തിരുവനന്തപുരം: സ്വാതന്ത്ര്യ ദിനത്തോടനുബന്ധിച്ച് ആർഎസ്എസ് നേതാവ് മോഹൻ ഭാഗവത് പാലക്കാട് മൂത്താംതറ കർണകിയമ്മൻ സ്‌കൂളിൽ പതാക ഉയർത്തിയ സംഭവത്തിൽ നടപടിയെടുക്കാൻ ഉത്തരവിട്ട് മുഖ്യമന്ത്രി പിണറായി വിജയൻ.

സ്‌കൂൾ ഹെഡ്മാസ്റ്റർക്കും മാനേജർക്കും എതിരെയാണ് നടപടി. പൊതു വിദ്യാഭ്യാസ വകുപ്പിനാണ് നടപടി എടുക്കാൻ മുഖ്യമന്ത്രി ചുമതല നൽകിയിരിക്കുന്നത്. സംഭവത്തിൽ ക്രിമിനൽ കേസ് നിലനിൽക്കുമോ എന്ന് പരിശോധിക്കാൻ പൊലീസിനും മുഖ്യമന്ത്രി നിർദ്ദേശം നൽകിയിട്ടുണ്ട്.

കെഇആർ ചട്ടങ്ങൾ മറികടന്ന് കൊണ്ടാണ് ആർഎസ്എസ് മേധാവി സ്കൂളിൽ പതാക ഉയർത്തിയത്. ചട്ടലംഘനം നടന്നതായി പാലക്കാട് ജില്ലാ കലക്ടർ സർക്കാരിന് റിപ്പോർട്ട് നൽകിയിരുന്നു. അതേസമയം, സർക്കാർ നടപടിയെ നിയമപരമായി നേരിടുമെന്ന് ബിജെപിയുടെ എം.ടി.രമേശ് പറഞ്ഞു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.