അങ്കമാലി: ‘ഗാഗുൽത്തായിലെ കോഴിപ്പോര്’ എന്ന ചിത്രത്തിന്റെ സംവിധായകരിൽ ഒരാളായ ജിബിത് ജോർജ് (30) അന്തരിച്ചു. ഹൃദയാഘാതത്തെ തുടർന്നായിരുന്നു മരണം. നെഞ്ചുവേദനയെ തുടർന്ന് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. അങ്കമാലി കിടങ്ങൂർ സ്വദേശിയാണ്. കളപ്പുരയ്ക്ക്ൽ ജോർജിന്റെയും ബെൻസിയുടെയും മകനാണ്. ഏക സഹോദരി ജിബിന.

നവാഗതരായ ജിനോയ് ജനാർദ്ദനനൊപ്പം ചേർന്ന് ജിബിത് സംവിധാനം ചെയ്ത ചിത്രമായിരുന്നു ‘കോഴിപ്പോര്’. ‘കെട്ട്യോളാണ് എന്റെ മാലാഖ’യിലൂടെ ശ്രദ്ധേയയായ വീണ നന്ദകുമാറാണ് ചിത്രത്തിൽ പ്രധാന കഥാപാത്രമായി എത്തിയത്. ‘കോഴിപ്പോരി’ന്റെ കഥ ജിബിത്തിന്റേതായിരുന്നു. ജിബിന്റെ കഥയ്ക്ക് ജിനോയ് തിരക്കഥയൊരുക്കി ഇരുവരും ചേർന്നാണ് ചിത്രം സംവിധാനം ചെയ്തത്. ചിത്രത്തിൽ ജിബിത്​ അഭിനയിക്കുകയും ചെയ്തിരുന്നു. ഫയർ ആൻഡ് സേഫ്റ്റി രംഗത്ത് പ്രവർത്തിക്കുകയായിരുന്ന ജിബിത്തിന്റെ ആദ്യചിത്രം കൂടിയാണ് ‘കോഴിപ്പോര്’.

Read more: കാർ കെട്ടിടത്തിലേക്ക് ഇടിച്ചുകയറി യുവ നടൻ അടക്കം മൂന്നുപേർ മരിച്ചു

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.