scorecardresearch
Latest News

‘എഴുത്തുകാർക്കെതിരെ ഒരു ഭീഷണിയും ഇവിടെ നടക്കില്ല’; എഴുത്തുകാര്‍ക്ക് മുന്‍പില്‍ പരിചപോലെ നിലകൊളളുമെന്ന് പിണറായി വിജയൻ

ആര്‍എസ്എസിനെതിരെ രൂക്ഷവിമര്‍ശനമാണ് മുഖ്യമന്ത്രി നടത്തിയത്

തിരുവനന്തപുരം: മതനിരപേക്ഷത ഉയര്‍ത്തിപ്പിടിക്കുന്ന എഴുത്തുകാര്‍ക്ക് മുന്‍പില്‍ പരിചപോലെ കേരളം നിലകൊള്ളുമെന്ന് മുഖ്യമന്ത്രി പിണറായി വിജയൻ പറഞ്ഞു. എഴുത്തുകാര്‍ക്കെതിരെ ഒരു ഭീഷണിയും ഈ മണ്ണില്‍ നടക്കില്ല. ഇതിനെതിരെ സര്‍ക്കാര്‍ നിലകൊള്ളുമെന്നും പിണറായി വ്യക്തമാക്കി. ദേശാഭിമാനി പുരസ്‌കാരം വിതരണം ചെയ്യുകയായിരുന്നു പിണറായി.

ആര്‍എസ്എസിനെതിരെ രൂക്ഷവിമര്‍ശനമാണ് മുഖ്യമന്ത്രി നടത്തിയത്. രാജ്യത്ത് ആര്‍എസ്എസിനെ എതിര്‍ത്താല്‍ കൊല്ലുമെന്ന അവസ്ഥയാണുള്ളതെന്ന് പിണറായി പറഞ്ഞു. ജീവിച്ചിരിക്കുന്ന എഴുത്തുകാര്‍ മൃത്യുജ്ഞയ ഹോമം നടത്താനാണ് ഒരു ആര്‍എസ്എസ് നേതാവ് കഴിഞ്ഞ ദിവസം പ്രസംഗിച്ചത്. ഇത് നടപ്പാക്കാനുള്ള ഇടമല്ല കേരളമെന്ന് ഓര്‍ത്താല്‍ നന്ന്. കേരളത്തിന്റെ സാംസ്‌കാരിക പ്രബുദ്ധത അന്ധകാര ശക്തികള്‍ക്ക് തകര്‍ക്കാനാവില്ല.

പ്ര​കോ​പ​ന​പ​ര​മാ​യ പ്ര​സം​ഗം ന​ട​ത്തു​ന്ന​വ​ർ സ​ർ​ക്കാ​ർ ആ​ർ​ക്കൊ​പ്പ​മാ​ണെ​ന്ന കാ​ര്യം ഓ​ർ​മ​യി​ൽ വ​യ്ക്ക​ണ​മെ​ന്നും ഹി​ന്ദു ഐ​ക്യ​വേ​ദി നേ​താ​വ് കെ.​പി.​ശ​ശി​ക​ല​യു​ടെ വി​വാ​ദ പ്ര​സം​ഗ​ത്തി​ന്‍റെ പ​ശ്ചാ​ത്ത​ല​ത്തി​ൽ മു​ഖ്യ​മ​ന്ത്രി മു​ന്ന​റി​യി​പ്പ് ന​ൽ​കി.

‘ചി​ല വ​ർ​ഗീ​യ ശ​ക്തി​ക​ൾ എ​ഴു​ത്തു​കാ​ർ​ക്കു മ​ര​ണ​വാ​റ​ന്‍റ് അ​യ​യ്ക്കു​ക​യാ​ണ്. ഗൗ​രി ല​ങ്കേ​ഷി​ന്‍റെ വ​ധ​ത്തേ​ക്കാ​ൾ ഞെ​ട്ടി​ക്കു​ന്ന​ത് ആ ​കൊ​ല​പാ​ത​ക​ങ്ങ​ളെ ന്യാ​യീ​ക​രി​ക്കു​ന്ന​താ​ണ്. അ​ടി​യ​ന്ത​രാ​വ​സ്ഥാ കാ​ല​ത്തു​പോ​ലും എ​ഴു​ത്തു​കാ​ർ കൊ​ല്ല​പ്പെ​ട്ടി​ട്ടി​ല്ല. എ​ന്നാ​ൽ എ​ഴു​ത്തു​കാ​ർ​ക്കെ​തി​രാ​യ ഭീ​ഷ​ണി കേ​ര​ള​ത്തി​ൽ വി​ല​പ്പോ​വി​ല്ല. സ​ർ​ക്കാ​ർ ആ​ർ​ക്കൊ​പ്പ​മാ​ണെ​ന്ന് ഇ​ക്കൂ​ട്ട​ർ മ​ന​സി​ലാ​ക്ക​ണം. ഭീ​ഷ​ണി​പ്പെ​ടു​ത്തു​ന്ന​വ​ർ ഇ​ക്കാ​ര്യം ഓ​ർ​ക്ക​ണം. ഇ​ല്ലെ​ങ്കി​ൽ ഓ​ർ​മി​പ്പി​ക്കാ​ൻ സ​ർ​ക്കാ​രി​ന​റി​യാം’ മു​ഖ്യ​മ​ന്ത്രി പ​റ​ഞ്ഞു.

‘ആര്‍എസ്എസിന്റെ ഈ നിലപാടിനെതിരെ യോജിച്ച പോരാട്ടം ഉയര്‍ന്നുവരണം. സംസ്‌കാരിക പ്രവര്‍ത്തകര്‍ക്കൊപ്പം വിശ്വാസികളെ അടക്കം ഉള്‍ക്കൊളളിച്ചാവണം പോരാട്ടം ഉയരേണ്ടത്. ഇതിന് വഴി തെളിക്കുന്നവരാകണം എഴുത്തുകാര്‍. എഴുത്തുകാര്‍ രാഷ്ട്രീയ നിലപാട് കൈക്കൊണ്ടാല്‍ പ്രതിഭ നഷ്ടമാകുമെന്നാണ് ചിലര്‍ പറയുന്നത്. കമ്യൂണിസ്റ്റ് പാര്‍ട്ടിയുമായി ചേര്‍ന്ന് നിന്നതുകൊണ്ട് ഒരു എഴുത്തുകാരനും ഹൃദയചുരുക്കം ഉണ്ടായിട്ടില്ല. എഴുത്തുകാര്‍ കമ്യൂണിസ്റ്റ് വിരുദ്ധ നിലപാട് കൈക്കൊണ്ടാല്‍ ആര്‍ക്കും പ്രശ്‌നമില്ല. സാഹിത്യകാരന്റെ രാഷ്ട്രീയ പക്ഷപാതിത്വത്തില്‍ യാഥാസ്ഥിതിക നിരൂപകര്‍ ഇരട്ടത്താപ്പാണ് കൈക്കൊണ്ടത്’ പിണറായി പറഞ്ഞു.

Stay updated with the latest news headlines and all the latest Kerala news download Indian Express Malayalam App.

Web Title: Kerala will give full security to writers cm pinarayi vijayan