ബിഡിജെഎസ്സുമായി ഒരു സഖ്യവുമില്ലെന്ന് കോടിയേരി ബാലകൃഷ്ണൻ

മലപ്പുറം: ബിഡിജെഎസ്സുമായി യാതൊരു വിധ സഖ്യത്തിനും എൽഡിഎഫ് ഇല്ലെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണൻ. മതാടിസ്ഥാനത്തിൽ രൂപീകരിച്ച പാർട്ടിയാണ് ബിഡിജെഎസ് , ഇക്കൂട്ടരുമായി യാതൊരു വിധ കൂട്ടുകെട്ടും വേണ്ടെന്നാണ് പാർട്ടിയുടെ നിലപാടെന്ന് കോടിയേരി പ്രതികരിച്ചു. വെളളാപ്പള്ളി നടേശനെ എൽഡിഎഫിലേക്ക് ക്ഷണിച്ചു എന്ന വാർത്ത അസംബന്ധമാണെന്നും കോടിയേരി വ്യക്തമാക്കി.

എൻഡിഎ സഖ്യം വിടുന്നതിനെപ്പറ്റി ആലോചിക്കുന്നതായുള്ള വെള്ളാപ്പള്ളി നടേശന്റെ പ്രസ്താവനകളാണ് പുതിയ മുന്നണി ചർച്ചകൾക്ക് വഴിവെച്ചത്. വേങ്ങര ഉപതിരഞ്ഞെടുപ്പിൽ എൻഡിഎ സ്ഥാനാർഥിയെ ബിഡിജെഎസ് പിന്തുണയ്ക്കുന്നുമില്ല.