തിരുവനന്തപുരം: ട്രാക്കിലെ അറ്റകുറ്റപ്പണികളുടെ ഭാഗമായി സംസ്ഥാനത്ത് ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തി. മാവേലിക്കരയ്ക്കും ചെങ്ങന്നൂരിനുമിടയിൽ അറ്റകുറ്റപ്പണി നടക്കുന്നതിനാൽ ചില ട്രെയിനുകൾ റദ്ദാക്കുകയും ചില ട്രെയിനുകൾക്ക് നിയന്ത്രണം ഏർപ്പെടുത്തുകയും ചെയ്തതായി ഇന്ത്യൻ റെയിൽവേ അറിയിച്ചു.
റദ്ദാക്കിയ ട്രെയിനുകള്‍
- എറണാകുളം – ഗുരുവായൂർ എക്സ്പ്രസ്; മേയ് എട്ടിനും പതിനഞ്ചിനും റദ്ദാക്കി.
- കൊല്ലം – എറണാകുളം മെമു എക്സ്പ്രസ്; നാളെ മുതൽ മേയ് 31 വരെ ഭാഗികമായി റദ്ദാക്കി.
നിയന്ത്രണമേർപ്പെടുത്തിയ ട്രെയിനുകൾ
- നിലമ്പൂർ – കോട്ടയം ട്രെയിൻ ഈ മാസം 15ന് അങ്കമാലി വരെ മാത്രം.
- കണ്ണൂർ – എറണാകുളം എക്സ്പ്രസ് മേയ് 8, 15 തീയതികളിൽ തൃശൂർ വരെ മാത്രം.
- തിരുവനന്തപുരം – ഗുരുവായൂർ ഇന്റർസിറ്റി മേയ് 8, 15 തീയതികളിൽ എറണാകുളം വരെ മാത്രം.
- ഗുരുവായൂർ – തിരുവനന്തപുരം ഇന്റർസിറ്റി മേയ് 9, 16 തീയതികളിൽ എറണാകുളത്ത് നിന്ന് പുറപ്പെടും.
- പുനലൂർ – ഗുരുവായൂർ എക്സ്പ്രസ് മേയ് 8, 15 തീയതികളിൽ കോട്ടയം വരെ മാത്രേ സര്‍വ്വീസ് നടത്തൂ.
- വഞ്ചിനാട് എക്സ്പ്രസ് മേയ് 15ന് തൃപ്പൂണിത്തുറ വരെ വരെ മാത്രേ സര്‍വ്വീസ് നടത്തൂ.
- എറണാകുളം കൊല്ലം മെമു മേയ് 30 വരെ കായംകുളം വരെ മാത്രേ സര്‍വ്വീസ് നടത്തൂ.
