Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

മാണിയെ ചൊല്ലി ബിജെപിയിൽ ഭിന്നത: അഴിമതിക്കാരെ എൻഡിഎയിൽ എടുക്കില്ലെന്ന് മുരളീധരൻ, ആർക്കും അയിത്തമില്ലെന്ന് ശ്രീധരൻ പിളള

അഴിമതിക്കാരെ എൻഡിഎയിൽ എടുക്കില്ലെന്ന വി.മുരളീധരന്റെ നിലപാടിനെ മുതിർന്ന നേതാവ് പി.എസ്.ശ്രീധരൻ പിളള തളളി

തിരുവനന്തപുരം: കെ.എം.മാണിയെ ചൊല്ലി ബിജെപിയിൽ ഭിന്നത രൂക്ഷം. കെ.എം.മാണിയെ എൻഡിഎയിലേക്ക് സ്വാഗതം ചെയ്ത ബിജെപി സംസ്ഥാന അധ്യക്ഷൻ കുമ്മനം രാജശേഖരന്റെ പ്രസ്താവനയാണ് നേതാക്കൾക്കിടയിൽ ഭിന്നതയുണ്ടാക്കിയത്. അഴിമതിക്കാരെ എൻഡിഎയിൽ എടുക്കില്ലെന്ന വി.മുരളീധരന്റെ നിലപാടിനെ മുതിർന്ന നേതാവ് പി.എസ്.ശ്രീധരൻ പിളള തളളി.

തിരഞ്ഞെടുപ്പിൽ കളളന്മാരുടെയും അഴിമതിക്കാരുടെയും വോട്ട് തേടുന്നതിൽ തെറ്റില്ലെന്നാണ് മുരളീധരൻ ഇന്നലെ പറഞ്ഞത്. എന്നാൽ ഇന്നദ്ദേഹം നിലപാട് മാറ്റി. മാണിയോടുളള ബിജെപി നിലപാടിൽ മാറ്റമില്ലെന്നും അഴിമതിക്കാരെ എൻഡിഎയിൽ എടുക്കില്ലെന്നും മുരളീധരൻ വ്യക്തമാക്കി.

മുരളീധരന്റെ ഈ നിലപാടിനെ തളളി ചെങ്ങന്നൂരിലെ സ്ഥാനാർത്ഥിയും മുതിർന്ന നേതാവുമായ പി.എസ്.ശ്രീധരൻ പിളള രംഗത്തെത്തി. എൻഡിഎയിൽ ആർക്കും അയിത്തമില്ല. മാണി കൊളളക്കാരനാണെന്ന അഭിപ്രായം എനിക്കില്ല. രാഷ് ട്രീയത്തില്‍ തൊട്ടുകൂടായ്മയ്ക്ക് സ്ഥാനമില്ലെന്നും ഇക്കാര്യത്തില്‍ മുരളീധരന്റെ അഭിപ്രായം തനിക്കില്ലെന്നും അദ്ദേഹം പറഞ്ഞു.

എൻഡിഎയുടെ കാഴ്​ചപ്പാടും നയങ്ങളും അംഗീകരിക്കുന്ന ആരു​ടെ മുന്നിലും മുന്നണിയുടെ വാതിൽ തുറന്നിട്ടിരിക്കുകയാണ്. എൻഡിഎയിലേക്ക്​ വരുന്നതിന്​ മാണി അനുകൂലമായി പ്രതികരിക്കുകയാണെങ്കിൽ അക്കാര്യം ഘടക കക്ഷികൾ യോഗം ചേർന്ന് തീരുമാനിക്കുമെന്നായിരുന്നു കുമ്മനം പറഞ്ഞത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Km mani issue sreedharan pillai reply to v muraleedharan comment

Next Story
പുത്തൻവേലിക്കരയിൽ വീട്ടമ്മയെ കൊന്നത് ബലാൽസംഗ ശ്രമത്തിനിടെ, പ്രതി അസം സ്വദേശി
The moderation of comments is automated and not cleared manually by malayalam.indianexpress.com