ട്രഷറി ഇടപാടുകാരുടെ ശ്രദ്ധയ്ക്ക്; ഇന്ന് പണമിടപാട് രണ്ടു മണി വരെ മാത്രം, പിന്നെ രണ്ടു ദിവസം അവധി

സംസ്ഥാനത്തെ ട്രഷറികളിൽ ഇന്ന് പണമിടപാടുകൾ രണ്ടു മണി വരെ മാത്രം. നാളെ (ഞായറാഴ്ച), മറ്റന്നാൾ (തിങ്കളാഴ്ച) ദിവസങ്ങൾ ട്രഷറി അവധിയാണ്. അത് കഴിഞ്ഞു ചൊവ്വാഴ്ച തുറക്കും. എന്നാൽ അന്നും പണിമിടപാടുകൾ വൈകിയേ ആരംഭിക്കൂ.

അക്കൗണ്ടന്റ് ജനറലിന്റെ നിർദ്ദേശ പ്രകാരം സെപ്റ്റംബർ, മാർച്ച് മാസങ്ങളിലെ അവസാന ദിവസം ട്രഷറിയിൽ മുഴുവൻ പണവും ബാങ്കുകളിലേക്ക് മാറ്റേണ്ടതുണ്ട്. ഇന്ന് ഉച്ചയ്ക്ക് മുൻപ് പണം ബാങ്കുകളിലേക്ക് മാറ്റേണ്ടതിനാൽ ആണ് ഇന്നത്തെ ഇടപാടുകൾ രണ്ടു മണിക്ക് തീർക്കുന്നത്.

ഈ അടച്ച പണം ചൊവ്വാഴ്ച ബാങ്കിൽ നിന്നും തിരിച്ചെടുക്കും. അതിനു ശേഷം മാത്രമേ ആ ദിവസത്തെ പണമിടപാടുകൾ ആരംഭിക്കാൻ സാധിക്കുകയുള്ളൂ. ഒക്ടോബര് മാസത്തെ ആദ്യ പ്രവർത്തി ദിനമാണ് ഒക്ടോബര് മൂന്ന്, ചൊവ്വാഴ്ച. സർവ്വീസ് പെൻഷൻ വാങ്ങാൻ എത്തുന്നവർ ഈ കാലതാമസം കൂടി കണക്കിലെടുത്ത് വേണം അന്ന് ട്രഷറിയിൽ എത്താൻ.

മറ്റു വാർത്തകൾ: In other News

• കേരളത്തിൽ ശക്തമായ മഴ തുടരും, മത്സ്യബന്ധനത്തിന് വിലക്ക്: Kerala Weather Today
• രാജ്യത്ത് ലൈംഗിക ബന്ധത്തിനുള്ള പ്രായപരിധി കുറയ്ക്കേണ്ടെന്ന് നിയമ കമ്മിഷന്റെ ശുപാർശ
• മീനെന്ത് വില; അമ്മയ്ക്ക് സർപ്രൈസ് നൽകാൻ ദുബായിൽ നിന്നെത്തി മകൻ, വീഡിയോ