കുട്ടനാട് വായ്‌പ തട്ടിപ്പ്: ഫാ.തോമസ് പീലിയാനിക്കൽ അറസ്റ്റിൽ

കുട്ടനാട് വികസനസമിതി ഓഫീസിൽ നിന്നാണ് ഫാ.പീലിയാനിക്കലിനെ കസ്റ്റഡിയിലെടുത്തത്.

ആലപ്പുഴ: കുട്ടനാട്ടില്‍ കർഷകരുടെ പേരിൽ നടത്തിയ വായ്‌പ തട്ടിപ്പ് കേസിൽ കുട്ടനാട് വികസനസമിതി എക്‌സിക്യൂട്ടിവ് ഡയറക്‌ടര്‍ ഫാ.തോമസ് പീലിയാനിക്കൽ അറസ്റ്റിൽ. കുട്ടനാട് വികസനസമിതി ഓഫീസിൽ നിന്നാണ് ഫാ.പീലിയാനിക്കലിനെ കസ്റ്റഡിയിലെടുത്തത്.

കേസുമായി ബന്ധപ്പെട്ട് ഫാ.പീലിയാനിക്കലിനെ വിശദമായി ചോദ്യം ചെയ്യുമെന്ന് ക്രൈംബ്രാഞ്ച് അറിയിച്ചു. കുട്ടനാട്ടിലെ നിരവധി ആളുകളുടെ പേരില്‍ ഗ്രൂപ്പുകളുണ്ടാക്കി വ്യാജരേഖ ചമച്ച് ആലപ്പുഴയിലെ വിവിധ ബാങ്കുകളില്‍ നിന്ന് പ്രതികൾ കാര്‍ഷിക വായ്‌പ തട്ടിയെടുത്തതെന്നാണ് കേസ്. വിശ്വാസ വഞ്ചനക്കും വ്യാജരേഖ ചമച്ച് വായ്‌പ തട്ടിയതിനുമാണ് കേസ് എടുത്തിരിക്കുന്നത്.

കൈനടി പൊലീസ് സ്‌റ്റേഷനിലേത് അടക്കം വിവിധ പൊലീസ് സ്‌റ്റേഷനുകളിലായി 12 കേസുകൾ റജിസ്റ്റര്‍ ചെയ്‌തിട്ടുണ്ട്. ആലപ്പുഴ ക്രൈംബ്രാഞ്ച് ഡിവൈഎസ്‌പി വി.വിജയകുമാരന്‍ നായരുടെ നേതൃത്വത്തിലാണ് കേസ് അന്വേഷിക്കുന്നത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kuttanadu finance fraud father thomas peeliyanikkal arrested

Next Story
ചെയ്യാത്ത കാര്യത്തിനാണ് എന്നെ ക്രൂശിക്കുന്നത്: ഗണേഷ് കുമാർ
The moderation of comments is automated and not cleared manually by malayalam.indianexpress.com