തിരുവനന്തപുരം: തിരുവനന്തപുരത്ത് ദുരൂഹസാഹചര്യത്തിൽ മരിച്ച ലിത്വാനിയൻ വനിത ലിഗയുടെ മരണവുമായി ബന്ധപ്പെട്ട കേസന്വേഷണത്തിൽ സംസ്ഥാന സർക്കാരിന് നന്ദി പറഞ്ഞ് സഹോദരി ഇൽസി. മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്‌ചയിലാണ് വിദേശ വനിത സഹായങ്ങൾക്ക് നന്ദി അറിയിച്ചത്.

ലിഗ കാണാതായതിനെ തുടർന്നുണ്ടായ വി​ഷ​മ​ഘ​ട്ട​ത്തി​ൽ സ​ർ​ക്കാ​രി​ൽ​നി​ന്ന് പൂർണ്ണ പി​ന്തു​ണ​ ല​ഭി​ച്ചി​രുന്നുവെ​ന്ന് ഇൽസി പ​റ​ഞ്ഞു. ചി​ല മാ​ധ്യ​മ​ങ്ങ​ളി​ൽ സ​ർ​ക്കാ​രി​നെ​തി​രെ തെ​റ്റാ​യ പ്ര​ച​ര​ണം വ​ന്ന​തി​ൽ അ​തി​യാ​യ ദുഃ​ഖ​മു​ണ്ടെ​ന്നും അ​തി​ന് ക്ഷ​മ ചോ​ദി​ക്കുന്നതായി ഇ​ൽ​സി പ​റ​ഞ്ഞ​താ​യും മു​ഖ്യ​മ​ന്ത്രി പിന്നീട് പറഞ്ഞു.

ടൂറിസം മന്ത്രി കടകംപള്ളി സുരേന്ദ്രനോടൊപ്പമാണ് ഇലിസ് മുഖ്യമന്ത്രിയെ അദ്ദേഹത്തിന്റെ ഓഫീസിൽ സന്ദർശിച്ചത്.

നിയമനടപടികൾ പൂർത്തിയായതിനാൽ ലിഗയുടെ മൃതദേഹം മേയ് 3 വ്യാഴാഴ്ച തൈക്കാട് ശാന്തികവാടത്തിൽ സംസ്കരിക്കും. ടൂറിസം വകുപ്പ് മുൻകൈയെടുത്ത് മെയ് ആറിന് ഞായറാഴ്ച നിശാഗന്ധിയിൽ ലിഗ അനുസ്മരണ പരിപാടി സംഘടിപ്പിക്കുന്നുണ്ട്. പരിപാടിയിൽ മുഖ്യമന്ത്രി പങ്കെടുക്കണമെന്ന ആഗ്രഹവും ഇലിസ് പ്രകടിപ്പിച്ചു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.