മാനസയുടേയും രഖിലിന്റേയും മൃതദേഹങ്ങള്‍ സംസ്കരിച്ചു

ഇന്ന് രാവിലെയാണ് മാനസയുടെ മൃതദേഹം കൊച്ചിയില്‍ നിന്നും കണ്ണൂരിലെത്തിച്ചത്

കണ്ണൂര്‍: കോതമംഗലത്ത് വേടിയേറ്റു മരിച്ച വിദ്യാര്‍ഥിനി പി.വി. മാനസയുടെ മൃതദേഹം സംസ്കരിച്ചു. കണ്ണൂര്‍ പയ്യാമ്പലത്ത് കോവിഡ് പ്രോട്ടോക്കോള്‍ പാലിച്ചായിരുന്നു സംസ്കാര ചടങ്ങുകള്‍ നടന്നത്.

നാറാത്തെ വീട്ടില്‍ രാവിലെ മൃതദേഹം പൊതുദര്‍ശനത്തിന് വച്ചതിന് ശേഷമായിരുന്നു സംസ്കരിച്ചത്. മന്ത്രി എം.വി ഗോവിന്‍, കെ.വി. സുമേഷ് എം.എല്‍.എ, കണ്ണൂര്‍ മേയര്‍ ടി.ഓ. മോഹനന്‍ എന്നിവര്‍ മാനസയുടെ വീട്ടിലെത്തി അന്ത്യോപചാരമര്‍പ്പിച്ചു.

ഇന്ന് രാവിലെയാണ് മാനസയുടെ മൃതദേഹം കൊച്ചിയില്‍ നിന്നും കണ്ണൂരിലെത്തിച്ചത്. എ.കെ.ജി ആശുപത്രിയിലേക്കാണ് മൃതദേഹം എത്തിച്ചത്. പിന്നീടാണ് നാറാത്തെ വീട്ടിലേക്ക് കൊണ്ടു പോയത്.

മാനസയെ കൊലപ്പെടുത്തിയതിന് ശേഷം ജീവനൊടുക്കിയ രഖിലിന്റെ മൃതദേഹവും സംസ്കരിച്ചു. പിണറായിലെ പൊതുസ്മശാനത്തില്‍ വച്ചാണ് മ‍ൃതദേഹം സംസ്കരിച്ചത്.

അതേസമയം, മാനസയുടെ മൃതദേഹവുമായി കണ്ണൂരിൽ എത്തി കോതമംഗലത്തേക്ക് തിരിച്ച് പോകുകയായിരുന്ന ആംബുലൻസ് അപകടത്തിൽപ്പെട്ടു. മാഹി പാലത്തിന് സമീപത്ത് വച്ചാണ് അപകടമുണ്ടായത്.

അപകടത്തില്‍ ആംബുലന്‍സില്‍ ഉണ്ടായിരുന്ന രണ്ട് ഡ്രൈവർമാർക്കും പരിക്കേറ്റു. ഇരുവരെയും കണ്ണൂർ മിംസ് ആശുപത്രിയിൽ പ്രവേശിപ്പിച്ചു. തലശേരിയിലേക്ക് പോവുകയായിരുന്ന ടാങ്കർ ലോറി ആംബുലൻസിൽ ഇടിക്കുകയായിരുന്നു.

Also Read: വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kothamangalam incident manasa and rakhil cremation

Next Story
അഞ്ച് ദിവസത്തിനിടെ ഒരു ലക്ഷത്തിലധികം രോഗികള്‍; കേന്ദ്ര സംഘം നാളെ ആരോഗ്യമന്ത്രിയെ കാണും
The moderation of comments is automated and not cleared manually by malayalam.indianexpress.com