തിരുവനന്തപുരം: എസ്എസ്എൽസി പരീക്ഷ ഫലം പ്രഖ്യാപിച്ചു. വിദ്യാഭ്യാസ മന്ത്രി സി.രവീന്ദ്രനാഥ് വാർത്താസമ്മേളനത്തിലാണ് ഫലം പ്രഖ്യാപിച്ചത്. ഇത്തവണ വിജയശതമാനം 97.84 ശതമാനമാണ്. കഴിഞ്ഞ വർഷം 91.58 ശതമാനമായിരുന്നു. കഴിഞ്ഞ വർഷത്തെക്കാൾ 2 ശതമാനം ഇത്തവണ കൂടി.

ഏറ്റവും കൂടുതൽ വിജയശതമാനമുളള ജില്ല എറണാകുളമാണ് (99.12%). ഏറ്റവും കുറവ് വയനാട് ജില്ലയിലാണ് (93.87%). കൂടുതൽ വിജയശതമാനമുളള വിദ്യാഭ്യാസ ജില്ല മൂവാറ്റുപുഴയാണ് (99.82%). എല്ലാ വിഷയത്തിനും എ പ്ലസ് നേടിയത് 34,313 പേർ വിദ്യാർത്ഥികളാണ്. ഏറ്റവും കൂടുതൽ എ പ്ലസ് നേടിയ വിദ്യാർത്ഥികൾ മലപ്പുറം ജില്ലയിലാണ് (2435 കുട്ടികൾ).

1565സ്കൂളുകളാണ് നൂറു ശതമാനം വിജയം നേടിയത്. ഇതിൽ 517 സർക്കാർ സ്കൂളുകളാണ്. 4,41,103 കുട്ടികളാണ് ഇത്തവണ പരീക്ഷയെഴുതിയത്. പ്രൈവറ്റ് ആയി പരീക്ഷ എഴുതിയവരുടെ വിജയശതമാനം 75.76%.

പുനർ മൂല്യനിർണയത്തിന് മെയ് 5 മുതൽ 10 വരെ അപേക്ഷിക്കാം. ഓൺലൈനായാണ് അപേക്ഷ സമർപ്പിക്കേണ്ടത്. റെഗുലർ സേ പരീക്ഷകൾ മെയ് 21 മുതൽ 25 വരെ നടക്കും. ഫലപ്രഖ്യാപനം ജൂണിൽ നടത്തുമെന്ന് വിദ്യാഭ്യാസ മന്ത്രി അറിയിച്ചു. പ്ലസ് വൺ പ്രവേശനത്തിനുളള അപേക്ഷകൾ മെയ് 9 മുതൽ സമർപ്പിക്കാം.

പരീക്ഷഫലം പി​ആ​ർ​ഡി ലൈ​വ് എ​ന്ന മൊ​ബൈ​ൽ ആ​പ്പി​ൽ ലഭിക്കും. പബ്ലിക് ഇൻഫർമേഷൻ വകുപ്പിന്റേതാണ് ഈ മൊബൈൽ ആപ്. ഇതിന് പുറമെ //keralapareekshabhavan.in, //results.kerala.nic.in, keralaresults.nic.in, www.kerala.gov.in, www.prd.kerala.gov.in, //results.itschool.gov.in എ​ന്നീ വെ​ബ്സൈ​റ്റു​ക​ളി​ലും എ​സ്എ​സ്എ​ൽ​സി പ​രീ​ക്ഷാ​ഫ​ലം ല​ഭി​ക്കും.

ഗൂ​ഗി​ൾ പ്ലേ ​സ്റ്റോ​റി​ൽ നി​ന്ന് പി​ആ​ർ​ഡി ലൈ​വ് ആ​പ് ഡൗ​ണ്‍​ലോ​ഡ് ചെ​യ്യാം. എ​സ്എ​സ്എ​ൽ​സി ഒ​ഴി​കെ​യു​ള്ള പ​രീ​ക്ഷ​ക​ളു​ടെ ഫ​ലം (ടി​എ​ച്ച്എ​സ്എ​ൽ​സി/​എ​സ്എ​സ്എ​ൽ​സി (എ​ച്ച്ഐ)/​എ​എ​ച്ച്എ​സ്എ​ൽ​സി) പ​രീ​ക്ഷാ​ഭ​വ​ന്‍റെ ഔ​ദ്യോ​ഗി​ക വെ​ബ്സൈ​റ്റി​ൽ (//keralapareekshabhavan.in) ൽ മാ​ത്ര​മേ ല​ഭ്യ​മാ​കു​ക​യു​ള്ളൂ.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ