രാഷ്ട്രീയപ്രവര്‍ത്തനത്തിന് വിദ്യാര്‍ഥികള്‍ക്ക് അവകാശമുണ്ട്; സര്‍ക്കാര്‍ കോടതിയില്‍

അധ്യയനം തടസപ്പെടുന്ന തരത്തിലുള്ള സംഭവങ്ങളെ സർക്കാർ കർശനമായി നേരിടുമെന്നും അഡ്വക്കറ്റ് ജനറൽ വ്യക്തമാക്കി

കൊച്ചി: വിദ്യാഭ്യാസ സ്ഥാപനങ്ങളിൽ അധ്യയനത്തിനു തടസം വരാതെ രാഷ്ട്രീയ പ്രവർത്തനം നടത്താൻ വിദ്യാർഥികൾക്കും അധ്യാപകർക്കും അവകാശമുണ്ടെന്നു സർക്കാർ. ക്യാംപസുകളിൽ ജനാധിപത്യപരമായ പ്രതിഷേധത്തിനു വിദ്യാർഥികൾക്കും അവകാശമുണ്ടെന്നു സർക്കാരിനു വേണ്ടി അഡ്വക്കറ്റ് ജനറൽ കോടതിയെ അറിയിച്ചു. വിദ്യാർഥി സംഘടനകളുടെ അക്രമസമരം മൂലം അധ്യയനം തടസപ്പെടുന്നുവെന്നു ചൂണ്ടിക്കാട്ടി മാനേ‌‌ജ്മെന്റുകൾ സമർപ്പിച്ച ഹർജിയിലാണ് അഡ്വക്കറ്റ് ജനറൽ നിലപാട് അറിയിച്ചത്.

എന്നാൽ അധ്യയനം തടസപ്പെടാതെ എങ്ങനെ പ്രതിഷേധിക്കുമെന്നു കോടതി വാദത്തിനിടെ ആരാഞ്ഞു. അധ്യയനം തടസപ്പെടുന്ന തരത്തിലുള്ള സംഭവങ്ങളെ സർക്കാർ കർശനമായി നേരിടുമെന്ന് അഡ്വക്കറ്റ് ജനറൽ വ്യക്തമാക്കി. വിദ്യാർഥികൾക്ക് ഒരു കോടതിയും ഇതുവരെ സംഘടനാ സ്വാതന്ത്ര്യം നിഷേധിച്ചിട്ടില്ലെന്ന് എജി ചൂണ്ടിക്കാട്ടി. അക്രമ മരത്തിനെതിരെ 48 മാനേജ്മെന്റുകളാണു കോടതിയെ സമീപിച്ചത്. കേസ് വിധി പറയാൻ കോടതി മാറ്റിവച്ചു.

Read Also: ദൃശ്യങ്ങള്‍ കാണാം, കൈമാറരുത്; ദിലീപിനു മെമ്മറി കാര്‍ഡ് നല്‍കുന്നതിനെ എതിര്‍ത്ത് നടി

ക്യാംപസ് രാഷ്ട്രീയം പഠനാന്തരീക്ഷം തകർക്കുമെന്നാണ് ഹൈക്കോടതിയുടെ കണ്ടെത്തൽ. വിദ്യാഭ്യാസ സ്ഥാപനങ്ങളിലെ പഠനാന്തരീക്ഷം ഉറപ്പു വരുത്തേണ്ടത് സർക്കാരിന്റെ ഉത്തരവാദിത്തമാണ്. കുട്ടികളെ മാതാപിതാക്കൾ കോളേജിലേക്ക് അയയ്ക്കുന്നത് രാഷ്ട്രീയം തൊഴിലാക്കാനല്ലെന്നും കോടതി നേരത്തെ പറഞ്ഞിട്ടുണ്ട്.

ഹെെക്കോടതി വിധിക്കെതിരെ സർക്കാർ ഏറെനാളായി നിയമപോരാട്ടം നടത്തുകയാണ്. കലാലയ രാഷ്ട്രീയം നിരോധിച്ചുള്ള ഹെെക്കോടതി ഉത്തരവിനെതിരെ നിയമസഭയിൽ സർക്കാർ നിമനിർമാണം നടത്തിയേക്കുമെന്ന റിപ്പോർട്ടുകൾ നേരത്തെ പുറത്തുവന്നിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Ldf government supports campus politics kerala

Next Story
മരട് ഫ്‌ളാറ്റ് പൊളിക്കല്‍; 25 ലക്ഷം രൂപ നഷ്ടപരിഹാരം എല്ലാവര്‍ക്കുമില്ലkerala news, kerala news live, kerala news live today, kerala news live updates, kerala news today, kerala news today in malayalam, kerala news today live, kerala news today rain, kerala latest news, kerala latest news today, kerala latest news updates, kerala latest news weather, kerala latest news in malayalam
The moderation of comments is automated and not cleared manually by malayalam.indianexpress.com