Kerala News Live Updates: കൊച്ചി: മുഖ്യമന്ത്രി പിണറായി വിജയനെതിരെ വാട്സാപ്പിൽ അപകീർത്തികരമായ സന്ദേശങ്ങൾ പ്രചരിപ്പിച്ച കെഎസ്ആർടിസി ജീവനക്കാരന്റെ സസ്പെൻഷൻ ഹൈക്കോടതി റദ്ദാക്കി.
ട്രാൻസ്പോർട് കോർപറേഷൻ സർവീസിൽ നിന്ന് സസ്‌പെൻഡ് ചെയ്ത പാറശാല ഡിപ്പോയിലെ കണ്ടക്ടർ പ്രശാന്തിന്റെ സസ്പെൻഷനാണ് കോടതി റദ്ദാക്കിയത്.

പ്രശാന്തിനെ അച്ചടക്ക നടപടിക്രമങ്ങൾ പാലിച്ച് സർവീസിൽ തിരികെ പ്രേവേശിപ്പിക്കാൻ ജസ്റ്റിസ് മുഹമ്മദ് മുഷ്താഖ് ഉത്തരവിട്ടു. കെഎസ്ആർടിസിയുടെ ആനവണ്ടി എന്ന വാട്സാപ്പ് കൂട്ടയ്മയിൽ മുഖ്യമന്ത്രിക്കെതിരെ സന്ദേശങ്ങൾ പ്രചരിപ്പിച്ചുവെന്നാണ് പ്രശാന്തിനെതിരായ ആരോപണം. സസ്പെൻഷൻ ചോദ്യം ചെയ്ത് പ്രശാന്ത്
സമർപ്പിച്ച ഹർജിയാണ് കോടതി പരിഗണിച്ചത്.