കൊച്ചി: ഇന്ത്യ സ്വതന്ത്ര്യം നേടിയതിന്റെ 70ാം വാർഷികത്തോടനുബന്ധിച്ച് കൊച്ചി മെട്രോയിലും യാത്രക്കാർക്ക് സമ്മാനം. ആദ്യ സ്വാതന്ത്ര്യ ദിനം ആഘോഷിക്കുന്ന കൊച്ചി മെട്രോ, ഇത്തവണ ഏഴ് ദിവസത്തെ സൗജന്യ യാത്രയാണ് ഒരുക്കിയിരിക്കുന്നത്.

എന്നാൽ ഈ സൗജന്യ യാത്ര എല്ലാവർക്കും ലഭിക്കില്ല. ഇതിനായി ഒരു നിബന്ധന കൂടി കൊച്ചി മെട്രോ റയിൽ അധികൃതർ മുന്നോട്ട് വച്ചിട്ടുണ്ട്. ഇന്ത്യ സ്വതന്ത്രയായ 1947 ൽ ജനിച്ചവർക്ക് മാത്രമേ ഈ ആനുകൂല്യം ലഭിക്കൂ. അതിനായി ജനനം തെളിയിക്കുന്ന രേഖയും ഹാജരാക്കണം. അങ്ങിനെയാണെങ്കിൽ ഓഗസ്ത് 15 മുതൽ 21 വരെ ആലുവ മുതൽ പാലാരിവട്ടത്തേക്കും തിരിച്ചും എത്ര തവണ വേണമെങ്കിലും നിങ്ങൾക്ക് സഞ്ചരിക്കാം.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.