Latest News
കോവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്‍കാനാകില്ല; കേന്ദ്രം സുപ്രീം കോടതിയില്‍
തമിഴ്നാട്ടില്‍ ഒരാഴ്ചകൂടി ലോക്ക്ഡൗണ്‍ നീട്ടി
ഡല്‍ഹിയില്‍ കൂടുതല്‍ ഇളവുകള്‍ പ്രഖ്യാപിച്ചു; ബാറുകള്‍ക്ക് പ്രവര്‍ത്തനാനുമതി
ഷഫാലി വര്‍മ ഇന്ത്യന്‍ ടീമിലെ സുപ്രധാന ഘടകമാകും: മിതാലി രാജ്
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

കെവിനെ കൊലപ്പെടുത്തിയിട്ടില്ല; മുങ്ങിമരണമെന്ന് ഒന്നാം പ്രതി സാനു ചാക്കോ

സാനു, നീനുവിന്റെ അച്ഛൻ ചാക്കോ എന്നിവരടക്കം 14 പേരാണ് കേസിലെ പ്രതികൾ

കെവിൻ വധക്കേസിലെ ഇരുപത്തിയെട്ടാം സാക്ഷി അബിൻ പ്രദീപ് കൂറുമാറി. കെവിനെ തട്ടിക്കൊണ്ടുപോകുന്നത് അറിഞ്ഞിരുന്നു എന്ന് മൊഴി നൽകിയ വ്യക്തിയാണ് അബിൻ

കോട്ടയം: വിവാദമായ ദുരഭിമാന കൊലക്കേസിൽ, കെവിനെ കൊലപ്പെടുത്തിയിട്ടില്ലെന്ന വാദവുമായി ഒന്നാം പ്രതി സാനു ചാക്കോ. തനിക്കെതിരെ ചുമത്തിയ ഐപിസി 302-ാം വകുപ്പ് റദ്ദാക്കണമെന്നാണ് ആവശ്യപ്പെട്ടത്. കെവിന്റെ പോസ്റ്റുമോർട്ടം റിപ്പോർട്ട് ചൂണ്ടിക്കാട്ടിയാണ് സാനുവിന്റെ ഹർജി.

തനിക്ക് കുറ്റകൃത്യത്തിൽ പങ്കില്ലെന്ന് പറഞ്ഞ മൂന്നാം പ്രതി ഇഷാൻ വിശദമായ വിചാരണ ആവശ്യപ്പെട്ടു. മറ്റ് പ്രതികളുടെ അഭിഭാഷകർ അവധി ചോദിച്ചു. മാർച്ച് രണ്ടിന് കേസിൽ വീണ്ടും വാദം കേൾക്കും. കെവിന്റേത് ആസൂത്രിത കൊലപതാകമാണെന്നാണ് പ്രൊസിക്യുഷൻ നിലപാട്.

കേസിലെ എല്ലാ പ്രതികളെയും ഇന്ന് കോടതിയിൽ ഹാജരാക്കി. സാനു ചാക്കോയുടെ സഹോദരി നീനു, കെവിനെ പ്രണയിച്ച് വിവാഹം കഴിച്ചതിന്റെ പേരിലാണ് തട്ടിക്കൊണ്ടുപോയി കൊലപ്പെടുത്തിയതെന്നാണ് കേസ്. 2018 മെയ് 24-നാണ് നീനുവും കെവിനും വിവാഹം കഴിച്ചത്. മെയ് 27 ന് കെവിനെ തട്ടിക്കൊണ്ടുപോയി കൊലപ്പെടുത്തുകയായിരുന്നു.

സാനു, നീനുവിന്റെ അച്ഛൻ ചാക്കോ എന്നിവരടക്കം 14 പേരാണ് കേസിലെ പ്രതികൾ. ദുരഭിമാനക്കൊലയായി പരിഗണിക്കുന്ന കേസിൽ ആറ് മാസത്തിനകം വിചാരണ പൂർത്തിയാക്കി വിധി പുറപ്പെടുവിക്കണം. കേരളത്തിന്റെ ചരിത്രത്തിലാദ്യമായാണ് ഒരു കൊലപാതകം ദുരഭിമാനക്കൊലക്കേസായി പരിഗണിച്ച് വിചാരണ ആരംഭിക്കുന്നത്.

മെയ് 28-ന് കോട്ടയത്തെ ചാലിയേക്കര ആറ്റിലാണ് കെവിന്റെ മൃതദേഹം കണ്ടെത്തിയത്. സാനുവും സംഘവും കെവിനെ മർദ്ദിച്ച് അവശനാക്കി ആറ്റിൽ തള്ളുകയായിരുന്നുവെന്നാണ് പൊലീസ് കണ്ടെത്തൽ. കേസിൽ 186 സാക്ഷികളും 180 രേഖകളുമാണ് ഉളളത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kevin was not murdered says sanu chakko in court

Next Story
കുനിയാന്‍ പറയുമ്പോള്‍ ഇഴയുന്ന ഉദ്യോഗസ്ഥനാണ് എസ്. ശ്രീജിത്തെന്ന് മുല്ലപ്പള്ളിmullappally, മുല്ലപ്പള്ളി,mullappally ramachandran,മുല്ലപ്പള്ളി രാമചന്ദ്രന്‍ ak antony, congress, cyber attack,
The moderation of comments is automated and not cleared manually by malayalam.indianexpress.com