പെരുന്നാള്‍ ആഘോഷത്തിന് ബെംഗളൂരുവിലേക്ക് പോയ വിദ്യാർഥി ട്രെയിനില്‍ നിന്ന് വീണ് മരിച്ചു

ഇര്‍ഷാദ് ഓടി വന്നപ്പോള്‍ കൂട്ടുകാരില്‍ ഒരാള്‍ പിടിച്ചു കയറാനായി കൈ നല്‍കിയെങ്കിലും കാല്‍ വഴുതി വീഴുകയായിരുന്നു

ബെംഗളൂരു: പെരുന്നാള്‍ ആഘോഷത്തിന്റെ ഭാഗമായി വിനോദയാത്ര പോയ വിദ്യാർഥി ട്രെയിനില്‍ നിന്ന് വീണ് മരിച്ചു. കണ്ണൂർ- യശ്വന്ത്​പൂർ എക്​സ്​പ്രസിൽ യാത്രചെയ്യവെ ട്രെയിനിനും പ്ലാറ്റ്​ഫോമിനുമിടയിൽപെട്ടാണ്​ വിദ്യാർഥി മരിച്ചത്. മലപ്പുറം കൊണ്ടോട്ടി ചിറയിൽ മുക്കൂട്​ സ്വദേശി കുന്നുമ്മൽ പുളിക്കത്തൊടി ഹമീദി​​ന്റെ മകൻ മുഹമ്മദ്​ ഇർഷാദ്​ (19) ആണ്​ മരിച്ചത്​.

പെരുന്നാള്‍ ആഘോഷിക്കാനായി മറ്റ് മൂന്ന് കൂട്ടുകാര്‍ക്കൊപ്പം ബെംഗളൂരുവിലേക്ക് പോവാനായിരുന്നു പദ്ധതി. എന്നാല്‍ തമിഴ്​നാട്​ -കർണാടക അതിർത്തിയിലെ ഹൊസൂർ റെയിൽവേ സ്​റ്റേഷനിൽ വെള്ളിയാഴ്​ച രാവിലെ ആറോടെ അപകടം സംഭവിക്കുകയായിരുന്നു. കണ്ണൂർ- യശ്വന്ത്​പൂർ എക്​സ്​പ്രസ്​ ഹൊസൂർ റെയിൽവേ സ്​റ്റേഷനിലെ രണ്ടാം പ്ലാറ്റ്​ഫോമിലെത്തിയപ്പോൾ ചായ വാങ്ങാൻ വേണ്ടി ഇർഷാദ്​ പുറത്തിറങ്ങുകയായിരുന്നു. എന്നാല്‍ ട്രെയിന്‍ വിടാന്‍ നേരമായിട്ടും ഇര്‍ഷാദ് വണ്ടിയില്‍ കയറിയില്ല. ട്രെയിന്‍ നീങ്ങി തുടങ്ങിയപ്പോഴാണ് ഇര്‍ഷാദ് ഓടി വന്നത്. അപ്പോഴേക്കും ട്രെയിനിന് വേഗതയായിരുന്നു.

ഇര്‍ഷാദ് ഓടി വന്നപ്പോള്‍ കൂട്ടുകാരില്‍ ഒരാള്‍ പിടിച്ചു കയറ്റാനായി കൈ നല്‍കിയെങ്കിലും കാല്‍ വഴുതി വീഴുകയായിരുന്നു. ട്രെയിനിനും പ്ലാറ്റ്ഫോമിനും ഇടയില്‍ ഇര്‍ഷാദ് വീണെങ്കിലും ട്രെയിന്‍ ഏറെ നേരം മുന്നോട്ട് പോയി. സംഭവ സ്ഥലത്ത് വച്ച് തന്നെ ഇര്‍ഷാദ് മരണപ്പെടുകയായിരുന്നു. മൃതദേഹം ഹൊസൂർ ഗവ. ആശുപത്രിയിൽ സൂക്ഷിച്ചിരിക്കുകയാണ്​. ഹൊസൂരിൽ നിന്ന്​ പോസ്​റ്റ്​മോർട്ടത്തിന്​ ശേഷം നാട്ടിലെത്തിക്കുന്ന മൃതദേഹം ശനിയാഴ്​ചയോടെ ഖബറടക്കുമെന്ന്​ ബന്ധുക്കൾ അറിയിച്ചു. വിദേശത്ത്​ ജോലി ചെയ്യുന്ന പിതാവ്​ ഹമീദ്​ നാട്ടിലേക്ക്​ തിരിച്ചിട്ടുണ്ട്​.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Malappuram boy dies after falling off train

Next Story
മുഖ്യമന്ത്രിയുടെ വിദേശയാത്രയില്‍ വിജിലന്‍സ് അന്വേഷണം; ഹര്‍ജിക്കാരന്റെ അഭിഭാഷകന് കോടതിയുടെ രൂക്ഷ വിമര്‍ശനംcm,മുഖ്യമന്ത്രി, pinarayi vijayan,പിണറായി വിജയന്‍, flights to gulf,ഗള്‍ഫിലേക്കുള്ള വിമാനം, flight ticket rate,വിമാന ടിക്കറ്റ് നിരക്ക്, flight ticket,വിമാന ടിക്കറ്റ്, kerala to gulf, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
X