എൻസിപിയോട് മന്ത്രിസ്ഥാനം ചോദിച്ചതായി കോവൂർ കുഞ്ഞുമോൻ

ആർഎസ്‌പി ഇടതുമുന്നണി വിട്ടപ്പോൾ ആർഎസ്‌പി ലെനിനിസ്റ്റ് രൂപീകരിച്ച് ഇടതുമുന്നണിയിൽ തന്നെ നിന്ന വ്യക്തിയാണ് കോവൂർ കുഞ്ഞുമോൻ

തിരുവനന്തപുരം: എൻസിപിയുമായി ലയന ചർച്ച നടത്തിയതായി തുറന്ന് സമ്മതിച്ച് കോവൂർ കുഞ്ഞുമോൻ എംഎൽഎ. മന്ത്രിസ്ഥാനം ചോദിച്ചിരുന്നെന്നും ഇക്കാര്യത്തിൽ അന്തിമ തീരുമാനം എടുക്കേണ്ടത് എൻസിപി സംസ്ഥാന കമ്മിറ്റിയാണെന്നും അദ്ദേഹം പറഞ്ഞു.

“ലയിക്കുമ്പോള്‍ പരസ്പര വിശ്വാസമുണ്ടാകണം. കൂടുതൽ ചർച്ചകളൊന്നും നടന്നിട്ടില്ല. ഒരു പാര്‍ട്ടിയോടും എതിര്‍പ്പില്ല”, കോവൂർ കുഞ്ഞുമോൻ മനോരമ ന്യൂസിന് നൽകിയ അഭിമുഖത്തിൽ പറഞ്ഞു.

ആർ‌എസ്‌പി ഇടതുമുന്നണി വിട്ടപ്പോൾ ആർഎസ്‌പി ലെനിനിസ്റ്റ് രൂപീകരിച്ച് ഇടതുമുന്നണിയിൽ തന്നെ നിന്ന നേതാവാണ് കോവൂർ കുഞ്ഞുമോൻ. മന്ത്രിസ്ഥാനം സംബന്ധിച്ച അന്തിമതീരുമാനം മുഖ്യമന്ത്രിയുടേതാണെന്നും അദ്ദേഹം പറഞ്ഞു.

ഇടതുമുന്നണിയിലെ മൂന്ന് എംഎൽഎമാർ എൻസിപിയിൽ ലയിക്കാൻ വഴികൾ തേടിയതായി കഴിഞ്ഞ ദിവസമാണ് വാർത്തകൾ പുറത്തുവന്നത്. എൻസിപിയുടെ രണ്ട് എംഎൽഎമാരും മന്ത്രിസ്ഥാനം രാജിവച്ച സാഹചര്യത്തിലായിരുന്നു ഈ നീക്കം.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kovoor kunjumon confirms reports of merger with ncp

Next Story
പയ്യോളി മനോജ് വധം; പ്രതികളെ രാഷ്ട്രീയ എതിരാളികൾ വിലക്കെടുത്തതായി സിപിഎം
The moderation of comments is automated and not cleared manually by malayalam.indianexpress.com