Latest News

വീട്ടിൽ വളർത്തിയ തേനീച്ചകളുടെ കുത്തേറ്റ് മൂവാറ്റുപുഴയിൽ 13കാരി മരിച്ചു

വീടിന് മുന്നിലിരുന്ന് പഠിക്കുന്ന സമയത്താണ് തേനീച്ചകൾ ആക്രമിച്ചത്…

കൊച്ചി: വീട്ടിൽ വളർത്തിയ തേനീച്ചകളുടെ കുത്തേറ്റ 13 കാരി മരിച്ചു. മൂവാറ്റുപുഴ വാളകത്തിനടുത്ത് കുന്നയ്ക്കാൽ തേവർമഠത്ത് ബെന്നിയുടെ മകൾ അലീനയാണ് മരിച്ചത്. ഇന്നലെ വൈകിട്ട് അഞ്ചരയോടെയാണ് സംഭവം നടന്നത്.

വീടിന് മുന്നിലിരുന്ന് പഠിക്കുകയായിരുന്നു അലീന. ഈ സമയത്ത് തേനീച്ചകളിൽ രണ്ടെണ്ണം അലീനയുടെ ചുണ്ടിലും കഴുത്തിലുമായി കുത്തി. ബോധരഹിതയായ അലീനയ്ക്ക് കുറച്ച് സമയത്തിനുളളിൽ നീർവീക്കം ഉണ്ടായി. ഉടനെ തന്നെ പെൺകുട്ടിയെ കോലഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

എന്നാൽ നീർവീക്കത്തിന് പിന്നാലെ കുട്ടിക്ക് ശ്വാസതടസവും അനുഭവപ്പെട്ടു. രാത്രി 11.30 യോടെ അസുഖം മൂർച്ഛിക്കുകയും മരണത്തിന് കീഴടങ്ങുകയുമായിരുന്നു.  ഓട്ടോറിക്ഷാ ഡ്രൈവറാണ് ബെന്നി. ഇവർക്ക് വീട്ടിൽ തേനീച്ച കൃഷിയുണ്ടായിരുന്നു.

ഷൈജിയാണ് അലീനയുടെ അമ്മ. അൽമിന ഏക സഹോദരിയാണ്. വാളകം ഹെബ്രോൻ സെമിത്തേരിയിൽ വൈകിട്ട് നാലിന് ശവസംസ്കാരം നടത്തി.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kochi 13 year old girl child died after honey bee bite

Next Story
ശബരിമല റിവ്യു ഹർജി; വാദം തത്സമയം സംപ്രേഷണം ചെയ്യണമെന്ന് ആവശ്യപ്പെട്ട് ഹർജിElection 2019, ലോക്‌സഭ തിരഞ്ഞെടുപ്പ്, Lok Sabha Election 2019, General Election 2019, പൊതു തിരഞ്ഞെടുപ്പ് 2019, Indian General Election 2019, തിരഞ്ഞെടുപ്പ് വാർത്തകൾ, Election news, kerala Election commissioner, ശബരിമല, Sabarimala, iemalayalam, ഐ ഇ മലയാളം
The moderation of comments is automated and not cleared manually by malayalam.indianexpress.com
Best of Express