KM Mani funeral, Live Updates: അന്തരിച്ച കേരളാ കോണ്‍ഗ്രസ് ചെയര്‍മാന്‍ കെ എം മാണിയുടെ സംസ്‌കാരം വ്യാഴാഴ്ച പാലാ സെന്റ്തോ മസ് കത്തീഡ്രലില്‍ നടക്കും. മൃതദേഹം നാളെ കോട്ടയത്ത് തിരുനക്കര മെെതാനത്ത് പൊതുദര്‍ശനത്തിന് വയ്ക്കും. ഇപ്പോള്‍ മൃതദേഹം കൊച്ചിയിലെ സ്വകാര്യ ആശുപത്രിയിലാണുള്ളത്. ഇന്ന് ആശുപത്രിയില്‍ തന്നെ മൃതദേഹം സൂക്ഷിക്കാനാണ് തീരുമാനം.

Read More: K M Mani Funeral Live Updates: മാണി സാറിന് കേരളത്തിന്റെ ഹൃദയാഞ്ജലി

മൃതദേഹം രാവിലെ 9.30 ന് എറണാകുളം ലേക്ക്‌ഷോർ ആശുപത്രി മോർച്ചറയിൽ നിന്നും പുറത്തെടുക്കും. തൃപ്പൂണിത്തുറ, പൂത്തോട്ട, വൈക്കം, തലയോലപ്പറമ്പ്, കടുത്തുരുത്തി, ഏറ്റുമാനൂർ വഴി കോട്ടയം പാർട്ടി ഓഫിസിൽ 12 ന് എത്തിച്ചേരും. ഇവിടെ അരമണിക്കൂറോളം അന്തിമോപചാരം അർപ്പിക്കാൻ അവസരമുണ്ട്. 12.30 ന് തിരുനക്കര മൈതാനത്ത് പൊതുദർശനത്തിന് വയ്ക്കും.

രണ്ടിന് തിരുനക്കരയിൽ നിന്നും കളക്ടറേറ്റ്, മണർകാട്, അയർക്കുന്നം, കിടങ്ങൂർ, കടപ്ലാമറ്റം വഴി സ്വദേശമായ മരങ്ങാട്ട്പള്ളിയിൽ എത്തിക്കും. 3.30 വരെ ഇവിടെ മൃതദേഹത്തിൽ ആദരാഞ്ജലികൾ അർപ്പിക്കാൻ അവസരം ഉണ്ടാകും. തുടർന്ന് പാലാ മുനിസിപ്പൽ ടൗൺ ഹാളിൽ എത്തിക്കുന്ന മൃതദേഹം 4.30 ന് പൊതുദർശനത്തിനു വയ്ക്കും. ഇതിനു ശേഷം ആറിന് പാലായിലെ വീട്ടിലെത്തിക്കും. ഏപ്രിൽ 11 ന് ഉച്ചയ്ക്ക് രണ്ടിന് സംസ്‌കാര ശുശ്രൂഷകൾ ആരംഭിക്കുന്നതും, പാലാ കത്തീഡ്രൽ പള്ളിയിൽ സംസ്‌കാരം നടക്കുന്നതുമാണ്. തുടർന്ന് അനുശോചന യോഗം ചേരും.

ശ്വാസകോശ സംബന്ധമായ രോഗങ്ങളെ തുടര്‍ന്ന് കഴിഞ്ഞ വെള്ളിയാഴ്ചയാണ് മാണിയെ കൊച്ചിയിലുള്ള സ്വകാര്യ ആശുപത്രിയില്‍ പ്രവേശിപ്പിച്ചത്. ചൊവ്വാഴ്ച ഉച്ച കഴിഞ്ഞതോടെ മാണിയുടെ ആരോഗ്യനില മോശമാവുകയായിരുന്നു.

Read More: K M Mani, the longest serving legislator in Kerala history, passes away at 86, പാലാക്കാരുടെ സ്വന്തം മാണി സാർ