scorecardresearch

കൊട്ടിയൂർ പീഡനം; പെൺകുട്ടിയുടെ പ്രായം തിരുത്തി, കുറ്റക്കാരെ രക്ഷിക്കാൻ ശ്രമം പുറത്ത്

വൈദികൻ പ്രായപൂർത്തിയാകാത്ത പെൺകുട്ടിയെ ബലാൽസംഗം ചെയ്ത കേസിൽ 12 പ്രതികൾ

കണ്ണൂർ: കൊട്ടിയൂരിൽ വൈദികൻ പതിനാറുകാരിയെ പീഡിപ്പിച്ച സംഭവത്തിൽ പെൺകുട്ടിയുടെ പ്രായം തിരുത്തിയതായി റിപ്പോർട്ടുകൾ. ചൈൽഡ് വെൽഫെയർ കമ്മിറ്റി ഇക്കാര്യത്തിൽ കടുത്ത അലംഭാവം കാണിച്ചതായി സംശയം ഉയരുന്നുണ്ട്. ഇതോടെ പ്രശ്നത്തിൽ കുറ്റക്കാരെ സംരക്ഷിക്കാനുള്ള ശ്രമമാണ് നടക്കുന്നതെന്ന് ആരോപണമുയർന്നിട്ടുണ്ട്.

വ്യാജ സർട്ടിഫിക്കറ്റ് ഉണ്ടാക്കിയാണ് പ്രായം തിരുത്തിയത്. മാമോദീസരേഖയിലും എസ്എസ്എൽസി ബുക്കിലും പീഡനത്തിനിരയായ പെൺകുട്ടിയുടെ പ്രായം തിരുത്തിയിട്ടുണ്ട്. പെൺകുട്ടിയ്ക്ക് പ്രായപൂർത്തിയായെന്ന് തെളിയിച്ച് കുറ്റക്കാരനായ റോബിൻ വടക്കുംചേരിയ്ക്ക് അനുകൂലമായി അന്വേഷണം വഴിതിരിക്കാനാണ് ശ്രമം.

അതേസമയം ഈ കേസിൽ ഇതുവരെ 12 പേരെയാണ് പൊലീസ് പ്രതി ചേർത്തിട്ടുള്ളത്. ക്രിസ്തുരാജ ആശുപത്രിയിലെ ശിശു രോഗ വിദഗ്‌ദ്ധനെയും ജീവനക്കാരെയും പ്രതി ചേർത്തു. കന്യാസ്ത്രീകളടക്കം ആറ്പേരെ  നേരത്തെ കേസിൽ പ്രതി ചേർക്കപ്പെട്ടിരുന്നു.

Stay updated with the latest news headlines and all the latest Kerala news download Indian Express Malayalam App.

Web Title: Kottiyoor rape case more evidences on certificates changed