Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍

പുകഞ്ഞ കൊള്ളി പുറത്ത്; കൊട്ടിയൂർ പീഡനക്കേസ് പ്രതി ഫാദർ റോബിനെ വെെദികവൃത്തിയിൽ നിന്നു പുറത്താക്കി

വെെദികരെ വെെദികാന്തസ്സിൽ നിന്നു പുറത്താക്കാനുള്ള അധികാരം മാർപാപ്പയ്‌ക്കു മാത്രമാണുള്ളത്

kottiyoor rape case, robin vadakkumchery

മാനന്തവാടി: കൊട്ടിയൂർ പീഡനക്കേസ് പ്രതി ഫാദർ റോബിൻ വടക്കുംചേരിയെ മാർപാപ്പ പ്രത്യേക അധികാരം ഉപയോഗിച്ച് വെെദികവൃത്തിയിൽ നിന്നു പുറത്താക്കിയതായി മാനന്തവാടി രൂപത അറിയിച്ചു. പോക്‌സോ കേസിൽ ശിക്ഷിക്കപ്പെട്ട റോബിൻ വടക്കുംചേരിയെ മാനന്തവാടി രൂപതയിൽ നിന്നു നേരത്തെ പുറത്താക്കിയതാണ്.

വിശദമായ അന്വേഷണങ്ങളുടെ വെളിച്ചത്തിലാണ് വെെദികവൃത്തിയിൽ നിന്നു റോബിനെ പുറത്താക്കിയതെന്ന് മാനന്തവാടി രൂപത അറിയിച്ചു. 2019 ഡിസംബർ അഞ്ചിനു ഫ്രാൻസിസ് മാർപാപ്പ അദ്ദേഹത്തിന്റെ പ്രത്യേക അധികാരമുപയോഗിച്ച് റോബിൻ വടക്കുംചേരിയെ വെെദികവൃത്തിയിൽ നിന്നു പുറത്താക്കിയതായി മാനന്തവാടി രൂപത പുറത്തിറക്കിയ പത്രക്കുറിപ്പിൽ പറയുന്നു. വെെദികനെന്ന നിലയിലുള്ള എല്ലാ അധികാരങ്ങളും അവകാശങ്ങളും ഇതോടെ റോബിൻ വടക്കുംചേരിക്ക് നഷ്‌ടമായി.

Read Also: ഉമ്മയാണ് സാറേ ഇവന്റെ മെയിൻ; വിജയ് ചോദിച്ചു, വിജയ് സേതുപതി കൊടുത്തു

വെെദികരെ വെെദികാന്തസ്സിൽ നിന്നു പുറത്താക്കാനുള്ള അധികാരം മാർപാപ്പയ്‌ക്കു മാത്രമാണുള്ളത്. 2019 ജൂൺ 21 ന് റോബിൻ വടക്കുംചേരിയെ വെെദികവൃത്തിയിൽ നിന്നു പുറത്താക്കുന്നതുമായി ബന്ധപ്പെട്ട നടപടിക്രമങ്ങൾ റോമിൽ ആരംഭിച്ചു. ആറ് മാസത്തിനുശേഷമാണ് നടപടിയെടുത്തത്. വെെദിക അന്തസ്സിൽ നിന്നു പുറത്താക്കിയുള്ള റോമിൽ നിന്നുള്ള ഡിക്രി 2020 ഫെബ്രുവരിയിലാണ് റോബിൻ വടക്കുംചേരി ഒപ്പിട്ടു സ്വീകരിച്ചത്. ഇതോടെ വെെദികവൃത്തിയിൽ നിന്നു പുറത്താക്കുന്ന നടപടിക്രമങ്ങൾ അവസാനിച്ചു.

പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു ഗർഭിണിയാക്കിയ കേസിലാണ് റോബിൻ വടക്കുംചേരി പ്രതി. റോബിൻ വടക്കുംചേരി കുറ്റാരോപിതനായതിനു പിന്നാലെ 2017 ഫെബ്രുവരി 27 ന് മാനന്തവാടി രൂപത ഇയാളെ സസ്‌പെൻഡ് ചെയ്‌തിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kottiyoor rape case robin vadakkumcheri dismissed from catholic church

Next Story
Pournami Lottery RN-432 Result: പൗര്‍ണമി RN-432 ലോട്ടറി, ഒന്നാം സമ്മാനം മലപ്പുറം ജില്ലയിൽ വിറ്റ ടിക്കറ്റിന്kerala lottery,കേരള ലോട്ടറി, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com