ന്യൂഡല്‍ഹി: കേരളത്തില കോണ്‍ഗ്രസ് സ്ഥാനാര്‍ത്ഥികളെ നിശ്ചയിക്കുന്നതിന് ഇന്ന് ഡല്‍ഹിയില്‍ നിര്‍ണായക യോഗം. സ്‌ക്രീനിങ് കമ്മിറ്റി യോഗത്തില്‍ സ്ഥാനാര്‍ത്ഥികളെ സംബന്ധിച്ചു ധാരണയായ ശേഷം പട്ടിക തെരഞ്ഞടുപ്പ് സമിതിക്ക് കൈമാറും.

ഇടുക്കി, ആലപ്പുഴ, വടകര, പത്തനംതിട്ട, വയനാട് മണ്ഡലങ്ങളിലെ സ്ഥാനാര്‍ത്ഥിത്വം സംബന്ധിച്ച് അവ്യക്തത തുടരുകയാണ്. മുതിര്‍ന്ന നേതാക്കളുടെ സ്ഥാനാർത്ഥിത്വവും ചര്‍ച്ച ചെയ്യും. ഇന്നത്തെ ചര്‍ച്ചയില്‍ തീരുമാനം ആയില്ലെങ്കില്‍ ഒന്നിലധികം പേരുകളോടെ സാധ്യത പട്ടിക തെരഞ്ഞെടുപ്പ് സമിതിക്ക് സമര്‍പ്പിക്കും.

പ്രധാന നേതാക്കൾ മൽസരിക്കണമെന്നാണ് ആവശ്യമെങ്കിലും ഉമ്മൻ ചാണ്ടിയും കെ.സി വേണുഗോപാലും സ്ഥാനാർഥികളാകാനില്ലെന്ന് കേരളത്തിലെ ചർച്ചകളിൽ രാഹുൽ ഗാന്ധിയെ അറിയിച്ചെന്നാണ് വിവരം. മൽസരത്തിനില്ലെന്ന് മുല്ലപ്പള്ളി അറിയിച്ചെങ്കിലും വടകരയിൽ പകരം സ്ഥാനാർഥി ആരെന്നതിനെക്കുറിച്ച് ആശയക്കുഴപ്പമുണ്ട്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ