കൊ​ച്ചി: ഗതാഗത മന്ത്രി തോമസ് ചാണ്ടിയുടെ ഭാവി നിർണ്ണയിക്കുന്നതിനുള്ള എൽഡിഎഫ് യോഗം ഇന്ന് ചേരും. ഉച്ചയ്ക്ക് 2 മണിക്കാണ് നിർണ്ണായക മുന്നണി യോഗം. എ.ജിയുടെ നി​യ​മോ​പ​ദേ​ശം തോമസ് ചാണ്ടിക്ക് എതിരായതിനാൽ രാജിവെക്കാതെ മറ്റ് മാർഗമില്ലെന്നാണ് സിപിഎമ്മിന്റെ നിലപാട്. നി​യ​മോ​പ​ദേ​ശം കൂ​ടി പ​രി​ഗ​ണി​ച്ച് ഉ​ചി​ത​മാ​യ തീ​രു​മാ​നം കൈ​ക്കൊ​ള്ളാ​ൻ സി​പി​എം എ​ൽ​ഡി​എ​ഫി​നോ​ടു നി​ർ​ദേ​ശി​ച്ചു. ശ​നി​യാ​ഴ്ച ചേ​ർ​ന്ന സി​പി​എം സം​സ്ഥാ​ന സ​മി​തി യോ​ഗ​ത്തി​ലാ​ണ് ഈ ​തീ​രു​മാ​നം കൈ​ക്കൊ​ണ്ട​ത്.

അതേസമയം, രാ​ജി​യി​ല്ലെ​ന്ന നി​ല​പാ​ടി​ലു​റ​ച്ച് നിൽക്കുകയാണ് മ​ന്ത്രി തോ​മ​സ് ചാ​ണ്ടി. രാ​ജി​വെ​ക്കു​മോ​യെ​ന്ന മാ​ധ്യ​മ പ്ര​വ​ർ​ത്ത​ക​രു​ടെ ചോ​ദ്യ​ത്തി​ന് ര​ണ്ടു​കൊ​ല്ലം ക​ഴി​യു​മെ​ന്നാ​യി​രു​ന്നു മ​ന്ത്രി​യു​ടെ മ​റു​പ​ടി. ഇ​ട​തു​മു​ന്ന​ണി യോ​ഗ​ത്തി​ൽ പ​ങ്കെ​ടു​ക്കു​ന്ന​തി​നാ​യി തി​രു​വ​ന​ന്ത​പു​ര​ത്തേ​ക്കു തി​രി​ക്കും മു​ന്പാ​യി​രു​ന്നു മ​ന്ത്രി​യു​ടെ പ്ര​സ്താ​വ​ന.

കലക്ടറുടെ റിപ്പോർട്ടിലെ കണ്ടെത്തലുകൾ പൂർണമായി തള്ളാനാവില്ലെന്നാണ് അഡ്വക്കേറ്റ് ജനറൽ സി.പി.സുധാകര പ്രസാദ് സർക്കാരിന് നിയമോപദേശം നൽകിയത്. തുടർനടപടികൾ സർക്കാരിന് സ്വീകരിക്കാമെന്നും എജി വ്യക്തമാക്കിയിരുന്നു. അതേസമയം,​ കലക്ടറുടെ റിപ്പോർട്ടിന്റെ ആധികാരികതയെ ചോദ്യം ചെയ്ത് മന്ത്രി ചാണ്ടിയുടെ ഉടമസ്ഥതയിലുള്ള വാട്ടർ വേൾഡ് ടൂറിസം കമ്പനി ഹൈക്കോടതിയെ സമീപിച്ച സ്ഥിതിക്ക്, സർക്കാരിന് അക്കാര്യവും പരിഗണിക്കാവുന്നതാണെന്നും എജി ചൂണ്ടിക്കാട്ടുന്നു.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ