കെഎസ്ആർടിസിക്ക് മഹാരാഷ്ട്രയിൽ നിന്ന് വായ്‌പ ലഭ്യമാക്കാൻ ശ്രമം

ഹ്രസ്വകാല വായ്പകൾ അടച്ചുതീർക്കാനാണ് കെ.എസ്.ആർ.ടി.സി മാനേജ്മെന്റിന്റെ ശ്രമം

KSRTC, കെഎസ്ആർടിസി, Kerala RTC, കേരള ട്രാൻസ്പോർട് കോർപ്പറേഷൻ, കെ.എസ്.ആർടിസിയുടെ കടം, KSRTC loan, KSRTC maharashtra loan
കെ എസ് ആർ ടിസിയുടെ പുതിയ സ്കാനിയ, വോൾവോ ബസുകൾ

തിരുവനന്തപുരം: സാമ്പത്തിക പ്രതിസന്ധിയിൽ നട്ടം തിരിയുന്ന കെ.എസ്.ആർ.ടി.സി.ക്ക് മഹാരാഷ്ട്രയിലെ ബാങ്കുകളിൽ നിന്ന് വായ്പ ലഭ്യമാക്കുമെന്ന് റിപ്പോർട്ട്. ഗതാഗത മന്ത്രി തോമസ് ചാണ്ടിയുടെ ആവശ്യപ്രകാരം എൻസിപി ദേശീയ അദ്ധ്യക്ഷൻ ശരദ് പവാറാണ് ഇക്കാര്യത്തിൽ ഇടപെട്ടിരിക്കുന്നത്. വിവിധ ബാങ്കുകളിൽ നിന്ന് 1600 കോടി രൂപ ലഭ്യമാക്കുമെന്നാണ് വിവരം.

വായ്പ ലഭിക്കുന്നതിനുള്ള പ്രാഥമിക ചർച്ചകൾ പൂർത്തിയായിട്ടുണ്ട്. മറ്റ് കാര്യങ്ങൾ തീരുമാനിക്കാൻ കെഎസ്ആർടിസി ഉന്നത ഉദ്യോഗസ്ഥർ ഉടൻ മുംബൈയിലേക്ക് പോകും. പ്രതിദിനം 2.61 കോടി രൂപയാണ് കെഎസ്ആർടിസി പലിശയിനത്തിൽ മാത്രം നൽകുന്നത്. ആറ് കോടി രൂപ പ്രതിദിന വരുമാനമുള്ള കോർപ്പറേഷന് ഇത് താങ്ങാവുന്നതിലും അധികമാണ്.

മഹാരാഷ്ടയിലെ ബാങ്കുകളിൽ നിന്ന് വായ്പയെടുത്താൽ ഹ്രസ്വകാല വായ്പ കുടിശികകൾ അടച്ചുതീർക്കാമെന്നാണ് കോർപ്പറേഷന്റെ കണക്കുകൂട്ടൽ. ഇങ്ങിനെ വന്നാൽ തൊഴിലാളികൾക്ക് പ്രതിദിന വരുമാനത്തിൽ നിന്ന് തന്നെ ശമ്പളം നൽകാനാകും. ഇപ്പോൾ 4000 കോടിയാണ് കെ.എസ്.ആർ.ടി.സിയുടെ ആകെ കടം.

ഇത് തീർക്കാൻ കേരളത്തിലെ ബാങ്കുകളുമായി സർക്കാർ ചർച്ച നടത്തിയിരുന്നു. എന്നാൽ 13 ശതമാനം വരെയാണ് ബാങ്കുകൾ പലിശ ആവശ്യപ്പെട്ടത്. ഇതോടെ സർക്കാർ ഈ ശ്രമത്തിൽ നിന്ന് പിന്മാറുകയായിരുന്നു. പത്ത് വർഷ കാലാവധിയിൽ പത്ത് ശതമാനത്തിൽ താഴെ പലിശയ്ക്ക് വായ്പ ലഭ്യമാക്കാനാണ് ഗതാഗത മന്ത്രിയുടെ ശ്രമം. ഇതിന് സംസ്ഥാന സർക്കാർ തന്നെ ഈട് നിൽക്കും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Kerala state road transport corporation to avail loan from bankks in maharashtra

Next Story
പ്രദർശനാനുമതിക്കായി കോടതിയെ സമീപിക്കും:ഷേഡ്‌ ഓഫ് ഫാളന്‍ ചിന്നാറിന്റെ സംവിധായകൻ
The moderation of comments is automated and not cleared manually by malayalam.indianexpress.com