scorecardresearch
Latest News
മുതിര്‍ന്ന കമ്മ്യൂണിസ്റ്റ് നേതാവ് ബര്‍ലിന്‍ കുഞ്ഞനന്ദന്‍ അന്തരിച്ചു

മലപ്പുറത്തെ മമ്പാട് അനുഭവപ്പെട്ടത് ഭൂചലനമല്ലെന്ന് ജിയോളജി വകുപ്പിന്റെ വിശദീകരണം

വെളളിയാഴ്ച രാത്രിയും ശനിയാഴ്ച രാവിലെയുമായാണ് മമ്പാട് മേഖലയിൽ ഭൂചലനം അനുഭവപ്പെട്ടത്

Malapuram, Mambad Earthquake, Geology Department, Kerala Floods, Kerala Rains

മലപ്പുറം: കനത്ത മഴയ്ക്ക് പിന്നാലെ മലപ്പുറം ജില്ലയിലെ മമ്പാട് മേഖലയിൽ അനുഭവപ്പെട്ടത് ഭൂചലനം അല്ലെന്ന് ജിയോളജി വകുപ്പ്. ശക്തമായ മഴയെ തുടർന്ന് മണ്ണിടിച്ചിൽ ഉണ്ടായതാണ് വീടുകളിൽ വിളളൽ വീഴാൻ കാരണമെന്നാണ് ജിയോളജി വകുപ്പിന്റെ പരിശോധനഫലം.

വെള്ളിയാഴ്ച രാത്രിയും ശനിയാഴ്ച രാവിലെയുമായി രണ്ടു തവണയാണു ഭൂചലനം അനുഭവപ്പെട്ടത്. ഇതേത്തുടർന്ന് മമ്പാട് മേഖലയിൽ കൊങ്ങല്ലൂർ പൂച്ചപ്പാറക്കുന്ന് പ്രദേശത്തെ 73 കുടുംബങ്ങൾ വീടൊഴിഞ്ഞു. ചില വീടുകളിൽ വിളളൽ വീണിട്ടുണ്ട്.

ജിയോളജി വകുപ്പ് അധികൃതർ സ്ഥലത്ത് പരിശോധന നടത്തി. ഇത് ഭൂചലനമല്ലെന്ന് ജിയോളജി അധികൃതർ വിശദീകരിച്ചു. മഴയും കാറ്റും ശക്തമായതോടെ ഭൂഗർഭ ജലത്തിൽ വ്യതിയാനം സംഭവിക്കുകയും ആന്തരിക ഭാഗത്ത് മണ്ണിടിച്ചിൽ ഉണ്ടായതുമാണ് ഈ പ്രതിഭാസത്തിന് കാരണമെന്നാണ് വിശദീകരണം.

വെള്ളിയാഴ്ച രാത്രി കനത്ത മഴയ്ക്കിടെ വലിയ ശബ്ദമുണ്ടായെന്നും ഭൂമിയിൽ തരിപ്പനുഭവപ്പെട്ടെന്നും പ്രദേശവാസികൾ പറഞ്ഞു. ഇതോടെ ജനങ്ങൾ പരിഭ്രാന്തരായി. ചില വീടുകളിൽ ചുമരുകളിൽ വിളളൽ കണ്ടതോടെ നാട്ടിലാകെ ഭീതി പടർന്നു. ഭൂരിഭാഗം കുടുംബങ്ങളും രാത്രി തന്നെ ബന്ധുവീടുകളിലേക്ക് താമസം മാറ്റി.

മമ്പാട് മേഖലയിൽ മണ്ണിടിച്ചിലുണ്ടായിരുന്നു. വെളളിയാഴ്ച രാത്രിയാണ് ഇവിടെ മണ്ണിടിഞ്ഞത്. മമ്പാട് പാലത്തിന് സമീപത്തെ മണ്ണ് ഇടിഞ്ഞുപോയത് പാലത്തിന്റെ സ്ഥിതി അപകടാവസ്ഥയിലാക്കിയിട്ടുണ്ട്.

Stay updated with the latest news headlines and all the latest Kerala news download Indian Express Malayalam App.

Web Title: Malappuram mambad earthquake geology department denied