തിരുവനന്തപുരം: +5, +4 തുടങ്ങിയ നമ്പരുകളിൽ ആരംഭിക്കുന്ന കോളുകൾ അറ്റൻഡ് ചെയ്യരുതെന്നും മിസ്ഡ് കോൾ കണ്ടാൽ തിരിച്ചു വിളിക്കരുതെന്നും പൊതുജനങ്ങൾക്ക് കേരള പൊലീസിന്റെ മുന്നറിയിപ്പ്. മിസ്ഡ് കോൾ കണ്ടു തിരിച്ചു വിളിച്ചവർക്ക് ഫോണിലെ റീചാർജ് ബാലൻസ് ഇനത്തിൽ പണം നഷ്ടപ്പെട്ടതായി പരാതികൾ ലഭിച്ചിട്ടുണ്ട്. ഈ സാഹചര്യത്തിലാണ് ഈ നമ്പരുകളിൽ തുടങ്ങുന്ന കോളുകൾ അറ്റൻഡ് ചെയ്യുകയോ തിരിച്ചു വിളിക്കുകയോ ചെയ്യരുതെന്ന് കേരള പൊലീസ് ഹൈടെക് സെൽ അറിയിച്ചത്.

കഴിഞ്ഞ ഏതാനും ദിവസങ്ങളായി ബൊളീവിയയിൽ നിന്നുളളതാണെന്ന പേരിൽ അറിയപ്പെടാത്ത ചില നമ്പരുകളിൽനിന്നും മൊബൈൽ കോളുകൾ പലർക്കും ലഭിക്കുന്നുണ്ട്. മിസ്ഡ് കോൾ കണ്ട് തിരിച്ചു വിളിച്ചവർക്ക് ഫോൺ ബാലൻസ് നഷ്ടമാവുകയും ചെയ്തു. ഇതുസംബന്ധിച്ച് പരാതികൾ ലഭിച്ചതോടെയാണ് ഈ കോളുകളുടെ ഉറവിടവും ഉദ്ദേശവും സംബന്ധിച്ചുളള അന്വേഷണം പൊലീസ് ഹൈടെക് സെൽ ആരംഭിച്ചത്.

അന്വേഷണം പൂർത്തിയാകുന്നതുവരെ ഇത്തരം കോളുകൾ അറ്റൻഡ് ചെയ്യരുതെന്നും മിസ്ഡ് കോൾ കണ്ടാൽ തിരിച്ചു വിളിക്കരുതെന്നും പൊലീസ് നിർദ്ദേശമുണ്ട്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ