അ​ഭി​മ​ന്യു കൊ​ല്ലപ്പെ​ട്ട മ​ഹാ​രാ​ജാ​സ് അ​ട​ച്ചുപൂ​ട്ടി വാഴ വെക്കുകയാണോ ചെയ്തത്?; കോ​ടി​യേ​രി ബാലകൃഷ്ണന്‍

തി​രു​വ​ന​ന്ത​പു​രം: അ​ഭി​മ​ന്യു കൊ​ല ചെ​യ്യ​പ്പെ​ട്ട മ​ഹാ​രാ​ജാ​സ് കോ​ള​ജ് അ​ട​ച്ചു പൂ​ട്ടി വാ​ഴ​വ​യ്ക്കു​ക​യാ​ണോ ചെ​യ്ത​തെ​ന്ന് യു​ഡി​എ​ഫി​നോ​ട് സി​പി​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ൻ. കോ​ള​ജ് അ​ട​ച്ചു പൂ​ട്ടാ​നു​ള്ള സ​മ​രം രാ​ഷ്ട്രീ​യ സ​മ​ര​മാ​ണെ​ന്നും ഇ​ട​തു​പ​ക്ഷം ഇ​തി​നോ​ടു യോ​ജി​ക്കു​ന്നി​ല്ല​ന്നും കോ​ടി​യേ​രി പ​റ​ഞ്ഞു. ഇന്ന് കേരളത്തിൽ ഏറ്റവും കൂടുതൽ വിദ്യാർത്ഥികൾ ഉന്നത വിദ്യാഭ്യാസം നേടുന്ന കോളേജ് യൂണിവേഴ്‌സിറ്റി കോളേജ്. അത് അടച്ചു പൂട്ടണമെന്നും ചരിത്ര മ്യൂസിയമാക്കണമെന്നുമൊക്കെയുള്ള യുഡിഎഫ് നിലപാടിനോട് യോജിക്കാൻ സാധിക്കില്ലെന്നും കോടിയേരി പറഞ്ഞു.

'അ​ഭി​മ​ന്യു കൊ​ല ചെ​യ്യ​പ്പെ​ട്ട മ​ഹാ​രാ​ജാ​സ് കോ​ള​ജ് അ​ട​ച്ചു​പൂ​ട്ടി വാ​ഴ​വ​യ്ക്കു​ക​യാ​ണോ ചെ​യ്ത​ത്?. വി​ദ്യാ​ർ​ഥി​ക​ൾ സ​മ​രം ചെ​യ്യു​ന്ന​തി​നോ​ട് ആ​രും എ​തി​ര​ല്ല. വി​ദ്യാ​ർ​ഥി സ​മ​ര​മെ​ന്നു പ​റ​ഞ്ഞ് എ​ക്സ് ക​ഐ​സ്യു​ക്കാ​രു​ടെ സ​മ​ര​മാ​ണ് ഇ​പ്പോ​ൾ ന​ട​ക്കു​ന്ന​തെ​ന്നും കോ​ടി​യേ​രി ആ​രോ​പി​ച്ചു.

നേ​ര​ത്തെ, ഇ​ടി​ച്ചു നി​ര​ത്തി​യ​ല്ലാ​തെ യൂ​ണി​വേ​ഴ്സി​റ്റി കോ​ള​ജി​ലെ എ​സ്എ​ഫ്ഐ തേ​ർ​വാ​ഴ്ച​യ്ക്കു ശാ​ശ്വ​ത പ​രി​ഹാ​ര​മു​ണ്ടാ​കി​ല്ലെ​ന്നു കെ. ​മു​ര​ളീ​ധ​ര​ൻ എം​പി പ​റ​ഞ്ഞി​രു​ന്നു. യു​ഡി​എ​ഫ് സ​ർ​ക്കാ​ർ ഇ​വി​ടെ​നി​ന്നു കോ​ള​ജ് മാ​റ്റു​ന്ന​തി​നെ​ക്കു​റി​ച്ച് ആ​ലോ​ചി​ച്ചി​രു​ന്നു. ഹൈ​ക്കോ​ട​തി ബ​ഞ്ച് തി​രു​വ​ന​ന്ത​പു​ര​ത്തു സ്ഥാ​പി​ക്കു​ന്ന​ത് ഇ​വി​ടെ​യാ​ക്കാ​നാ​യി​രു​ന്നു തീ​രു​മാ​നം. എ​ന്നാ​ൽ, കോ​ട​തി യാ​ഥാ​ർ​ഥ്യ​മാ​കാ​തെ പോ​യി. വാ​ട​ക​യ്ക്കു പ്ര​വ​ർ​ത്തി​ക്കു​ന്ന സ​ർ​ക്കാ​ർ ഓ​ഫീ​സു​ക​ൾ ഇ​വി​ടേ​ക്കു മാ​റ്റി​യി​ട്ടാ​യാ​ലും കോ​ള​ജ് ഒ​ഴി​പ്പി​ക്കു​ക​യാ​ണു വേ​ണ്ട​തെ​ന്നും മു​ര​ളീ​ധ​ര​ൻ പ​റ​ഞ്ഞു.

സംഘര്‍ഷത്തെ തുടര്‍ന്ന് അടച്ചിട്ട യൂണിവേഴ്സിറ്റി കോളേജ് അധ്യയനത്തിനായി ഇന്നാണ് തുറന്നത്. തിരിച്ചറിയല്‍ കാര്‍ഡ് പരിശോധിച്ചാണ് വിദ്യാര്‍ഥികളെയും അധ്യാപകരെയും കടത്തിവിട്ടത്. ഇനി മുതല്‍ ഇങ്ങനെയായിരിക്കുമെന്നാണ് പ്രിന്‍സിപ്പല്‍ പറഞ്ഞത്.