Latest News

കേരള പൊലീസില്‍ വന്‍ അഴിച്ചുപണി; 15 ​ഐ.പി.എസ്​ ഉദ്യോഗസ്ഥര്‍ക്ക് സ്ഥലംമാറ്റം

കോഴിക്കോട്​ റൂറലില്‍ പുതിയ ​പൊലീസ്​ മേധാവിയായി യു. അബ്​ദുൽ കരീമിനെ നിയമിച്ചു

kerala police , police

തിരുവനന്തപുരം: കേരള പൊലീസില്‍ വന്‍ അഴിച്ചു പണി. ജില്ല പൊലീസ്​ മേധാവികളുൾപ്പെടെ 15 ​ഐ.പി.എസ്​ ഉദ്യോഗസ്ഥരെ സ്ഥലംമാറ്റി. തിരുവനന്തപുരം റൂറലില്‍ ബി. അശോകൻ ആണ് പൊലീസ് മേധാവി. കൊല്ലം റൂറൽ പൊലീസ്​ മേധാവിയായിരുന്നു ബി. അശോകന്‍. കോഴിക്കോട്​ റൂറലില്‍ പുതിയ ​പൊലീസ്​ മേധാവിയായി യു. അബ്​ദുൽ കരീമിനെ നിയമിച്ചു.

തിരുവനന്തപുരം റൂറൽ എസ്​.പിയായിരുന്ന എ. അശോക്​കുമാറിനെ മാറ്റിയാണ്​ തിരുവനന്തപുരം റൂറലിൽ പൊലീസ് മേധാവിയായി നിയമിച്ചത്​. കെ.എ.പി 3 കമാണ്ടൻറായിരുന്ന കെ.ജി. സൈമണാണ്​ കൊല്ലം റൂറൽ പൊലീസ്​ മേധാവി. എ. അശോക്​കുമാറിനെ പൊലീസ്​ ആസ്​ഥാനത്തെ പബ്ലിക്​ ഗ്രീവൻസസ്​ ആൻഡ്​​ ലീഗൽ അഫയേഴ്​സിൽ എ.​ഐ.ജിയായി​ നിയമിച്ചു​. പത്തനംതിട്ട ജില്ല ​പൊലീസ്​ മേധാവിയായിരുന്ന ടി. നാരായണനെ പൊലീസ്​ ആസ്​ഥാനത്ത്​ എ.​ഐ.ജിയായി​ നിയമിച്ചു​.

പാലക്കാട്​ ജില്ല പൊലീസ്​ മേധാവിയായി തിരുവനന്തപുരം ക്രൈംബ്രാഞ്ച്​ എസ്​പിയായിരുന്ന പി.എസ്​. സാബുവിനെ നിയമിച്ചു. കോഴിക്കോട്​ സിറ്റി ഡി.സി.പിയായിരുന്ന ജെയിംസ്​ ജോസഫിനെ കാസർകോട്​​ ജില്ല പൊലീസ്​ മേധാവിയായി നിയമിച്ചു. തീവ്രവാദവിരുദ്ധ സംഘം എസ്​.പിയായിരുന്ന എ.കെ. ജമാലുദ്ദീനെ കോഴിക്കോട്​ സിറ്റി ഡി.സി.പിയാക്കി. കണ്ണൂർ, കാസർകോട്​​ ക്രൈംബ്രാഞ്ച്​ എസ്​.പിയായി കാസർകോട്​​ ജില്ല പൊലീസ്​ മേധാവി ഡോ. എ. ശ്രീനിവാസിനെ നിയമിച്ചു.

Web Title: Major shuffle in kerala police

Next Story
കല്‍പ്പറ്റയില്‍ വന്‍ തീപിടുത്തം; തീ കെടുത്താനുള്ള ശ്രമം തുടരുന്നു
The moderation of comments is automated and not cleared manually by malayalam.indianexpress.com