കൊല്ലം: കെഎസ്ആർടിസി ബസും കാറും കൂട്ടിയിടിച്ച് കൊല്ലം ജില്ലയിലെ കൊട്ടാരക്കരയിൽ അഞ്ച് പേർ മരിച്ചു. മരിച്ചവരെല്ലാം ഒരു കുടുംബത്തിലെ അംഗങ്ങളാണെന്നാണ് ലഭിക്കുന്ന പ്രാഥമിക വിവരം. ഇന്ന് ഉച്ചയ്ക്ക് ഒന്നരയോടെയാണ് അപകടം ഉണ്ടായത്. കൊട്ടാരക്കരയ്ക്കടുത്ത് ആയൂരിലെ അകമണ്ണിൽ വച്ചായിരുന്നു അപകടം. പത്തനംതിട്ട ജില്ലയിലെ വടശേരിക്കര സ്വദേശികളാണ് മരിച്ചതെന്നാണ് വിവരം. ഒരു കുഞ്ഞുൾപ്പടെ ഏഴ് പേരാണ് കാറിലുണ്ടായിരുന്നത്.

കെഎൽ 62 ബി 4605 നമ്പർ മാരുതി സുസുകി കെടെൻ കാറാണ് അപകടത്തിൽ പെട്ടത്. അപകടത്തിൽ പെട്ടവരെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് കൊണ്ടുപോയി. കാർ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.