Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ജില്ലാ പൊലീസ് മേധാവിയെ വിമർശിച്ച സിവിൽ പൊലീസ് ഓഫീസർക്ക് സസ്പെൻഷൻ

ക്രൈം​ബ്രാ​ഞ്ച് ഡി​വൈ​എ​സ്‌പി ബി​ജു കെ. ​സ്റ്റീ​ഫ​നാണ് ഈ സംഭവം അന്വേഷിച്ച് ക്രൈംബ്രാഞ്ച് മേധാവിക്ക് റിപ്പോർട്ട് സമർപ്പിച്ചത്

കോ​ഴി​ക്കോ​ട്: കോഴിക്കോട് ജില്ല പൊലീസ് മേധാവിയെ വിമർശിച്ച, സിവിൽ പൊലീസ് ഓഫീസർക്ക് സസ്പെൻഷൻ. ക്രൈം​ബ്രാ​ഞ്ച് കോ​ഴി​ക്കോ​ട് യൂ​ണി​റ്റി​ലെ ഉ​മേ​ഷ്‌ വ​ള്ളി​ക്കു​ന്നി​നെയാണ് സസ്പെന്റ് ചെയ്തത്.

ശബരിമലയിൽ യുവതികൾ പ്രവേശിച്ചതിൽ പ്രതിഷേധിച്ച് ബിജെപി ആഹ്വാനം ചെയ്ത ഹർത്താലിനിടെ കോഴിക്കോട് മിഠായിത്തെരുവിൽ വ്യാപക അക്രമം നടന്നിരുന്നു. പൊലീസ് കാഴ്ചക്കാരായി നിൽക്കെയാണ് ബിജെപി പ്രവർത്തകർ അക്രമം നടത്തിയത്.

ക്രൈം​ബ്രാ​ഞ്ച് കോ​ഴി​ക്കോ​ട് എ​സ്പി പിബി ​രാ​ജീ​വാണ് ഉമേഷ് വളളിക്കുന്നിനെ സ​സ്പെ​ൻ​ഡ് ചെ​യ്ത​ത്. ഫെയ്‌സ്ബുക്കിൽ ജില്ലാ പൊലീസ് മേധാവിയെ വിമർശിച്ചിട്ട പോസ്റ്റിൽ കടുത്ത അച്ചടക്ക ലംഘനം ഉണ്ടായെന്ന റിപ്പോർട്ടിന്റെ അടിസ്ഥാനത്തിലാണ് നടപടി.

ക്രൈം​ബ്രാ​ഞ്ച് ഡി​വൈ​എ​സ്‌പി ബി​ജു കെ. ​സ്റ്റീ​ഫ​നാണ് ഈ സംഭവം അന്വേഷിച്ച് ക്രൈംബ്രാഞ്ച് മേധാവിക്ക് റിപ്പോർട്ട് സമർപ്പിച്ചത്.  സ​ര്‍​വീ​സി​ലി​രിക്കുന്ന പൊലീസ് ഉദ്യോഗസ്ഥൻ ജില്ലാ പൊലീസ് മേധാവിക്കെതിരെ ഇത്തരത്തിൽ പോസ്റ്റിടുന്നത് വീഴ്ചയാണെന്നായിരുന്നു റിപ്പോർട്ട്.

അനിശ്ചിതകാലത്തേക്കാണ് സസ്പെൻഷൻ. ഉത്തരവിൽ കാലാവധി വ്യക്തമാക്കിയിട്ടില്ല. ഹ​ര്‍​ത്താ​ല്‍ ദി​ന​ത്തി​ല്‍ സി​റ്റി പോ​ലീ​സ് ക​മ്മീ​ഷ​ണ​റു​ടെ ന​ട​പ​ടി​ക​ളെ വി​മ​ര്‍​ശി​ച്ചു​കൊ​ണ്ട് ഇ​ക്ക​ഴി​ഞ്ഞ അ​ഞ്ചി​നാ​ണ് ക്രൈം​ബ്രാ​ഞ്ച് സി​വി​ല്‍​പോ​ലീ​സ് ഓ​ഫീ​സ​ര്‍ ഉ​മേ​ഷ് വ​ള്ളി​ക്കു​ന്ന് ഫേ​സ്ബു​ക്കി​ല്‍ പോ​സ്റ്റി​ട്ട​ത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kozhikode crime branch cpo suspended for criticizing commissioner

Next Story
സർക്കാർ ആവശ്യം അംഗീകരിച്ചില്ല; ആലപ്പാട് സമരം മുന്നോട്ടെന്ന് സമര സമിതിAlappad, Save Alappad, EP Jayarajan, protest, pinarayi vijayan, ie malayalam, ആലപ്പാട്, സേവ് ആലപ്പാട്, ഇപി ജയരാജന്‍, ഐഇ മലയാളം
The moderation of comments is automated and not cleared manually by malayalam.indianexpress.com