വിവാഹ വാഗ്ദാനം നൽകി പീഡനം; പ്രതിക്ക് പത്ത് വർഷം കഠിന തടവ്

മാര്യേജ് ബ്യുറോയുടെ ഓൺലൈൻ സൈറ്റ് വഴി പരിചയപ്പെട്ട പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച കേസിലെ പ്രതിക്ക് 10 വർഷം കഠിന തടവും രണ്ട് ലക്ഷം രൂപ പിഴയും. ചാവക്കാട് പാലയൂർ മുണ്ടതറ വീട്ടിൽ ജിതിനെയാണ് എറണാകുളം അഡീഷണൽ സെഷൻസ് കോടതി ശിക്ഷിച്ചത്. പെൺകുട്ടിയെ എറണാകുളത്തുള്ള വാടകവീട്ടിലേക്ക് വിളിച്ചു വരുത്തി ബലാൽസംഗം ചെയ്യുകയും മൊബൈലിൽ പകർത്തി ദൃശ്യങ്ങൾ സുഹൃത്തുക്കൾക്ക് അയക്കുമെന്ന് ഭീഷണിപ്പെടുത്തുകയും ലൈംഗിക ചൂഷണത്തിന് ഇരയാക്കുകയും ചെയ്തെന്നാണ് പ്രതിക്കെതിരായ കുറ്റം.

മലയാളസിനിമയിലെ നല്ലൊരു ശതമാനം അഭിനേത്രികളുടെയും പ്രിയപ്പെട്ട ഡിസൈനർമാരിൽ ഒരാളാണ് പൂർണിമ ഇന്ദ്രജിത്ത്. പൂർണിമ ഡിസൈൻ ചെയ്ത വസ്ത്രങ്ങളിൽ അവാർഡ് നൈറ്റുകളിലും മറ്റും തിളങ്ങുന്ന താരങ്ങളുടെ ചിത്രങ്ങൾ നമ്മൾ നിരവധി തവണി കണ്ടിട്ടുണ്ടാവും. ഇപ്പോഴിതാ, യുവതാരം സാനിയ ഇയ്യപ്പനായി പൂർണിമ ഒരുക്കിയ ചിത്രങ്ങളാണ് ഫാഷൻ പ്രേമികളുടെ കണ്ണും മനസ്സും കവരുന്നത്. Read More

തിരുവനന്തപുരം: കേരള സംസ്ഥാന ഭാഗ്യക്കുറി വകുപ്പിന്റെ സ്ത്രീ ശക്തി SS-193 ലോട്ടറിയുടെ നറുക്കെടുപ്പ് ഫലം പ്രഖ്യാപിച്ചു. ഒന്നാം സമ്മാനം എറണാകുളം ജില്ലയിൽ വിറ്റ SW 311063 എന്ന ടിക്കറ്റ് നമ്പരിനു ലഭിച്ചു. രണ്ടാം സമ്മാനം കോഴിക്കോട് ജില്ലയിൽ വിറ്റ SZ 430410 എന്ന ടിക്കറ്റ് നമ്പരിനു ലഭിച്ചു. ഭാഗ്യക്കുറിയുടെ ഫലം കേരള സംസ്ഥാന ഭാഗ്യക്കുറി വകുപ്പിന്റെ വെബ്സൈറ്റിലോ ഔദ്യോഗിക അറിയിപ്പുമായോ ഒത്തു നോക്കേണ്ടതാണ്. Read More

മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിയുമായി ഒത്തുതീർപ്പിലെത്തിയെന്ന് കോൺഗ്രസ് എംപി കെ.മുരളീധരൻ. അതുകൊണ്ടാണ് മുഖ്യമന്ത്രി പ്രതിപക്ഷ പ്രമേയത്തെ എതിർക്കുന്നതെന്നും മാഹിയിൽ മാധ്യമപ്രവർത്തകരോട് സംസാരിച്ച മുരളീധരൻ പറഞ്ഞു. നയപ്രഖ്യാപന ദിവസം മുഖ്യമന്ത്രിയുടെ തനിനിറം അറിയാം. ലാവലിൻ കേസിലെ വിധി മുന്നിൽ കണ്ടുകൊണ്ടുള്ള നീക്കമാണിതെന്നും മുരളീധരൻ ആരോപിച്ചു.

നടിയെ ക്വട്ടേഷൻസംഘം ആക്രമിച്ചു ദൃശ്യങ്ങൾ പകർത്തിയ കേസിൽ പ്രതി ദിലീപ് നിരന്തരം ഹർജികളുമായി കോടതിയെ സമീപിക്കുകയാണന്ന് പ്രോസിക്യൂഷൻ. കുറ്റവിമുക്തനാക്കണമെന്ന ദിലീപിന്റെ ഹർജിയെ പ്രോസിക്യൂഷൻ ശക്തമായി എതിർത്തു. കേസിൽ മറ്റന്നാൾ വിചാരണ തുടങ്ങാനിരിക്കുകയാണെന്ന് പ്രോസിക്യൂഷൻ വ്യക്തമാക്കി.

പെസഹ തിരുന്നാൾ ദിവസം യേശുദേവൻ ശിഷ്യൻമാരുടെ കാൽകഴുകി ചുംബിച്ചതിന്റെ സ്‌മരണ പുതുക്കുന്ന പതിവ് ക്രെെസ്‌തവ സഭയിലുണ്ട്. എല്ലാ വർഷവും പെസഹ വ്യാഴാഴ്‌ചയാണ് വെെദികർ 12 പേരുടെ കാൽ കഴുകി ചുംബിക്കുന്ന ആചാരമുള്ളത്. എന്നാൽ, പെസഹ വ്യാഴാഴ്‌ച അല്ലാഞ്ഞിട്ടും കഴിഞ്ഞ ദിവസം മാള തുമ്പരശേരി സെന്റ് മേരീസ് പള്ളിയിൽ അരങ്ങേറിയത് വെെകാരിക രംഗങ്ങൾ. തന്നെ പൊതുമധ്യത്തിൽ കയ്യേറ്റം ചെയ്‌ത വ്യക്തിയുടെ കാൽ കഴുകി ചുംബിച്ച് ക്രിസ്‌തുവിനെ അനുകരിക്കുകയായിരുന്നു തുമ്പരശേരി പള്ളി വികാരി ഫാദർ നവീൻ ഊക്കന്‍. Read More

സ്ത്രീവിരുദ്ധ പരാമര്‍ശവുമായി കാന്തപുരം എപി അബൂബക്കര്‍ മുസ്‌ലിയാർ. പൗരത്വ ഭേദഗതി നിയമത്തിനെതിരായ സമരത്തിലെ സ്ത്രീ പങ്കാളിത്തത്തെ വിമര്‍ശിച്ചാണ് കാന്തപുരം രംഗത്തെത്തിയത്. സ്ത്രീകള്‍ പുരുഷന്‍മാരെ പോലെ പ്രതിഷേധിക്കേണ്ട ആവശ്യമില്ലെന്ന് കാന്തപുരം പറഞ്ഞു. Read More

ഗവര്‍ണര്‍ ആരിഫ് മുഹമ്മദ് ഖാനെ തിരിച്ചുവിളിക്കണമെന്ന് ആവശ്യപ്പെട്ടുള്ള പ്രമേയത്തില്‍നിന്ന് പിന്നോട്ടില്ലെന്ന് പ്രതിപക്ഷ നേതാവ് രമേശ് ചെന്നിത്തല. പ്രമേയത്തില്‍ യുഡിഎഫ് ഉറച്ചുനില്‍ക്കുന്നു. ഗവര്‍ണര്‍ ബിജെപിയുടെ മെഗഫോണായി മാറി. പൗരത്വ ഭേദഗതി നിയമത്തിനെതിരായ പ്രതിഷേധത്തില്‍ സര്‍ക്കാരിന് ആത്മാര്‍‌ഥതയുണ്ടെങ്കില്‍ പ്രമേയത്തെ പിന്തുണയ്ക്കുമെന്നും ചെന്നിത്തല മാഹിയിൽ പറഞ്ഞു. Read More

മുൻകാല നടി ജമീല മാലിക്ക് (73) അന്തരിച്ചു. തിരുവനന്തപുരം മെഡിക്കൽ കോളേജിലായിരുന്നു അന്ത്യം. ഏറെ നാളായി അസുഖബാധിതയായിരുന്നു. ഏക മകൻ അൻസർ മാലിക്. പുനെ ഫിലിം ഇൻസ്റ്റിറ്റ്യൂട്ടിൽ നിന്ന് ചലച്ചിത്ര പഠനം പൂർത്തിയാക്കിയ ആദ്യ മലയാളി വനിതയാണ് ജമീല. ആലപ്പുഴ മുതുകുളം സ്വദേശിയായ ജമീല ആദ്യത്തെ കഥ (1972) എന്ന ചിത്രത്തിലൂടെയാണ് സിനിമയിൽ അരങ്ങേറ്റം കുറിച്ചത്. കെ ജി ജോർജിന്റെ ആദ്യസിനിമയിലെ നായികയായിരുന്നു.  Read More

കൂടത്തായി കൊലപാതകം പ്രമേയമായ ടെലിവിഷൻ പരമ്പരയുടെ നിരോധനം തുടരും .സ്റ്റേ നീക്കണമെന്ന സ്വകാര്യ ചാനലിന്റെ ആവശ്യം ഹൈക്കോടതി നിരസിച്ചു. ചാനലിന്റെ എതിർസത്യവാങ്മൂലം പരിശോധിച്ച കോടതി അതിലേക്ക് കടന്നില്ല. ഹർജിക്കാരനും കൊലപാതകക്കേസിലെ മുഖ്യ സാക്ഷിയുമായ കൂടത്തായി സ്വദേശി മുഹമ്മദിനോടും ഡിജിപിയോടും തർക്കമുണ്ടങ്കിൽ അറിയിക്കാൻ കോടതി നിർദേശിച്ചു.  സാധാരണ പ്രേക്ഷകരിൽ സീരിയൽ കേസിനെക്കുറിച്ച് മുൻവിധിയുണ്ടാക്കുമെന്നും വിചാരണയെ സ്വാധീനിക്കുമെന്നും പ്രോസിക്യൂഷൻ ചൂണ്ടിക്കാട്ടിയിരുന്നു. 

തിരുവനന്തപുരം, എറണാകുളം, കോഴിക്കോട് നഗരങ്ങളിൽ പെട്രോൾ വിലയിലും ഡീസൽ വിലയിലും 70 രൂപയ്ക്ക് മുകളിലാണ്. കേരളത്തിൽ സ്വർണവിലയിൽ ഇന്നു മാറ്റമില്ല. ഗ്രാമിനു 3,770 രൂപയും പവനു 30,160 രൂപയുമാണ് ഇന്നത്തെ വില. ഡോളറിനെതിരെ രൂപയുടെ മൂല്യം ഇന്നു 71.38 എന്ന നിലയിലാണ്. Read More

ഗവര്‍ണര്‍ ആരിഫ് മുഹമ്മദ് ഖാനെ ബിഗ് ബോസ് ഷോയില്‍ ഉള്‍പ്പെടുത്തണമെന്ന പരിഹാസവുമായി കോണ്‍ഗ്രസ് എംഎല്‍എ കെ.എസ്.ശബരിനാഥന്‍. “ചാനലുകളെ കണ്ടാലും മൈക്ക് കണ്ടാലും അപ്പോ പ്രസ്താവന ഇറക്കുന്ന ആളാണ് ഗവര്‍ണര്‍. അദ്ദേഹം ഒരു രാഷ്ട്രീയക്കാരനായതുകൊണ്ട് ആകാം അങ്ങനെ. എവിടെ ആള്‍ക്കൂട്ടം കണ്ടാലും അദ്ദേഹം പ്രസ്താവന ഇറക്കും. ഗവര്‍ണറെ കേരളത്തില്‍ നിന്നു പിരിച്ചുവിടണമെന്നാണ് കോണ്‍ഗ്രസ് ആവശ്യപ്പെടുന്നത്. അങ്ങനെ അദ്ദേഹത്തെ വിടാന്‍ പറ്റിയ സ്ഥലമാണ് ബിഗ് ബോസ് ഷോ. ബിഗ് ബോസില്‍ വൈല്‍ഡ് കാര്‍ഡ് എന്‍ട്രി നല്‍കിയാല്‍ ജയിക്കാന്‍ സാധ്യതയുള്ള ആളാണ് ഗവര്‍ണറെന്നും” ശബരിനാഥന്‍ എംഎല്‍എ പരിഹസിച്ചു. ബാലരാമപുരത്ത് നടന്ന രാഷ്ട്രീയ വിശദീകരണ യോഗത്തിലാണ് ശബരിനാഥൻ ഗവർണറെ ട്രോളിയത്. Read More

കുതിരാനിൽ ഇന്നും നാളെയും കർശന ഗതാഗത നിയന്ത്രണം.പവർ ഗ്രിഡ് കോർപ്പറേഷന്റെ ഭൂഗർഭ കേബിൾ ഇടുന്നതിന്റെ ഭാഗമായാണ് ട്രയൽ റൺ ഇന്നും നാളെയും നടത്തുന്നത്. പാലക്കാട് ഭാഗത്ത് നിന്നുളള വാഹനങ്ങൾക്ക് ഗതാഗത നിയന്ത്രണം ബാധമകമല്ല. രാവിലെ അഞ്ച് മുതൽ വെെകിട്ട് അഞ്ച് വരെയാണ് നിയന്ത്രണം. Read More

എൽഡിഎഫിന്റെ മനുഷ്യ മഹാ ശൃംഖലയിൽ പങ്കെടുത്ത മുസ്‌ലിം ലീഗ് നേതാവിന് സസ്‌പെൻഷൻ. മുസ്‌ലിം ലീഗ് ബേപ്പൂർ മണ്ഡലം വെെസ് പ്രസിഡന്റ് കെ.എം.ബഷീറിനെയാണ് പാർട്ടിയിൽ നിന്ന് സസ്‌പെൻഡ് ചെയ്‌തത്. ഭരണഘടന നഷ്‌ടപ്പെടുത്തുന്ന തരത്തില്‍ സര്‍ക്കാര്‍ നീങ്ങുമ്പോള്‍ അതിനെതിരെയുളള പ്രതിഷേധത്തില്‍ ഒരു പൗരനെന്ന നിലയിലാണ് പങ്കെടുത്തതെന്ന് മനുഷ്യ മഹാ ശൃംഖലയ്‌ക്ക് പിന്നാലെ ബഷീർ വിശദീകരിച്ചിരുന്നു. Read More

കേരള സംസ്ഥാന ഭാഗ്യക്കുറി വകുപ്പിന്റെ സ്ത്രീ ശക്തി SS-193 ലോട്ടറിയുടെ നറുക്കെടുപ്പ് ഇന്ന് നടക്കും. ഉച്ച കഴിഞ്ഞാണ് നറുക്കെടുപ്പ് ആരംഭിക്കുക. മൂന്ന് മണി മുതൽ ഫലം ലൈവായി അറിയാം. നാല് മണി മുതൽ ഭാഗ്യക്കുറിയുടെ ഫലം കേരള സംസ്ഥാന ഭാഗ്യക്കുറി വകുപ്പിന്റെ ഔദ്യോഗിക വെബ്‌സെെറ്റിൽ ലഭ്യമാണ്. Read More

നടിയെ ആക്രമിച്ച കേസുമായി ബന്ധപ്പെട്ട് പ്രതിയായ നടൻ ദിലീപ് സമർപ്പിച്ച പുതിയ ഹർജി ഹൈക്കോടതി ഇന്ന് പരിഗണിക്കും. മുഖ്യപ്രതിയായ സുനിൽ കുമാർ റിമാൻ‍ഡിൽ കഴിയുമ്പോൾ തന്നെ ഭീഷണിപ്പെടുത്തി കത്തയച്ചത് പ്രത്യേകം വിസ്തരിക്കണമെന്ന് ദിലീപ് ഹർജിയിൽ ആവശ്യപ്പെട്ടിട്ടുണ്ട്. എന്നാൽ ദിലീപ് ഉൾപ്പെട്ട ബലാൽസംഗക്കേസിന്‍റെ തുടർച്ചയാണ് ഭീഷണിക്കത്തെന്നും പ്രത്യേകം വിസ്തരിക്കേണ്ട കാര്യമില്ലെന്നുമാണ് പ്രോസിക്യൂഷൻ നിലപാട്.