Latest News

പിണറായി വിജയൻ കേരളത്തിന്റെ അന്തകവിത്ത്, എന്നെ പിന്തുടർന്ന് വേട്ടയാടുന്നു: കെ.എം.ഷാജി

തന്നെ ജയിലിലാക്കാനുള്ള കപ്പാസിറ്റിയൊന്നും പിണറായി വിജയന്റെ പൊലീസിനില്ലെന്നും ഷാജി പരിഹസിച്ചു

pinarayi vijayan, km shaji, ie malayalam

കണ്ണൂർ: അനധികൃത സ്വത്ത് സമ്പാദന കേസുമായി ബന്ധപ്പെട്ട് തന്നെ വേട്ടയാടുകയാണെന്ന് ലീഗ് എംഎൽഎ കെ.എം.ഷാജി. ഉദ്യോഗസ്ഥരെ ഉപയോഗിച്ച് തന്നെ പിന്തുടർന്ന് വേട്ടയാടുകയാണ് പിണറായി വിജയനെന്ന് ഷാജി പറഞ്ഞു. തന്നെ ജയിലിലാക്കാനുള്ള കപ്പാസിറ്റിയൊന്നും പിണറായി വിജയന്റെ പൊലീസിനില്ലെന്നും ഷാജി പരിഹസിച്ചു.

“പിണറായി വിജയൻ കേരളത്തിന്റെ അന്തകവിത്താണ്. ഉദ്യോഗസ്ഥർക്ക് സൂചന നൽകി എന്നെ വേട്ടയാടാനുള്ള ശ്രമങ്ങൾക്ക് പിന്നിൽ പിണറായിയാണ്,” ഷാജി പറഞ്ഞു. നിയമസഭ തിരഞ്ഞെടുപ്പിൽ അഴീക്കോട് നിന്നു തന്നെ വീണ്ടും ജനവിധി തേടുമെന്ന സൂചനയും ഷാജി നൽകി. ഏഷ്യാനെറ്റ് ന്യൂസിനോടാണ് ഷാജിയുടെ പ്രതികരണം. താൻ പണം സമ്പാദിച്ചത് ഇഞ്ചി കൃഷിയിലൂടെയാണെന്നും സിപിഎം സൈബർ സഖാക്കൾക്ക് കൃഷിയെ കുറിച്ച് ഒന്നും അറിയാത്തതുകൊണ്ടാണ് തന്നെ ട്രോളുന്നതെന്നും ഷാജി പറഞ്ഞു.

Read Also: പാലാ സീറ്റ് ജോസിന് തന്നെ; ശശീന്ദ്രൻ എൽഡിഎഫിൽ ഉറച്ചുനിൽക്കും

അനധികൃത സ്വത്ത് സമ്പാദനം, പ്ലസ് ടു സ്‌കൂൾ കോഴ തുടങ്ങിയ കേസുകളിൽ ആരോപണവിധേയനാണ് ലീഗ് എംഎൽഎ കെ.എം.ഷാജി. തനിക്കെതിരായ കേസുകൾ രാഷ്ട്രീയ പ്രേരിതമെന്നാണ് ഷാജിയുടെ ആരോപണം.

അഴീക്കോട് സ്‌കൂളിൽ ഹയർസെക്കൻഡറി അനുവദിക്കാൻ മാനേജ്‌മെന്റിൽ നിന്ന് പണം വാങ്ങിയെന്ന ആരോപണമാണ് ഷാജിക്കെതിരെയുള്ളത്. 2017 ൽ അഴിക്കോട് സ്‌കൂൾ മാനേജ്‌മെന്റിൽ നിന്ന് ഷാജി 25 ലക്ഷം രൂപ വാങ്ങിയെന്നാണ് പരാതി. കെട്ടിട നിർമാണ ചട്ടങ്ങൾ ലംഘിച്ച് വീട് പണിതതും വലിയ വിവാദമായിരുന്നു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Km shaji against pinarayi vijayan

Next Story
Kerala Nirmal Lottery NR-211 Result: നിർമൽ NR-211 ഭാഗ്യക്കുറി, ഒന്നാം സമ്മാനം കരുനാഗപ്പളളിയിൽ വിറ്റ ടിക്കറ്റിന്kerala lottery result onam bumper 2020, onam bumper 2020 price, onam bumper 2020 results, onam bumper 2020, onam bumper 2020 rate, onam bumber 2020, onam bumper 2020 lottery draw date, onam bumper 2020 result, onam bumper lottery result 2020, onam bumper 2020, onam bumper 2020 lottery, onam 2020, kerala onam bumper 2020 result, kerala onam bumper 2020, kerala lottery onam bumper 2020, kerala lottery results onam bumper 2020, onam bumper result, ഓണം ബമ്പര്‍ ലോട്ടറി, ഓണം ബമ്പര്‍ നറുക്കെടുപ്പ്, ഓണം ബമ്പര്‍ 2020, ഓണം ബമ്പര്‍ 2020 result, ഓണം ബമ്പര്‍ result, ഓണം ബംപര്‍
The moderation of comments is automated and not cleared manually by malayalam.indianexpress.com