കൊല്ലം: ഭ​ർ​തൃ​വീ​ട്ടി​ൽ വച്ച് യുവതിയെ പട്ടിണിക്കിട്ട് കൊന്ന സംഭവത്തില്‍ അറസ്റ്റിലായ ഭര്‍തൃപിതാവ് ലാലിയെ പൊലീസ് ചോദ്യം ചെയ്ത് വരുന്നു. കൊല്ലപ്പെട്ട തുഷാരയെ ഭർതൃപിതാവ് ലാലിയും ക്രൂരമായ മർദനത്തിന് ഇരയാക്കിയതായാണ് പൊലീസിന്റെ കണ്ടെത്തല്‍. തു​ഷാ​ര​ക്ക് ഭ​ക്ഷ​ണ​വും വെ​ള്ള​വും നി​ഷേ​ധി​ച്ച​തി​ലും ആ​ശു​പ​ത്രി​യി​ൽ കൊ​ണ്ടു​പോ​കാ​ത്ത​തി​ലും ഇ​യാ​ൾ​ക്ക് പ​ങ്കു​ണ്ടെ​ന്ന് ഡി​വൈഎ​സ്‌പി ദി​ൻ​രാ​ജ് പ​റ​ഞ്ഞു.

വീ​ട്ടി​ൽ ആ​ഹാ​ര സാ​ധ​ന​ങ്ങ​ൾ വാ​ങ്ങു​ന്ന​ത് ലാ​ലി​യാ​ണ്. ഇ​യാ​ൾ മ​റ്റ് പ്ര​തി​ക​ൾ​ക്കൊ​പ്പം തു​ഷാ​ര​യെ മ​ർ​ദി​ക്കു​ക​യും മാ​സ​ങ്ങ​ളോ​ളം ആ​ഹാ​രം ന​ൽ​കാ​തെ മാ​ന​സി​ക​മാ​യി പീ​ഡി​പ്പി​ക്കു​ന്ന​തി​ൽ പ​ങ്കാ​ളി​യാ​വു​ക​യും ചെ​യ്തു. തു​ഷാ​ര കൈ​ത്ത​ണ്ട മു​റി​ച്ച് ആ​ത്മ​ഹ​ത്യ​ക്ക് ശ്ര​മി​ച്ച​പ്പോ​ഴും മാ​സ​ങ്ങ​ളോ​ളം അ​ബോ​ധാ​വ​സ്​​ഥ​യി​ലാ​യ​പ്പോ​ഴും ആ​ശു​പ​ത്രി​യി​ൽ എ​ത്തി​ക്കു​ന്ന​തി​ന്​ അ​ധി​കാ​രി​ക​ളെ​യോ സ​മീ​പ​വാ​സി​ക​ളെ​യോ സ​മീ​പി​ക്കാ​ൻ ഇ​യാ​ൾ വി​സ​മ്മ​തി​ച്ചു.

Read: പട്ടിണിക്കിട്ട യുവതി മരിക്കുമ്പോള്‍ ഉണ്ടായിരുന്നത് വെറും 20 കിലോ; ഭര്‍ത്താവും മാതാവും അറസ്റ്റില്‍

ചെ​ങ്കു​ളം പ​റ​ണ്ടോ​ട്​​ ച​രു​വി​ള​വീ​ട്ടി​ൽ തു​ഷാ​ര​യാ​ണ്​ (26) മ​ന​സി​നെ മ​ര​വി​പ്പി​ച്ച ക്രൂ​ര​ത​ക്കൊ​ടു​വി​ൽ ക​ഴി​ഞ്ഞ മാസം 21ന്​ ​മ​രി​ച്ച​ത്. ഭര്‍ത്താവ് ചന്തുലാലും മാതാവ് ഗീതാ ലാലും, പിതാവ് ലാലിയും മൃഗീയമായി പീഡനത്തിന് ഇരയാക്കുകയും പട്ടിണിക്ക് ഇടുകയും ചെയ്തതിനെ തുടര്‍ന്നാണ് തുഷാര മരിച്ചത്.

ചന്തുലാലിന്റെ സഹോദരിയും തുഷാരയെ മർദനത്തിന് ഇരയാക്കാറുണ്ടെന്ന് നാട്ടുകാര്‍ ആരോപിച്ചിരുന്നു. ഇതിന്റെ അടിസ്ഥാനത്തില്‍ പൊലീസ് സഹോദരിയെ നിരീക്ഷിക്കുന്നുണ്ട്. ഏതെങ്കിലും ദുര്‍മന്ത്രവാദിയുടെ ഇടപെടലും പൊലീസ് പരിശോധിക്കുന്നുണ്ട്. വീട്ടിലെ പൂജാമുറിയില്‍ തുഷാരയെ ദുര്‍മന്ത്രവാദത്തിന് ഇരയാക്കിതായി ആരോപണം ഉയര്‍ന്ന പശ്ചാത്തലത്തിലാണിത്.

2013ലാ​യി​രു​ന്നു തു​ഷാ​ര​യു​ടെ​യും ച​ന്തു​ലാ​ലിന്റേയും വി​വാ​ഹം. വി​വാ​ഹ​സ​മ​യ​ത്ത് 20 പ​വ​ൻ സ്വ​ർ​ണ​വും ര​ണ്ടു ല​ക്ഷം രൂ​പ​യും സ്​​ത്രീ​ധ​ന​മാ​യി ന​ൽ​കാ​മെ​ന്ന് പ​റ​യു​ക​യും 20പ​വ​ൻ ന​ൽ​കു​ക​യും ചെ​യ്തു. മൂ​ന്നു മാ​സം ക​ഴി​ഞ്ഞ​പ്പോ​ൾ ര​ണ്ടു​ല​ക്ഷം രൂ​പ ആ​വ​ശ്യ​പ്പെ​ട്ടു. ച​ന്തു​ലാ​ൽ താ​മ​സി​ച്ചി​രു​ന്ന വീ​ടും പ​റ​മ്പും കാ​റും വി​റ്റ​താ​യി ബോ​ധ്യ​പ്പെ​ട്ട​തോ​ടെ തു​ഷാ​ര​യു​ടെ കു​ടും​ബം ബാ​ക്കി ര​ണ്ടു ല​ക്ഷം രൂ​പ ന​ൽ​കി​യി​ല്ല. ഇ​തി​നെ​ തു​ട​ർ​ന്നാ​ണ്​​ ച​ന്തു​ലാ​ലും മാ​താ​വും ചേ​ർ​ന്ന് തു​ഷാ​ര​യെ പീ​ഡി​പ്പി​ക്കാ​ൻ തു​ട​ങ്ങി​യ​ത്. വീ​ട്ടി​ൽ പോ​കാ​നോ വീ​ട്ടു​കാ​രെ ഫോ​ണി​ൽ വി​ളി​ക്കാ​നോ തു​ഷാ​ര​യെ അ​നു​വ​ദി​ച്ചി​ല്ല. സ്ത്രീധനം മാത്രമായിരുന്നോ പീഡനത്തിന് കാരണമാക്കിയതെന്ന് പൊലീസ് പരിശോധിക്കുന്നുണ്ട്.

Read: യുവതിയെ പട്ടിണിക്കിട്ടത് കൊല്ലുകയെന്ന ഉദ്ദേശ്യത്തോടെ, ഭർത്താവിനും അമ്മയ്ക്കുമെതിരെ കൊലക്കേസ്

ഭക്ഷണവും ചികിത്സയും നിഷേധിച്ച തുഷാര മരിക്കുമ്പോള്‍ വെറും 20 കിലോ മാത്രമാണ് തൂക്കം ഉണ്ടായിരുന്നത്. രണ്ട് കുട്ടികളുടെ മാതാവ് കൂടിയായിരുന്നു തുഷാര. പഞ്ചസാര വെളളവും അരി കുതിര്‍ത്തതും മാത്രമായിരുന്നു തുഷാരയ്ക്ക് ചന്തുലാലും ഗീതയും നല്‍കിയിരുന്നത്. ആരോഗ്യനില മോശമായപ്പോൾ ആശുപത്രിയില്‍ എത്തിച്ചില്ല. കൂടാതെ ക്രൂരമായി മർദിക്കുകയും ചെയ്തു.

ബോ​ധ​ക്ഷ​യ​ത്തെ​ തുടർന്ന് ഗുരുതരാവസ്ഥയിലാണ് തുഷാരയെ​ ജി​ല്ലാ ആ​ശു​പ​ത്രി​യി​ൽ എ​ത്തി​ച്ച​ത്. പക്ഷേ ജീവൻ രക്ഷിക്കാനായില്ല. ബ​ന്ധു​ക്ക​ൾ മരണത്തിൽ ദു​രൂ​ഹ​ത ആ​രോ​പി​ച്ച​തി​നെ തു​ട​ർ​ന്ന് തി​രു​വ​ന​ന്ത​പു​രം മെ​ഡി​ക്ക​ൽ കോ​ളേജ് ആ​ശു​പ​ത്രി​യി​ൽ പോ​സ്​​റ്റ്​​മോ​ർ​ട്ടം ന​ട​ത്തി​യ​പ്പോ​ഴാ​ണ്​ ക്രൂ​ര​ത പു​റ​ത്താ​യ​ത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.