Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

കൊച്ചി മുനമ്പത്ത് ബോട്ടിൽ കപ്പലിടിച്ച് മൂന്നു മത്സ്യത്തൊഴിലാളികൾ മരിച്ചു, ഇടിച്ചത് ഇന്ത്യൻ കപ്പൽ

മുനമ്പത്തുനിന്നും മത്സ്യബന്ധനത്തിന് പോയ ഓഷ്യാന എന്ന ബോട്ടിൽ കപ്പൽ ഇടിക്കുകയായിരുന്നു

കൊച്ചി: മുനമ്പത്തുനിന്നും മത്സ്യബന്ധനത്തിനു പോയ ബോട്ടിൽ കപ്പലിടിച്ച് മൂന്നു മത്സ്യത്തൊഴിലാളികൾ മരിച്ചു. തമിഴ്നാട് സ്വദേശികളായ മാണിക്കൊടി, യുഗനാഥൻ, യാക്കൂബ് എന്നിവരാണ് മരിച്ചത്. മലയാളി അടക്കം മൂന്നുപേരെ രക്ഷപ്പെടുത്തി. മറ്റു രണ്ടുപേർ കൊൽക്കത്ത, കുളച്ചൽ സ്വദേശികളാണ്. കടലിൽ ഒഴുകി നീങ്ങുകയായിരുന്ന ഇവരെ മറ്റു മത്സ്യത്തൊഴിലാളികളാണ് രക്ഷപ്പെടുത്തിയത്.

എട്ടുപേരെ കുറിച്ച് യാതൊരു വിവരവും ഇല്ല. 14 പേരാണ് അപകടത്തിൽപ്പെട്ട ബോട്ടിൽ ഉണ്ടായിരുന്നത്. കാണാതായവർക്കുളള തിരച്ചിൽ തുടരുകയാണ്. രക്ഷാപ്രവർത്തനത്തിനായി തീരദേശസേനയും രംഗത്തുണ്ട്.

ഇന്നു പുലർച്ചെ മൂന്നു മണിയോടെ നാട്ടിക തീരത്ത് നിന്ന് 15 കിലോമീറ്റർ അകലെ പടിഞ്ഞാറൻ പുറംകടലിലാണ് അപകടം. മുനമ്പത്തുനിന്നും മത്സ്യബന്ധനത്തിന് പോയ ഓഷ്യാന എന്ന ബോട്ടിൽ കപ്പൽ ഇടിക്കുകയായിരുന്നു. ഇടിച്ചശേഷം കപ്പൽ നിർത്താതെ പോയി. ഇടിയുടെ ആഘാതത്തിൽ ബോട്ട് പൂർണമായും തകർന്ന് മുങ്ങി.

ഇടിച്ചത് ഇന്ത്യൻ കപ്പലാണെന്ന് കണ്ടെത്തിയിട്ടുണ്ട്. മുംബൈ ആസ്ഥാനമായ എംവി ദേശഭക്തി എന്ന കപ്പലാണ് ഇടിച്ചത്. കപ്പൽ ചൈനയിൽനിന്നും ഇറാഖിലേക്ക് പോവുകയായിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kochi ship hit boat three fisherman died

Next Story
ജലന്ധര്‍ ബിഷപ്പ് ലൈംഗികമായി പീഡിപ്പിച്ചെന്ന കന്യാസ്ത്രീയുടെ പരാതി ലഭിച്ചിട്ടില്ലെന്ന് ഉജ്ജയിന്‍ ബിഷപ്പ്jalandar bishop franco mulaykkal
The moderation of comments is automated and not cleared manually by malayalam.indianexpress.com