കണ്ണൂർ: കേരള രാഷ്ട്രീയത്തിൽ ആർഎംപിക്ക് പ്രസക്തി നഷ്ടമായെന്ന് കോടിയേരി ബാലകൃഷ്ണന്റെ വിമർശനം. ടിപി ചന്ദ്രശേഖരന്റെ രാഷ്ട്രീയ വഴിയിൽ നിന്ന് വ്യതിചലിച്ചാണ് ഇപ്പോൾ ആർഎംപിയുടെ പ്രവർത്തനം എന്ന് സിപിഎം സംസ്ഥാന സെക്രട്ടറി പറഞ്ഞു.

ആർഎംപിയെ കോൺഗ്രസ് പാളയത്തിലെത്തിക്കാനാണ് കെകെ രമ ശ്രമിക്കുന്നതെന്നും അദ്ദേഹം പറഞ്ഞു. “ടി.​പി.​ച​ന്ദ്ര​ശേ​ഖ​ര​ൻ ഒ​രി​ക്ക​ലും സി​പി​എം വി​രു​ദ്ധ​നാ​യി​രു​ന്നി​ല്ലെ​ന്ന് സി​പി​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ൻ. സി​പി​എം ന​ശി​ച്ചു​കാ​ണാ​ൻ ടി.​പി ഒ​രി​ക്ക​ലും ആ​ഗ്ര​ഹി​ച്ചി​രു​ന്നി​ല്ലെ​ന്നും പ്ര​ശ്ന​ങ്ങ​ൾ തീ​ർ​ന്നാ​ൽ സി​പി​എ​മ്മി​നോ​ട് അ​ടു​ക്ക​ണ​മെ​ന്നു ടി.​പി ആ​ഗ്ര​ഹി​ച്ചി​രു​ന്നെ”​ന്നും കോ​ടി​യേ​രി പ​റ​ഞ്ഞു.

സമീപകാലത്ത് വടകരയിൽ ആർഎംപി-സിപിഎം സംഘർഷം രൂക്ഷമായിരുന്നു. ഇരുവശത്തും ഉളള അനുഭാവികളുടെയും പ്രവർത്തകരുടെയും വീടുകൾ ആക്രമിച്ചതും പാർട്ടി ഓഫീസുകൾ ആക്രമിക്കപ്പെട്ടതും വാർത്തയായിരുന്നു.

സിപിഎമ്മിന്റെ അക്രമങ്ങൾക്കെതിരെ ഡൽഹിയിൽ എകെജി ഭവന് മുന്നിൽ വിവിധ സംസ്ഥാനങ്ങളിൽ നിന്നുളള ആർഎംപി പ്രവർത്തകർ ധർണ്ണ നടത്തിയിരുന്നു. എന്നാൽ ഈ വിഷയത്തിൽ ആരും പ്രതികരിച്ചിരുന്നില്ല.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ