​ല​പാ​ട് സ്വീ​ക​രി​ച്ച​ത് പ്ര​തി​പ​ക്ഷ ബ​ഹ​ള​ത്തി​ന് കാ​ര​ണ​മാ​യി. യു​ഡി​എ​ഫ് അം​ഗ​ങ്ങ​ൾ ന​ടു​ത്ത​ള​ത്തി​ലി​റ​ങ്ങി പ്ര​തി​ഷേ​ധി​ച്ചു. നിയമസഭാ സമിതി അന്വേഷണം നടത്തണമെന്നും പ്രതിപക്ഷം ആവശ്യപ്പെട്ടിരുന്നു.

Read Also: ‘ഞാന്‍ ഹോട്ടല്‍മുറിയിലേക്ക് കയറുമ്പോള്‍ ഭാര്യ കരയുകയായിരുന്നു

പ്ര​തി​പ​ക്ഷ​ത്തിന്റെ അ​വ​കാ​ശ​ങ്ങ​ൾ ഇ​ല്ലാ​താ​ക്കാ​നാ​ണ് സ്പീ​ക്ക​ർ ശ്ര​മി​ക്കു​ന്ന​തെ​ന്ന് ര​മേ​ശ് ചെ​ന്നി​ത്ത​ല പ​റ​ഞ്ഞു. എ​ന്നാ​ൽ നോ​ട്ടീ​സി​ലെ കാ​ര്യ​ങ്ങ​ൾ 2016ലെ ​റി​പ്പോ​ർ​ട്ടിന്റെ അ​ടി​സ്ഥാ​ന​ത്തി​ലു​ള്ള​തെ​ന്നാ​യി​രു​ന്നു സ്പീ​ക്ക​റു​ടെ നി​ല​പാ​ട്. ഇ​തോ​ടെ പ്ര​തി​പ​ക്ഷം നി​യ​മ​സ​ഭ​യി​ൽ​നി​ന്ന് ഇ​റ​ങ്ങി​പ്പോ​യി.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Malayalam university land corruption udf against ldf

Next Story
സ്വര്‍ണക്കടത്ത്: കസ്റ്റംസ് ഉദ്യോഗസ്ഥര്‍ക്ക് വീഴ്ചപറ്റിയെന്ന വിമര്‍ശനവുമായി ഹൈക്കോടതിgold found in Sonbhadra, സ്വർണം, ഉത്തർപ്രദേശിൽ സ്വർണ നിക്ഷേപം, സോൻഭദ്ര, Sonbhadra gold, Sonbhadra gold discovery, UP gold discovery, Sonbhadra gold deposits, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com